|
#1551
30-11-2010, 01:53 AM
|
||||
|
||||
رد: أدب الرحلات
انا والالكترونيات (1) كان فيه مرة اتكلمت فيها عن اي سي مكناش لاقيينه في مصر كلها وواحد سافر اليابان ( على ما اذكر ) ولقاه هناك بيتعمل في ورشة بدائية عند واحد بيشتغل في القطع القديمة ولما اذكر سبب اهتمامي بالموضوع انا كنت محب جدا لاي شيء عملي فيه حركة وفيه تفكير وفيه عمليات فك وتركيب معقده ( كانت هواية ولله الحمد اندثرت ) وكان اقصي امالي اني ادخل اما كلية الهندسة تخصص ألكترونيات او البديل لها كلية علوم قسم فيزياء وطبعا لان الحمد لله مجموع الثانوية العامة ضرب مني (زي ما ضرب من عمرو انجشن كده ودخل تجارة بدل هندسة ) فكنت بدور وقتها على اي حاجة اتميز فيها وكانت دي فعلا النقطة اللي بتميز بيها عن باقي زملائي لان مفيش واحد من المحيطين بيا سواء في نطاق الاسرة او نطاق الدراسة عنده نفس الاهتمامات عدا خالي رحمه الله عليه وبدأ اهتمامي ياخد اتجاه نشاط جامعي ( وما اكثرها من انشطة ) ودخلت نادي العلوم في الجامعة ومنها حتى اصبحت مقرر نادي العلوم المركزي في الجامعة ومن هنا بجدأ الاهتمام يتزايد حتىى ان البعض كان يشك اني في كلية هندسة ولكن دوام الحال من المحال وكان معانا في النادي دكتور على عبد الدايم ( اطال الله في عمره ان كان حي ، وتقبله الله في رحمته ان توفي ) وكان ما شاء الله عنده كمية علم في عالم الالكترونيات وطبعا للأسف لا تستغل في بلدنا الحبيبة وهو كان استاذ مساعد في كلية العلوم قسم الفيزياء وفي احد المعارض في شبين الكوم ( ان لم تخنني الذاكرة ) قرر انه يعلمنا الفرق بين التكنولوجيا الرقمية والتكنولوجيا التناظرية حيث كانت وقتها الطفرة الكبيرة عالم الاتصالات بسبب التكنولوجيا الرقمية وفوجئنا به يبدأ الشرح وعلى مدى 4 ساعات متواصلة ضرح لنا الفرق بين النوعين تدرجا بالتفريق بين البوابات التداخليه في OR & NOR ومنتهيا بالخلاصة ما وصل اليه العلم في التكنولوجيا الرقمية وكيفية بنائها والاسس العلمية لها وبطبيعة الحال للدارس المصري ما هو ممنوع مرغوب او ما هو ليس مطلوب مني دراسته فهو مادة شيقة لنا جميعا استغرقنا نحن الاربعة مع دكتور على حتى هلك منا ذلك اليوم وكلما انتهي من شيء سألنا عن أخر وأخر وأخر وأخر وأخر حتى استنفذت قواه فجر ذلك اليوم وقال في النهاية ( ايه حكايتكو انتو مزهقتوش ) ابدا يا دكتور طيب هسألكو في اللي قولته ولو مجاوبتوش مش هشرح حاجة تاني بعد كده ليكو خااااااااالص وكانت المفاجأة كلما سأل اي منا على شيء مما ذكره اجبناه اجابات نموذجية لو دخلنا الامتحان في الكلية عنده ما كنا لنصل لهذه الاجابات ( مع العلم ان تخصصنا نحن الاربعة ما بين تجارة ، تربية نوعية ، اداب) وكان في اشد الذهول منا ومما رأه من ردود فعلنا وعندما طلبنا منه المزيد ونظرا لانه قد هلك منننا شرحا فتنصل منا ليس للهروب ولكن للراحة وكانت الاجابة الصادمة لنا اللي انا عمال اشرحه ليكم من اول الليل ده بياخدوه الطلبة عندي في كورس على ترمين ومش بيفهموه وبيشتكو منه وانتو عاوزين تاني استنو لبكرة بقى ونبقى نكمل لاني تعبت فعلا قيمة علمية كبيرة لا يستهان بها الا في بلدنا الجميلة قوي الحلوة اللذيذة مصر لكي الله يا مصر يتبع ............
__________________
ولا نقول إلا ما يرضي ربنا إنا لله و إنا إليه راجعون
|
|
#1552
30-11-2010, 02:08 AM
|
||||
|
||||
|
رد: أدب الرحلات
انا والالكترونيات (2) ثاني الاشخاص المؤثرين في كان الاستاذ شريف وهو عبقرية من نوع خاص وغريب جدااااااااااا سبحان الله وجدت به تناقضات غريبة اكثر من اي شخص قابلته في حياتي ولكن يمتاز بصحوة ضمير رائعة واحتهاد ومثابرة مستمرة ، وتنوع في البحث عن مصادر العلم والمعرفة بشكل فظييييييييييييع اكثر من عمرو انجكشن بمراحل ( المعتمد على ويكيبيديا بشكل جوهري ولكن له عذره فالعلم اليوم اصبحت ابوابه الشرعية مغلقه امام الكثير منا ) وكانت من ضمن اهتمامات استاذ شريف الالكترونيات خاصة القديم منها وكيفية تحديثة دوما يحاول الحصول على عبق التاريخ في صورة الحاضر ولا اذكر عدد المرات التي ذهبنا فيها لسوق الثلاثاء ( سوق يباع فيه كل شيء من الابرة للصاروخ على غرار سوق الجمعة في القاهرة ) وكنا معروفين دوما عند تجار الخردة القديمة خاصة المتواجد عندهم خامات او اجهزة الكترونية قديمة وياللمهذله وقتها في احدى المرات كنا نقوم بعمل مشورع نحتاج فيه لمكثفات من نوع خاص لم نجدها في جميع اسوق ومحلات قطع غيار الالكتورنيات وفوجئنا بها في احدي القطع القديمة في سوق الخردة والكثير من هذه المواقف مجموعة مفاتيح سويتش على سوسته فتح وقفل بحجم صغير جدا تقريبا 5 ملي × 5 ملي وتتحمل 25 امبير لم نجددها بسهولة في المحلات وتكلفه الواحد تقريبا 5 جنيهات ونجدها امامنا ملقاه بلا اي اهتمام في قطعة صغيرة مهملة وبالكشف عليها وجدنا 10 قطع منهم 8 صالحين و2 غير صالحين والراجل بكل قرف خدوها وهاتو ربع جنية  اخدنها ولان استاذ شريف مثابر ومصر ان يحصل على اقصى فائدة صلح المفتاحين التالفين مواتير الطيران الشراعي لم نحدها بسهولة وتكلفة الماتور الواحد في حدود 500 جنية وجدنا منها تقريبا 4 او اكثر في سوق الخردة Oceloscope احد اجهزة قياس الترددات الكهربية الارجل باعهولنا على انه تلفزيون قديم بشاشه 5 بوصة وبيضحك علينا على اساس اننا هبل هنروح نصلح فيه ايه وهو اصلا مش بيتشاف وضحك علينا الراجل وهو بيبعه لينا ب 20 جنية ولم يكن يعلم ان القيمة الحقيقة لمثل هذه التحفة الفنية الروسية الرائعة تتاوز 2000 جنية Celnoyed احدى القطع المهمة في توزيع اتجاهات السوائل ملقاه ومهملة
قيمتها الفعلية تتجاوز بكثير ما هو قيمتها المشتراه وغيرها الكثير طبعا هذا ما حدث في التسعينيات اليوم السوق مليء بالهواة الراغبي الاستفاده باكبر قدر ممكن واصبحت لكل قطعه قيمة ولها ثمنها حتى اصبح اليوم ممكن تجمع جهاز كمبيوتر من سوق الثلاثاء ( طبعا بدون ضمان وبدون فواتير وخلافه ) المهم ان استاذ شريف احد الاشخاص المشجعين لي على حب العمل اليدوي بشدة
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة sad-bird ; 30-11-2010 الساعة 02:58 AM
|
|
#1553
30-11-2010, 02:25 AM
|
||||
|
||||
|
رد: أدب الرحلات
انا والالكترونيات (3) ونرجع تاني لدكتور علي واول دروة الكترونيات اخدتها معاه كانت على اي سي 555 هو رقمه كده 555 وكان شوية يخترعلنا حاجة منه ويكفي ان اقولكم ان دوائر كتير مكناش نسمع عنها غير اخر 4 او 5 سنين كنا بنعمل زيها من 15 سنة ويمكن اقوي كمان لمجرد اننا نعملها بس زي طارد الحشرات ( كان بيجيب لنا التردد اللي احشرة تهرب منه ويصمم الدائرة ويقول نفذوا ونشوف النتيجة اي نعم مكناش بنفلح فيها قوي لكن الفكرة نفسها تتعمل ازاي وامتى من 15 سنة قبل ما الصين تغزونا بيها ) طارد الفئران فانوس ينور ويطفي بزمن معين ( طبعا مش فانوس انا بقول اقرب مثال ليها ) نظام اضاءة light system لحد 1000 لمبة ( الف لمبة ) عمركم ما هتشوفوه في اي مكان في العالم لان مفيش مجانين زينا كانت ممكن تعمل حاجة زي كه وتهدها وغيرها كتير واهم كارثة عملناها علشان خاطر عمرو يجيبه يعمله في لولا شوية زبالة مرمية في مخزن الجامعة عبارة عن سماعه GEM 400 وات و 2 سماعه GEM 100 وات على شوية حاجاات من سوق الثلاثاء من اهمها HeatThink او مشتت الحرارة زي الموجود على البروسيسور في الكمبيوتر ونصمم دايرة Power Amplifire وبالعند في كل البشرية نعملها ممكشوفة على لوحة خشب وعليها الترانس بتاعها وكل اللي يشوفها يتهبل على المنظر المقرف لكن يتخرس لما يسمع الصوت بالمناسبة السماعات كانت مركونة علشان شايطة واحده اتلفت والتانيين اتغيروا بس على نفس الصنودق وبرضة من سوق الخردة وكان اول تجربة تشغل في قاعه المؤتمرات في كلية الهندسة في بورسعيد والثانية في اسبوع شباب الجامعات الخامس في المنيا وكان رد الفعل اي حد يفكر يعمل او يقول حاجة مش تعجب شباب الزقازيق يتخرس ويحط كيس لب يقزقز فيه في بقه ( مش هنقول حاجة تانيه ) لاننا فلا كان مفتريين ومكنش حد يقدر يقولنا لأ لان ده جهاز احنا عاملينه وبنجربه مش جايبينه من عند روكيت اللي في روكسي اللي عمرو فلقنا بيه ولزقنا السماعتين في العربية وخلاص وفضلت على كده في تطور وحب للاجهزة البسيطة والمعقدة حتى تخرجي وابتعادي بالتدريج عن الجامعة ودخولي في المفرمة ثم احتجت من حوالي شهرين الحم سلك في فيشة وقلت اطلع العدة بتاعتي الكاوية ومساعد اللحام والقصدير ساعتين ونص علاشن الحمه وطبعا فشلت ورميته وورحت جبت واحد جديد وهذه هي قصتي مع الالكترونيات الحديثة زي عمرو النهاردة بس على قديم شوية بكرةنشوفه بعد لما يخلص ويتدبس في مكتب محاسبة ويقعد يعد ويحسب وكفاية عليه كده
__________________
ولا نقول إلا ما يرضي ربنا إنا لله و إنا إليه راجعون
|
|
#1554
30-11-2010, 02:34 AM
|
||||
|
||||
|
رد: أدب الرحلات
مرات الجزار وفي يوم من ايام الارتفاع الجنوني في اسعار الطماطم كنت واقف في الفرن اجيب عيش بلدي وده لان الفرن ده تحديدا عيشه حلو ونضيف جدا ( معرفش جاي غلطه ازاي في وسط الافران بتاعت العيش ) والناس كلها مهمومه وبتكلم نفسها فعلا ( انا بروح الفرن اقف اتفرج على العجب العجاب ) ده رب اسرة نازل يجيب رغيفين وده فلاح عنده عمال في ارضه شغالين ودي ربة اسرة جاية تجيب عيش عللشان تلحق تشوف بيتها قبل زوجها ما يرجع وحت مرات الجزار ولا كأن في اي هموم عندها خاااااااااااااااااااااااا ااااااااااااااااااااااالص ونازلة ضحك وتريقة ومسخرة والناس كلها هموم والسبب الرئيسي الطماطم وفي نهاية كلامة بتقول هو انا هفيه ده انا مرات جزااااااااااااااااااار مرات وزير يا خي والا رئيس وزراء اكتشفت اناه اكتر دي مرات جزاااااااااااااااااار لو اني مفهمتش برضة ماله الجزار لغايه دلوقتي لكن كل اللي اذكره ان كل اللي في الفرن عاوزين يروحوا يالكوها علقه محترمه سخنه ستات قبل رجالة ومنهم تعليق راجل صعيدي ( لا مؤاخذه ياعم خالد ) حد يغور ( بتشيديد الواو ) المرة ( الست ) دي من جدامي ( قدامي ) بدل ما اقوم اطبشها ( اخبطها / ارزعها ) في الحيطة دي مناقصينش ( مش ناقصيين ) حرجة ( حرقة ) دم الناس عتاكل بعضها ودي نازلة ضحك ومسخرة حاجة تحرج الدم والا ايه يا دكتور وسكت وانا مش لاقي اي تفسير ولا رد اقوله غير حسبي الله ونعم الوكيل لا مؤاخذه يا جماعه مجرد صفسطة ( على رأي واحد حبيبي ) بس قلت اقولها
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة sad-bird ; 30-11-2010 الساعة 02:57 AM
|
|
#1555
30-11-2010, 04:36 AM
|
||||
|
||||
|
رد: أدب الرحلات
اولا حمدا لله على السلامة
والفقر ملوش علاقة بانحدار الاخلاق لان دى تربية فى الاخر واخلاق وبعدين فلقتنى بالأكتئاب ده مكتئب ليه ياعمنا ؟؟؟؟ خلى عندك أمل فى الله اولا ثم فى الحياة ثانيا وخلى دايما حكمتين ادام عينك 1ــ انا عايش اذن لازم اثبت ان انا موجود 2 ــ اكبر مشكلة ان استوعبتها فهى صغيرة واصغر مشكلة ان استوعبتنى فهى كبيرة خلى ايمانك بالله لاينقطع وثقتك فى الله كبيرة وصدق الله تعالى حين قال اعوذ بالله من الشيطان الرجيم (ومن يتق الله يجعل له مخرجا ويرزقه من حيث لايحتسب ) صدق الله العظيم وحشتنا ياعم محمد وبطل الاكتئاب والمراجيح هههههههههههه
|
 |
| أدوات الموضوع | |
|
|
