ارجوا الرد : سؤال بخصوص فحص و تجديد الترخيص

[احمد الجارحـي]

السلام عليكم و رحمة الله وبركاتهُ
دلوقتي انا اشتريت عربية يوم 19-12-2013 و مالك العربية كان معاة عقد بيع مسجل من المالك الأصلي اللي هي الرخصة بأسمهُ المهم لما روحنا المرور و طلع شهادة بيانات و مخالفات و روحنا انا و هو للشهر العقاري و عملي عقد بيع مسجل بموجب العقد اللي معاة و سلمني كل ما يخص العربية.
يعني انا معايا دلوقتي عقدين بيع مسجلين
العقد الاول من مالك العربية إلي المشتري الاول
العقد الثاني من المشتري الاول إلي المشتري الثاني اللي هو انا
مع العلم انه دفع رسوم الضريبة و كان متبقي الفحص و التأمين و نقل الملكية علي أسمي.
المهم اني حتي الان لم أقم بأي اجراء ولا روحت المرور و لا نقلت ملكية ولا عملت فحص ولا أي حاجة و طبعاً الرخصة منتهية اصلاً من شهر 10-2013 يعني بقالها 5 شهور منتهية لكن الضريبة مدفوعة و متبقي التأمين
فيه ضرر ؟ و ايه الضرر لو فيه ؟ ولو فيه ضرر لقدر الله حلها إيه؟
أرجوا افادتي بالتفصيل.. لأني ببيع العربية وياريت تقوليلي طريقة البيع هتكون إيه يعني ابيعها بتوكيل ولا ابيعها بعقد مسجل بردوا ولا أعمل أيه ياريت تفيدوني افادكم الله.
و كمان انا بفكر اجدد ترخيص و انقل ملكية ع أسمي. انا تبع مرور السلام و العربية ملفها في مرور السلام بردوا.
وانا زي ماسبق وقولت انا دافع الضريبة كده فاضل إيه ؟ و الطفاية عندي طفاية ف العربية لكن تقريباً عطلانة او اليد بتاعها مكسور هينفع ارخص بيها ولا إيه و عندي طفاية سبور معلقها قدام لونها سيلفر هيقبلوا بيها الترخيص ولا ايه ؟
افيدوني لأني مفلس وعايز الم نفسي ف الموضوع ده ضرورى لاني عايز ابيع العربية

[mr_astra]

عليكم لاسلام ورحمة الله وبركاتة
* فى حالة انك عاوز تجدد وتنقل ملكية باسمك
هاتروح مرور السلام وتطلع شهادة مخالفات
تشترى نموذج فحص وتجديد ونقل ملكية
تدفع التامين الاجبارى لغاية تاريخ انتهاء الضريبة اللى اعتقد فى 12/2014
معاك طبعا عقد البيع المسجل باسمك + عقد البيع المسجل بتاع البائع
افحص العربية وتختم شهادة صلاحية الطفاية اللى بتيجى مع اورنيك الفحص
لو تمام (من جد وجد ) يبقى تروح على الشباك اعتقد استاذ البير
لو مش تمام هاتضطر تشترى طفاية من عندهم بـ 136 جنية
وتستلم الرخصة من تحت المظلة
وانا متاكد انو هايديلك رخصة مش تصريح
القصة دى كلها ممكن تصرف حوالى 200 جنية لو الطفاية تمام

* لو هاتبيع على كدة
تجيب شهادة بيانات(موجهه للشهر العقارى ) وشهادة مخالفات من مرور السلام
بس خلى بالك نيابة المرور فى السلام اقل حاجة يوم كامل فى الطابور
ولو عاوز تخدم المشترى هاتلة بيان استعلام امنى عشان ينقل ملكية على طول
وتعمل توكيل للمشترى بموجب شهادة البيانات اللى معاك
ولاتكلفة فى الحالة دى 12 جنية مثلا ثمن شهادة البيانات

[mr_astra]

نسيت اقول فى الحالة رقم 2
وانت بتجيب شهادة مخالفات
قبلها هات ورقة مش فاكر اسمها مفادها لما العربية كانت ارقام وحروف كانت كام
ودى هاتجبها من الشباك اللى اول ما تدخل المرور المظلة على ايدك اليمين كمل وادخل الحتة الضلمة
هو اول شباك فى الوش