واخيرا التكيف اشتغل شكرامهندس احمد حنفي وشكرا للصديق سيد2077

[ابوجهاد]

الحمد لله بعد عذاب ومصاريف كثيره في الصيف الماضي التكيف اشتغل وبقي زي الفل والفضل لله وحده ثم الاخ احمد حنفي صاحب ورشه كهرباء بالمعادي وكل الشكر للاخ الاستاذ المحترم سيد2077 مشرف الفيات والذي اعانني وعرفني علي الاخ احمد حنفي لكي يزيح هما ثقيلا عن عاتقي والقصه ان التكيف عندي من الصيف ال فات صرفت عليه كتير وكان كل مره اكبس فيه الهواء لمده ساعه واكتر زي الفل نقوم نشحن الفريون وبعد يومين ويتسرب الفريون كاملا من السياره ومش عارفين السبب جميع الوصلات مظبوطه والكومبروسر وغيرت البلف اكتر من مره لدرجه ان صاحب الورشه زهق وقالي اخر حاجه نعملها نطلع دوره التكيف بره وطبعا كان الصيف عدي وبدا دخول الشتاء فقلت كفايه مصاريف وربنا يحيينا ال الصيف القادم ومنذ ايام قليله فعلا بدات افكر في التكيف بس ربكم والحق كنت خايف من المصاريف ال ما بستفدش بيها لحد ربنا اراد ان اقرا موضوع الاخ سيد عن ورشه الاخ احمد حنفي وبسرعه اتصلت بيه وكنت عنده يوم الاثنين من 3 ايام وقصصت عليه القصه كامله وبكل هدوء وثقه قالي خليها علي الله وبدا من اول السطر وضغط هواء لمده كبيره ما فيش تسريب وطلع الكومبروسر بره وضغط هواءواختبره في الماء لايوجد تسريب قالي معلش الموضوع محتاج صبر وطبعا للاسف كان الشئ ال زهقني في ذلك اليوم هو انقطاع النور 3 مرات وبالساعات المهم كان في المقابل شئ جميل جدا وهو ان اقابل الاخ سيد بالصدفه في الورشه وتعرفنا علي بعض وكان الاخ سيد شديد الكرم فله مني كل تحيه والحمد للله صرنا اصدقاء وكان ذلك اول مكسب لي وشرفني التعرف والصداقه مع شخص مثل الاخ سيد وطبعا مايتخيرش عنه الاخ احمد حنفي ولا الاخ حسن الصنايعي الموجود بالورشه والذي لم يبخل باي جهد لحل المشكله مع الاحتراس من اي مصاريف لا لزوم لها حتي ولوعلي حساب تعبه الشخصي الذي تاكد بعد ان قال له الاخ احمد طلعلي التلاجه في جزء شاكك فيه وانشاء الله يطلع هوه بس نتعب شويه علشان مانفكش التابلوه ونبهدل الدنيا وقد كان (امسك ياجدع حلق علي ابن الهرمه ) خرم في جزء بجوار الثلاجه كما توقع الاخ احمد حنفي وطبعا كنا وصلنا ال منتصف الليل وانا موجود عنده من بعد صلاه الظهر مباشره وكانت محلات الاكسسوار قفلت وانا هنجت وعايز اروح بيتي في فيصل ويشاء السميع العليم ان نلاقي الجزء ال به الخرم موجود في الورشه (استيراد)وطبعا لانني عرفت الاخ احمد علي مدار اكثر من 10 ساعات و وثقت به ولكرم اخلاقه ركبنا الجزئ المطلوب وعاد كل شئ الي اصله وتم شحن التكيف وبسم الله (ثلاجه) وجاء وقت التكلفه وكانت المفاجئه الشحن وتركيب الجزئ الاستراد وضبط الانوار( كان عندي مشكله في النور العالي وبعض الكهرباء) والمصنعيه 350 جنيه ورحلت من الورشه تقريبا الساعه الثانيه عشر وبدات اجرب التكيف وفي خلال ال 3 ايام الماضيه تم تشغيل التكيف بكثره شديده للتاكد من عدم تسريب الفريون والحمد لله زي الفل وكان مازال الاختبار موجود واخيرا اسف جدا جدا علي الاطاله ولا يسعني الا ان اقول شكرا الاخ سيد وشكرا للمهندس احمد حنفي وكل الشكر لبيتنا المفيد واللذيذ وملجانا لهمومنا ( مصر موتورز)

[sayed2077]

ربنا يخليك يا استاذ ابو جهاد
والله انا مستحقش الكلام اللى حضرتك قولتوا ده انا بعمل الواجب اللى عليا
و انا والله مبسوط جدااا ان حضرتك مبسوط
ومعلش والله على التأخير بس نعمل ايه الكهربا قطعت تلات مرات وكل مره تقعد بتاع ساعتين فكان فيه وقت كبير ضايع

و بجد انا سعيد جدااا ان حضرتك مبسوط من الشغل و فعلا بتزيد ساعدتى كلما راح حد من مصر موتورز و عمل حاجه عند الاسطى احمد وكان سعيد جدااا بجد الحمد لله

والمره الجايه لازم حضرتك تيجى تزورنا فى البيت ان شاء الله

[حسام البورسعيدى]

الف مبروك تصليح التكييف يا ابو جهاد .. ويا رب تكون اخر الاعطال باذن الله ..

وشكر خاص لاستاذ سيد على ذوقه وكرمه الواضح من خلال كلام ابو جهاد .. وبجد انا بحييك ..

انا بكون سعيد جدا جدا لما بشوف الروح الحلوة دى بين الاعضاء .. ربنا يديم المعروف بيننا دايما يا رب ...

[محمد فيصل]

الف مبروك ابوجهاد بارك الله فى التكييف وحفظك الرحمن من حرارة الصيف الشديدة وبالاخص فى اشارات المرور القصيرة جداً والشوارع الواسعة الانسيابية
كل الشكر إلى الاخ الكريم سيد
دامت المحبة والعاونة والمساعدة بيننا جميعاً إن شاء الله

[AbOnOrA]

مبروك عودة التكييف للحياة يا ابوجهاد وتسلم ايد الاسطى احمد طبعاً
اما سيد بقى فده مش غريب عليه هو فعلاً انسان شهم وطيب وقمة فى الاخلاق والذوق عقبال ما نفرح فيه (قصدي بيه ) قريب ان شاء الله .. مش ناوى يا سيد ولا ايه