غيرت مقاس الكاوتش وكمان طاسة الجنط

[kimocyc]

المشاركة الأصلية كتبت بواسطة mhamdy75 وعليك يا غالى كيمو حبيبى فينك والله واحشنى على فكرة أنا غيرت مقاس الكاوتش مرتين كمان هههههههههه ركبت 215-65-16 بتاع التيريوس وكانوا مستعملين وبعت له اللى فى الصور وبعد كده اشتريت 225- 60 -16 وده الحالى اللى فى العربيه

إزيك يا هندسة كيفك إنت ؟؟ واحشني اكتر والله..

ما شاء الله والله اكبر ويارب يبارك في التيجو..

ايه افضل المقاسات من الأربع مقاسات المذكورة ؟؟

1. الأصلي 235-60
2. المعدل 215-70
3. التريوس 215-65
4. الحالي 225-60

وطبعا مننساش الأسعار.. ههههههههههه
وشكرا لاهتمامك بالرد

[Felefel Ahmed]

السلام عليكم
لازم قطر الجنط الأصلي بالكاوتش = قطر الجنط الجديد بالكاوتش
علشان لفه العجله علي الأرض متخلفش السرعه مع عداد السرعه للعربيه يعنى لو الجنط الجديد بالكاوتش قطره أصغر من الفبريكه سرعه السياره هتكون اعلي من سرعه العداد امامك (العربيه سرعه 120 وأنت شايف ادامك علي العداد 105 مثلا) والعكس صحيح

حضرتك غيرت عرض الكاوتش (تمام)
غيرت ارتفاع الكاوتش من 60 الي 70 تمام
لازم الجنط ينزل من 16 الي 15

حضرتك تراجع القطر الأصلي كان كام
وكل ما تكبر مقاس الجنط مثلا 15 الي 16 لازم تقلل ارتفاع الكاوتش علشان يساوي نفس القطر فى النهايه

[mhamdy75]

المشاركة الأصلية كتبت بواسطة kimocyc إزيك يا هندسة كيفك إنت ؟؟ واحشني اكتر والله.. ما شاء الله والله اكبر ويارب يبارك في التيجو.. ايه افضل المقاسات من الأربع مقاسات المذكورة ؟؟ 1. الأصلي 235-60 2. المعدل 215-70 3. التريوس 215-65 4. الحالي 225-60 وطبعا مننساش الأسعار.. ههههههههههه وشكرا لاهتمامك بالرد

ويبارك فيك يا كيمو يا غالى

بالنسبة للسعر فبيتراوح م بين 470 جنيه و 580 وده للكور والاندونيسى

اما الاداء فمختلف تماما

بص يا سيدى

1. الأصلي 235-60 ( عرضه مبالغ فيه وبيقلل عزم الموتور )
2. المعدل 215-70 ( بيعلى العربيه وبيخليها غزالة بس يعيبه الشكل رفيع على العربيه )
3. التريوس 215-65 ( عزم عالى جدا فى العربيه ونعومة استهلاك أعلى فى البنزين )
4. الحالي 225-60 ( عزم كويس والشكل كويس و إرتفاع عن الارض تمام )

وطبعا إنت عارف ان العربيه اتوماتيك لذلك انا بحاول اشوف انسب مقاس يحقق معادلة

أكتر عزم وخصوصا على الرابع وشكل كويس وإرتفاع معقول

وأى إستفسار فى الخدمة

[mhamdy75]

المشاركة الأصلية كتبت بواسطة Felefel Ahmed السلام عليكم لازم قطر الجنط الأصلي بالكاوتش = قطر الجنط الجديد بالكاوتش علشان لفه العجله علي الأرض متخلفش السرعه مع عداد السرعه للعربيه يعنى لو الجنط الجديد بالكاوتش قطره أصغر من الفبريكه سرعه السياره هتكون اعلي من سرعه العداد امامك (العربيه سرعه 120 وأنت شايف ادامك علي العداد 105 مثلا) والعكس صحيح حضرتك غيرت عرض الكاوتش (تمام) غيرت ارتفاع الكاوتش من 60 الي 70 تمام لازم الجنط ينزل من 16 الي 15 حضرتك تراجع القطر الأصلي كان كام وكل ما تكبر مقاس الجنط مثلا 15 الي 16 لازم تقلل ارتفاع الكاوتش علشان يساوي نفس القطر فى النهايه

أحمد باشا

فعلا كلام حضرتك سليم

وأنا سألت قبل ما غير المقاسات

عرفت إن فى نسبة سماح 3% تلعب فيها براحتك

سواء تكبر لمقاس أو تصغره

وعليه إبتديت أغير وأشوف النتيجة

---------------

وبالنسبة للعداد برضو كلامك سليم

وبتبقى نسبة بسيطة

شكرا لمرورك وإضافتك القيمة

[Felefel Ahmed]

المشاركة الأصلية كتبت بواسطة mhamdy75 أحمد باشا فعلا كلام حضرتك سليم وأنا سألت قبل ما غير المقاسات عرفت إن فى نسبة سماح 3% تلعب فيها براحتك سواء تكبر لمقاس أو تصغره وعليه إبتديت أغير وأشوف النتيجة --------------- وبالنسبة للعداد برضو كلامك سليم وبتبقى نسبة بسيطة شكرا لمرورك وإضافتك القيمة

م/ حمدي
شكرا علي اضافه معلومه ال 3%
احلى شيئ فى الدنيا ان كلنا نتعلم من بعض ونزود معلومات بعض
شكرا