طريقة سهلة لغسيل الريداتير ودورة المياه بدون فك ..

[حسام البورسعيدى]

المشاركة الأصلية كتبت بواسطة foolh_old_man2010 شكرا على الموضوع بس لاتنس اننا فى صفحه الانوس فقط وسيارت حديثه وليس له عطاءفى الراداتير انت كلامك صح فى السيارت القديمه بيتعمل بكلامك اما الحديث لازم تحدد نوع السياره اللى بتتكلم عنه ولك جزيل الشكر ياباشا

تحت امرك يا فندم شكرا على ذوقك ..

بالنسبة للانوس او العربيات اللى مفهاش غطاء للريدياتير .. نفس الفكره هتفك خرطوم الراجع من الموتور وتخليه ينزل الميه فى الارض وتزود مياه من القربة بدل فتحه الريدياتير ...

[mercedes174]

لا تنسى دائما انك تطلع الهوا من دورة التبريد لانة هيسخن العربية زى ما حصل معايا بعد ان غسلت دورة التبريد. انا طلعت الهوا بالطريقة الاتية.عربيتى فيها قربة, فية خرطوم بين الرادياتير والقربة , انا فكيت الكلبس بتاعة وهو داخل القربة ودورت العربية وزودت مية من القربة وانتظرت حتى خرج ماء من الخرطوم لان فى الاول كان بيطلع هوا وركبت كلبس الخرطوم وقفلت القربة والحمد للة

[ايمن السيد احمد]

مشكور يا سيدى

[ايمن السيد احمد]

فعلا يا خونا لازم الهواء يطلع

[رجل_المستحيل]

الأخ حسام البورسعيدى:
ليا استفسار صغير .. أنا الحمد لله بعرف آخد الهوا من دورة الردياتير عن طريق فتح الفايس وانت عارف الباقي طبعا ..وبربط الخراطيم المقطوعة ان وجدت بالكوليهات والأكواع وكده .. وعملتها قبل كده بنجاح تام .. ولكن:

أنا لا أعلم - ومن قال لآ أعلم فقد أفتى - رغم خبرتي الطويلة في قيادة والصيانة الأولية والوقائية للسيارات, هل:
غطاء الردياتير هو نفسه الفايس ولا حاجة تانية ؟
ما الفرق بين مياه التبريد الخاصة وبين مية الحنفية (من ناحية الحفاظ على مكونات السيارة, وليس من ناحية قوة وكفاءة التبريد) ؟
شكرا مقدما