اختبار قيادة : تويوتا كورولا 2008 المزودة بعلبة التروس الذكية

[ayman abdelrazek]

يا جماعه الفتيس ده فيه مشكله كبيرة فعلا
أحد اصدقائى المقربين كان يمتلك فورد فوكس 2008وقام ببيعها
لسبب رئيسى انها واطيه جدا وبتحك فى الطوب اللى فى الارض فمابالك بالمطبات
المهم
اشترى تويوتا مو 2008 كامله اوتو جنوب افريقى عامله 5000 ك
العربيه فعلا مفيهاش اى سلاسه فى التعشيق وأثناء تغيير نسب القياده
ومحسوسه جدا وتحس بيها اكتر على السرعات المنخفضه
وكأنك راكب جمل المحمل (بجد والله انا جربتها بنفسى كتيييير جدا)
ذهبنا بها للتوكيل ابلغونا بشئ غريب جدا ان السياره مانيوال وليست اوتوماتيك
وان الفتيس يوجد به ديسك دبرياج مثل المانيوال تماما ولكنه كهربى الحركه
وشكر غير عادى وثناء رهيب على الاختراع اللى بيوفر فى البنزين وبيزود التسارع ........الخ
المهم بعد زيادة الشكوى من صديقى الفتيس فصل تماما عن الحركه وعطلت بيه العربيه فى نفق السلام
والدنيا كلها كانت بتتفرج على العربيه الاولى فى الاعتماديه فى مصر وهى قافله المرور فى النفق
المهم خدناها بعد مادارت بالعافيه على التوكيل وعملنا مشكله وهليله
ابلغونا ان هناك سوفت وير جديد يقوم بتسريع النقلات وتخفيضها من ثلاث ثوانى الى ثانيتين
ياحلااااااااااااااااااوه (ازاى معرفش)

المهندسه اللى هناك باسألها عن السوفت وير الجديد طيب خلوها ثانيه واحده او اقل
ردت عليا ان الفتيس مانيوال يا استاذ والديلاى اللى موجود ده لازم علشان عمل الدبرياج


المهم ذهبنا اليوم التالى لأستلام السياره أبلغونا ان السياره يوجد بها مشكله فى كنترول الفتيس
ومش راضى يقبل السوفت وير الجديد مثلنا تماما (مش راضيين نقبل كلامها)

صوتى على عليها وبوقت فيها قامت وأبلغتنا بالفجيعه الكبرى

الكنترول الخاص بالفتيس يجب تغييره تماما لأن رجل صديقى تقيله على العربيه واتحرق
وكان ينبغى عليه رفع قدمه من على الدواسه البنزين بين النقله والنقله ومراقبتها عن طريق الاحساس
وعن طريق عداد الار بى ام (عدد لفات الموتور)


ولازم علشان يتم تغييره موافقه من الفرع الرئيسى لعمل اللازم لأن ثمنه 20000 جنيه
نعم عشرون الف جنيه كما قرأتم تماما
سقط فى يدى ولم استطيع حتى النطق وخدنا بعضنا ومشينا


وكنت ناوى اعمل موضوع عن هذه الواقعه المؤسفه ولكنى استثمرت هذه
الفرصه وكتبت المشكله فى موضوع الرائع لفادى بك


وانشاء الله عند التغيير هصورلكم امر الشغل وانزله فى الموضوع ده علشان كله يطلع على الخيبه القويه


وسلام مربع للميجان اللى بقت بتمن الفيرناptmnlo123per154
وانا لله وانا اليه راجعون

[mtema99]

هو زي ما قلتلك يا ايمن

الفتيس من ضمن احسن الفتيسات من 1800 و ما فوق و متعارف عليه و جيد جدا في اوروبا

و لكنه ليس بذات الجوده في محركات من 1600 و ما دونها

ربما يكون لان النسخه المصغره منه التي تركب مع ال 1600 و ما تحت مصنعه في التشيك و النسخه للمحركات الكبيره مصنعه فاليابان و المانيا و فرنسا

ربما

[فادى]

المشاركة الأصلية كتبت بواسطة mtema99 انا نجحت انا نجحت انا نجحت اخيرا باشمهندس فادي ساق تويوتا و مش اي تويوتا ديه تويوتا من الصف السفلي (مالهاش لزمه) + انها امامي و مع ذلك شكر فيها فشويه حاجات انها مشكرتش فيها زيه مع العلم اني اتفق معاه تماما في عيب المحرك و الجير بوكس على الرغم من اني قدت ال 1800 بذات الفتيس و لكن التوقيت كان افضل بكثير اما عن التمايل فهي افضل من سابقتها على الاطلاق و محرك ال 1800 بها و مواصفاته افضل و افضل

العربية فيها جوانب حلوة, مثل الراحة و جودة الصنع,
و انا مبقولش انو اليابانيين يصنعون سيارات لا تصلح للركوب, ليهم سيارات جيدة,
كانت اول عربية يابانى اسوقها هى اللانسر البومة, و دى يمكن من اكتر العربيات اللى كرهتنى فى اليابانى, و سقت كذلك النيسان اكس تريل,
و يمكن القول انو تويوتا افضل ما فى اليابانى, و انها الشركة الوحيدة التى ستعيش مستقلة فى اليابان.
لكن اليابانى كله لا يناسبنى لأنى بحب العربيات اللى فيها روح, انا لازم احب العربية قبل ما اجيبها.
و متفق معاك العربية فعلا محتاجة محرك أكبر, و اعتقد انو النسخة ال1800 هتكون أفضل من ناحية الأداء.
و فى النهاية انا حيدت كل شىء, و كل اللى كنت عايزه انى اشرح احساسى اثناء قيادة السيارة.
و متفق معاك انها تتفوق عن الكورولا السابقة فى كل شىء لاسيما جودة المقصورة و الثبات, لكن القديمة احلى شكلا فى رأيى.

[mtema99]

المشاركة الأصلية كتبت بواسطة فادى العربية فيها جوانب حلوة, مثل الراحة و جودة الصنع, و انا مبقولش انو اليابانيين يصنعون سيارات لا تصلح للركوب, ليهم سيارات جيدة, كانت اول عربية يابانى اسوقها هى اللانسر البومة, و دى يمكن من اكتر العربيات اللى كرهتنى فى اليابانى, و سقت كذلك النيسان اكس تريل, و يمكن القول انو تويوتا افضل ما فى اليابانى, و انها الشركة الوحيدة التى ستعيش مستقلة فى اليابان. لكن اليابانى كله لا يناسبنى لأنى بحب العربيات اللى فيها روح, انا لازم احب العربية قبل ما اجيبها. و متفق معاك العربية فعلا محتاجة محرك أكبر, و اعتقد انو النسخة ال1800 هتكون أفضل من ناحية الأداء. و فى النهاية انا حيدت كل شىء, و كل اللى كنت عايزه انى اشرح احساسى اثناء قيادة السيارة. و متفق معاك انها تتفوق عن الكورولا السابقة فى كل شىء لاسيما جودة المقصورة و الثبات, لكن القديمة احلى شكلا فى رأيى.

شكرا جزيلا لردك

رغم انه خلاني اكون مغرور شويهptmnlo123per122

و إن شاء الله لو توصلت لحد معاه لكزس جي اس 1994 زي ما انا عارض فالمنتدى هخليك تسوقها

و تجربها بنفسك عشان تشوف متعه القياده فالمحركات الكبيره لدى تويوتا

[mtema99]

و انا معاك في حكايه اللانسر ديه

انا فعلا لو كان اول عربيه ركبتها لانسر عمري ما كنت هتيق الياباني برضك

بس انا اتربيت و والدي قبل ما يتوفى كان معاه هايلاكس و كرسيدا و والدتي صني

و خالي كرولا و كرونا و اتعلمت على كرسيدا و كراون