|
#1711
20-01-2011, 09:47 AM
|
||||
|
||||
رد: أدب الرحلات
فكرونى بحكاية ابو موسى والرياضة لانه عملة عملة شبه دى بس النور قطع وانا بكتبها
__________________
 انتقل الى رحمة الله .. ونسأل الله له الرحمة والغفران 
|
|
#1712
20-01-2011, 10:55 AM
|
|||
|
|||
رد: أدب الرحلات
ربنا علي الظالم والمفتري ده اانا عمال بربي وبكبر في المشاركات وانتا شغال زي البلدية علينا عمال بتلملنا الفرشه بتاعتنا روح يا شيخ وتعالي بسرعه
|
|
#1713
20-01-2011, 11:13 AM
|
|||
|
|||
رد: أدب الرحلات
علي يدي كل الكلام ده ههههههههههههههههههههههههه هههههههه
ههههههههههههههههههههههههه هههههههههههههههههههههه خلاص مش قادر انا هموت من الضحك اكيد كان عامل فيها كتكوت ابو الليل ههههههههههههههههه
|
|
#1714
21-01-2011, 07:23 PM
|
||||
|
||||
|
رد: أدب الرحلات
أبو موسى والرياضة
فى يوم اتصلت بي زوجة أبو موسى استاذ خالد ايوه انا ....مين يا افندم انا مرات أبو موسى أه ....اهلا بيكى.......طب هو مكلمنيش ليه ؟؟؟ هو محبوس خير دى حكاية طويلة ومش هتنفع فى التليفون طيب هو فين دلوقت ؟؟؟ فى قسم الهرم طيب انا هروح واشوف فى ايه؟؟؟؟ وخلصت شغلى ونزلت من المكتب واتصلت بجمال طبعا لان المشوار بعيد ولم أكن املك سيارة وقتها رغم ان كان عندى 4 موظفين يملكون احدث السيارات لكن لم أقل لأحد منهم واتصلت بجمال خير ياخلودة ابو موسى محبوس ليه ؟؟؟؟ خير ؟؟؟ مش عارف طب هو فين ؟؟؟؟ فى قسم الهرم .....هتعدى عليا أمتى ونروح له ؟؟؟ تحب امتى ؟؟؟ على 6 أخر النهار علشان القسم له مواعيد فى الزيارة ماشى وتقابلت انا وجمال ومشينا وفى القسم جاء ابو موسى ودماغه مربوطة ازيك ياابو موسى .....خير .؟؟؟ موضوع أكده (كده ) خير يعنى مشيرا الى جمال / مشى الحمار ده أمشيه ازاى وهو جاى يزوك معايا؟؟؟ ......عيب يا ابوموسى ....انت راجل صعيدى ....تطرد واحد جاى يزورك ؟؟؟؟؟؟؟ ضحك جمال وقال / اكيد عامل عملة وعارف انى ههزئه عليها بس يا بجرة (بقرة ) جمال / م تشتمش انا / هتـتخانقو فى القسم ؟؟؟ ايه الخيبة دى ألظابط / لو ملميتوش نفسكو هعمل لكو واحدة من الداخل (قضية من جوه الحبس/ يعنى محبوس ارتكب جريمة بيشيلوه قضية تانية) .... هو مفيش احترام والا ايه ؟؟؟ جمال / لامؤاخذة ياباشا انا / وانت ايه اللى جابك هنا أصلا يا ابو موسى ابدا فى يوم قررت أمارس الرياضة و.......... قاطعه جمال ضاحكا / هههههههههههه هتشيل عيدان كبريت والا هتمص قصب ؟؟؟؟ غاضبا / جصب ياموصخ (يامعفن ) عتتمجلت (بتتريق ) ؟؟؟ طب طلاج تلاتة ............. خلاص ياجدعان احنا فى القسم وضربت بعينى على الظابط تحسبا لاى موقف .... فوجدته يضحك على توم وجيرى الواقفين امامه ثم قال / اتلم يا .............انت وهو احسن والله اشيلكو قضية هنا انا / معلش ياباشا هما ال2 دايما كده الكلام ده بره مش فى القسم حاضر ثم التفت انا الى ابوموسى /كمل يا ابو موسى طيب خلى البغل ده يسكت .....وأشارالى جمال حاضر مش هخليه يتكلم وابتسم جمال وسكت ولم يعلق كمل ياعم بقى الله يخليك احسن الظابط يطردنا من هنا او يحطنا فى الحجز الظابط / انا فعلا بفكر اعملها علشان زهقت منكو معلش ياباشا .....كمل ياابو موسى فى يومك اللى مش هيخلص ده احنا وقفنا فين؟؟؟؟ نسيت جمال / هو قال حاجة ؟؟؟؟ كل اللى قاله انه قرر يلعب رياضة ابو موسى / اسكت يابجرة (بقرة ) انا قلت حاجة ؟؟؟؟؟ كمل ياابو موسى المهم جلت (قلت ) العب رياضة علشان ابقى عريض اكده (كده ) واملا العين جمال /عمرك م هتملا العين لانك اصلا مش باين من الارض طب طلاج تلاتة بالله العظيم ............. الظابط / أيه الهيصة دى.... يا امين فلان.... ارميهم كلهم فى الحجز انا /معلش ياباشا ابدا والله لتدخلو الحجز كلكو ودخلنا الحجز وللحق لقيت ابو موسى له احترامه ووسعولنا مكان بصفتنا ضيوفه كمل ياعم ف ليلتك البيضا دى المهم قررت العب ملاكمة اشمعنى الملاكمة جمال / ههههههههههههههههههه علشان يلاعب تايسون هههههههههههههههه (طبعا عارفين القصة ) بس ياحمار انت .........طب طلاج تلاتة بالله العظيم.......... قاطعته / ياعم خلصنا بقى وانت وراك ايه م انت بايت لا مش بايت ......لانه ملوش حاجة عندنا وهو بيعاقبنا على مشاكلكو انتو ال2 ولو حصل بيات هشتكيه ماشى ....المهم .... قررت اتمرن على الملاكمة ...... وجبت شوال كبير ومليته تبن وعلجته (علقته / من التعليق ) فى السجف (السقف ) و........ جمال / بتتمرن فى شوال تبن ؟؟؟؟؟؟؟؟؟؟؟؟؟؟؟ ههههههههههههههههههه علشان لما تجوع تاكله ههههههههههههههه ابو موسى / اتسدج (تصدق )ياراجل انت انا هموتك دلوك (دلوقت ) انا بعصبـيـة / اسكتو انتو الاتنين مش معقول كده بقى لنا ساعة مش عارفين نقول كلمتين ماشى .... المهم ......جعدت (قعدت ) نضرب فى الشوال طوال النهار لما أيدى ورمت ......وواحد جال لى (قال لى ) ان بتوع الملاكمة الكبار بيجيبو ناس يتمرنو فيهم يعنى يلاعبوهم ويضربوهم ويتعلمو فيهم الملاكمة وبعدين روحت منجى (منقى ) واحد من جيراننا بيلعب ملاكمة وجسمه جااااااامد واتفجت (اتفـقـت ) معاه انى هديله 50 جنيه فى كل مرة يـيجى فيها ويدربنى بس يسيـبنى أضربه هههههههههههههه وبعدين جينا فى اول تمرين فعلا عمل كل حاجة اتفجنا (اتفـقنا )عليها وناولته ال50 جنيه وهو ماشى ...وفى تانى تمرين راح ضاربنى ضربة وجعتنى جوى (قوى / أوى) ولما جلت له (قلت له ) ايه اللى عملته ده قال / دى حاجة اسمها تعلية التمرين يعنى اول مرة خفيف ويبدأ يتصاعد انا /عنده حق جينا فى المرة التالتة راح ضاربنى ضربة جامدة ف وشى جابتلى تربنة وحسيت ان الدنيا بتلف وتدور بيا ههههههههههههه وبعدين لافيته (ناولته ) ال50 جنيه وانا مجريف (مقريف /قرفان ) منه ......وجينا فى التمرين اللى بعده كان وشى (وجهى ) لسه بيوجعنى .......... وبدأنا التمرين راح ضاربنى ضربة فى نفس المكان ......وانا نافوخى طار ....وكان واجف (واقف ) جماعة جرايبى (قرايبى ) اتخزيت (انكسف / اتحرجت ) منهم انهم يشوفونى بنضرب وبعدين بصراحة اتدايجت (اتضايقت ) وروحت نازل فيه ضرب بشومة كانت جنبى وبالشلاليت ............راح ضاربنى على دماغى ............واتلمو جرايبى عليه ونزلو فيه ضرب بالشوم انا / وطبعا راح المستشفى طبعا ......وحالته سيئة دلوك (دلوقت) ........واتحبست انا وجرايـبى انا / هههههههههه وانا اقول ياخويا ايه العزوة دى اتاريهم كلهم قرايبك ونظرت اليهم جميعا فوجدتهم جميعا مناظرهم تدل على انهم تهم جاهزة او قنابل جاهزة للانفجار فى اى وقت جمال / بس انا ليا ملحوظة كده صغيرة اعتقدت انه يتحدث بجد خيرياجيمى شوال التبـن اللى كنت بتـتـمرن عليه وديته فين ؟؟؟؟؟ أكيد أكلته انت وقرايـبك هههههههههههههههههه وانـتـفض الحجز كله واقـفـا .......جمال نسى ان ابو موسى محبوس هو وقرايبه طبعا قمت بتهدئة الجميع .....وبدأنا نفكر فى كيفية الخروج اولا .........ثم انقاذ ابو موسى ثانيا وفعلا جاءت زيارة لاحد المحبوسين وانتهزت الفرصة وكلمت الظابط معلش ياباشا هما ال2 دايما كده بس الطويل لازم احبسه (يقصد جمال ) معلش هو لسانه فـا لت شوية بس قلبه ابيض وغلبان وانت ايه اللى لمك ع الناس دى ...... شكلك بـيـه (من البهوات ) (كنت لابس بدلة وكرافتة ) ودول واحد شكله كده فارش فى الشارع بهدوم قديمة (يقصد جمال ) والتانى صعيدى جلـنـف معلش بقى اصلهم قرايـبى تـتبرى منهم حاضر هتـبرى منهم وخرجنا انا وجمال لنبحث عن الشخص المضروب وعرفنا مكان المستشفى الذى يرقد فيه ودخلنا عليه غرفته ويالهول مارأيت يانهار ابيض .....الراجل شاب زى الورد مفيش فيه حتة سليمة انا / الف سلامة عليك الله يسلمك ياباشا .... يعنى ده جزاتى (جزائى ) انى بعلمه الملاكمة على اصولها معلش .....المسامح كريم ابدا لازم اسجنه انا بقى اللى بكلمك ملكش دعوة بيه وانا اديته بما فيه الكفاية لايمكن المهم بعد محاولات استمرت اكثر من 10 أيام قلت له / اسمع ..... انا مش هتحايل عليك ..... دى جنحة ضرب اقصى مافيها 3 شهور حبس وهو محبوس مع قرايبه وماديا مستريح وراجل مزارع مش هيجنى المحصول كل يوم ووراه جيش جرار يجنى الزرع ويـبـيـعه ويودى الفلوس لحد البيت كمان ....يعنى الموضوع مش هيفرق معاه ...لكن انت لو اخدت الف جنيه واتنازلت هـتستـفـيد ورفض خلاص براحتك بعد كام يوم اتصال تليفونى ايوه ...مين ؟؟؟ انا من طرف فلان اللى ضربه أبو موسى وهو فى المستشفى دلوقت اؤمر هو بيقول لك خليهم 2000 جنيه ماشى امتى نروح نـخلص الموضوع ده بكرة ان شاء الله وتقابلنا انا وقريـبه تانى يوم واحضرنا موظف الشهر العقارى الى المستشفى واخد ال2000 جنيه وتنازل عن القضية وخرج أبو موسى و على باب القسم .........كنا نـنـتـظره انا و جمال وحين خرج من باب القسم جمال / اتمخطرى ياحلوة يازينة ياو......... قاطعه ابو موسى / طلاج تلاتة بالله العظيم لمبندجك (ضاربه بالبندقية )....... ونظر الى احدأقاربه وقال / روح البيت هات البندجية انا / انتو هتعمل مصيبة على باب القسم ....... المرة دى هنتحبس ومش طالعين جمال / اصله عايز ياكل علينا الغدوة حلاوة خروجه بالسلامة .....ههههههههههههه يادى النيلة على الأكل وسنـيـنه السودة ...... انا همشى ومش فاضى للاكل أبو موسى / ليه اومال ؟؟؟؟؟ انت فاكرها سايـبة..... ونظر الى احد اقاربه وقال / يافلان نعم يامعلم مهمتك الاستاذ خالد انت وفلان .....تجيبوه بالذوج (بالذوق ) بالعافية ...... المهم يكون عندى فى البيت بعد ساعة وفوجئت ب2 اقصر من برج الجزيرة قليلا واضخم من تايسون كثيرا امسكونى كل واحد من دراع وكأنى مقبوض عليا ......وضغطو عليا جامد وزقونى جوه السيارة ...... وفضلو لازقين فيا زى م اكون انا مثلا شوية دخان هطير منهم او شوية ميه هتسرسب من بين صوابعهم ياخواننا خفو عليا شوية انا كتفى هيتدغدغ وضلوعى هتتكسر احدهم بغباء رهيـب / مفيش تعليمات اننا نخف عنك ووصلنا البيت وطبعا كالعادة وليمة ضخمة ......هاص فيها جمال وأكل لما تعب ومش قادر ياخد نفسه ثم احضر ابو موسى مجموعة اقفاص فاكهة ورماهم فى السيارة واحنا ماشيـين .....وكام شنطة فيهم لحوم وطيور مذبوحة انا / أيه ده ياعم ....انت بتدينا حق م جرينا وراك والا ايه ؟؟؟ ياراجل عيب عليك متجولش اكده (متقولش كده ) انتو اخواتى انت ونخلة مرات ابويا اللى واجفـة هناك دى جمال / هيا نخلة مرات ابوك دى مش هيقطعوها بقى جطع رجبتك (قطع رقبتك ) دى ابويا موصينى عليها انا / خلاص بقى ..... ومشينا ...... وجمال طول الطريق نااااااازل كلام عن أبو موسى اللى جاب واحد يدربه على الملاكمة فضربه واتحبس هههههههههههههههههه
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 21-01-2011 الساعة 07:35 PM
|
|
#1715
22-01-2011, 11:09 AM
|
|||
|
|||
رد: أدب الرحلات
انا خلاص مش قادر ابطل ضحك انا شكل رفدي هيكون علي ايدك انتا يا عم خالد وجمال وابو موسي ههههههههههههههههههههههههه هههه
|
 |
|
|
