انا اشتريت النيسان السوبر الجديده

[TiTo Sky]

الف مبروك ربنا يباركلك فيها ويكفيك شرها

[Mostafa Mohamed Abd Allah]

الف مبروك
ربنا يديك خيرها و يكفيك شرها

[man1974]

المشاركة الأصلية كتبت بواسطة السيد هلهول انا اشتريت السوبر صالون 2013 الجديده في 10/12/2012 وهي عربيه سحبها ناعم جدا ومتحسش بصوت الموتور بس حاسس ان عفشتها ناشفه بسيط واستهلاك البنزين معقول ومش عارف اشغل البلتوث اللي في الكاسيت عاوز اعرف مواعيد الصيانه الدوريه خصوصا اني عملت بيها 250 كيلو في 5 ايام داخل البلد في بورسعيد والصيانه بتكلف كام كل مره وايه رأيكو في العربيه

ألف مبروك ياريس، ربنا يديك خيرها ويكفيك شرها، إدعيلي كده ربنا يسهل واستلم أنا كمان أنا حاجر من شركة "آي إف جي" الإسماعيلية.
متنساش لما تيجي ترخص تخلي مهندس الفحص في المرور يثبتلك الزجاج الفامية على الأورنيك بتاع الفحص ويكتب زجاج فاميه فابريكا، وتنبه الموظف إللي على الكمبيوتر إنه يكتب كده على الرخصة برده, وألف مبروك.

[man1974]

المشاركة الأصلية كتبت بواسطة السيد هلهول انا اشتريت السوبر صالون 2013 الجديده في 10/12/2012 وهي عربيه سحبها ناعم جدا ومتحسش بصوت الموتور بس حاسس ان عفشتها ناشفه بسيط واستهلاك البنزين معقول ومش عارف اشغل البلتوث اللي في الكاسيت عاوز اعرف مواعيد الصيانه الدوريه خصوصا اني عملت بيها 250 كيلو في 5 ايام داخل البلد في بورسعيد والصيانه بتكلف كام كل مره وايه رأيكو في العربيه

لتشغيل البلوتوث شوف الفيديو ده: http://www.**********.net/Nile/320089-2013.html اعقتد ان فيه صيانة الالف وبعد ه كده 5000 كم، عندنا في الإسماعيلية مفيش توكيل صيانة لنيسان واعتقد برده نفس الشيء في بورسعيد، أقرب مكان ليك دمياط أو المنصورة أو القاهرة أو السويس. كلم أي وكيل صيانة من دول وأسأله عن التكلفة قبل ما تروح. بصراحة العربية جميع وأحلى حاجة فيها بالنسبالي إنها عالية عن الأرض مبتحكش في المطبات. وألف مبروك.

[sehsss]

ألف مبروك، وبالنسبة للعفشة بعد 10 آلاف كيلو هاتلاقيها ريحت وبقت ممتازة