|
#1
16-12-2013, 08:42 PM
|
|||
|
|||
افيدونى ضرورى فى M11 اسبيرانزا 2014
السلام عليكم
يجماعه انا عاوز اجيب حاجه غير الفيرنا واللانوس وعجابنى اوى M11 اكتر من الانفى والايميجراند كمان بس مقلق اوى من العيوب اللى فيها وهل حلوها فى موديل 2014 ولا لا وهل توكيل عيسى فى طنطا كويس فى الصيانه ولا لا وعلى فكره هى اتوقف انتاجها مؤقت ده هيأثر على قطع الغيار خارج التوكيل ولا هتبقى متوفره عادى وشكرا ارجو الرد من خبراء الاسبريزا عموما والام 11 خصوصا 
|
|
#3
13-01-2014, 09:48 PM
|
|||
|
|||
رد: افيدونى ضرورى فى M11 اسبيرانزا 2014
اول مرة ليا اشارك في المنتدي واسمي محمد
انا سألت في ابو الفتوح اللي في المعادي من 5 ايام قالي موجودة ام 11 و 12 موديل 2014 لو تحب تيجي تشوفهم واقفين عندي رحت فعالا وشفتهم ام 11 سيدان وزجاج فاميه يتم اثباته في الترخيص والام 12 مش هتشباك زي ما الناس بتقول لان الهشباك بتبقي زي الابيزا او الماروتي او الفيات الاونو او الاسكودا الفليشيا صح ام ده بالبلدي بين اللاثنين ليها شنطة صغيرة عن السيدان يعني ممكن اقول ميني سيدان بس فتحة الدخول لشنطة ام 12 اوسع واعرض من ام 11 و شنطة ام 11 اطول في الطول من ام 12 واصغر في العرض من ام 12 انا ان شاء الله ناوي اجيب ام 12 موديل 2014 عمله 83000 ج في ابو الفتوح اكثر 1000 ج من ام 11 موديل 2014 بالنسبة للتحديثات لموديل 2014 للعربيتين عن الموديلات السابقة انهم خلو العفشة اقوي وانعم عن الاول والصاج بتاع ام 12 بقي تقيل عن الاول ومحمل والاكصدام الامامي وراه دعامات قوية عند التصادم لقدر الله من الامام تحافظ علي صدر العربية مهما كانت قوة الخبطة ويبقي الخسارة في الاكصدام وبس يعني اكبر خبطة تغير اكصدام كامل وبس - الردياتير محمي والموتور والشاسيه بفضل الدعامات لما قعدت في الام 12 حسيت اني في عربية الماني او ايطالي التابلوه خاماته افضل بكتير من الموديلات القديمة والتقفيل ارقي بكتير من القديم بالنسبة للمعلومات اللي عندي كانت علي ام 11 اكثر من ام 12 لانها مش منتشرة زي الام 11 بس العربيتين واحد من حيث الشكل العام والتكنولجيا والموتور والعفشة والصالون والتابلوه والانوار والازرار كلهم شكرو في الام 11 جدا جدا ومفيش شكوي من اي حاجة بس عيوب التصنيع في الام 11 والام 12 اقل بكتير جدا عن الموديلات الاخري مثل 516 لما كانت نزله و 620 و ايه 113 زي مثلا مساحات مش شغاله كويس لمبة نورت مره ومره لا اكرة باب او شنطة نشفه شوية دراع نور او مساحة خشن في الحركة بس كله تعالج بسهولة في التوكيل بدون اي مشاكل تاني الثبات عالي في السرعات العالية والبطيئة والمنحيات علي سرعة 120 ك امان وثبات تمام التمام واحد من اللي سئلتهم قلي ان دخل بوش العربية في عربية لانوس في جنبها اليمين قال الوش بتاع ام 11 اكيد ادمر نزل يبص بعد الخبطة لقي نغزة بسيطة في حرف الكبوت بتاعه واللانوس الرفرف اليمين بالباب اليمين في الضياع مصدقش نفسه ان عربيته حصلها نغزة بسيطة وبس بعد الخبطة القوية ده كانت ام 11 2011 بعد المعلومات ده كلها كنت بفاضل بين ام 12 وايمجراند لقيت ام 12 احلي واشيك ونفس الاوبشنس واقوي في الصاج وعفشة رياضية ارجو تصحيح اي معلومة ذكرتها تكون غلط من مالكي ام 11 او ام 12 ولو فيه اي معلوما اضافية ياريت تزودني بيها
|
|
#4
13-01-2014, 11:08 PM
|
|||
|
|||
رد: افيدونى ضرورى فى M11 اسبيرانزا 2014
اسمي محمد من المشاركين الجدد
عملت موضوع خاص لسيارة m11 و m12 اتمني من مالكي السيارة من موديل 2010 حتي 2014 سواء كان الشراء من الزيرو او مستعمل الدخول علي هذا الموضوع واضافت كافة المعلومات الايجابية والسلبية لكي تعم الفائدة وايضا يوجد استطلاع للموضوع الرجاء التصويت عليه رابط الموضوع للمشاركة هو http://www.masrmotors.com/vb/showthread.php?t=123164
|
|
#5
03-06-2014, 02:28 PM
|
|||
|
|||
رد: افيدونى ضرورى فى M11 اسبيرانزا 2014
السلام عليكم .. انا عمرو راضي الشهير ب ( qrdy الكوردي ) انا معايا m12 سيارة ثباتها حلو جدا تكييف تلاجة بس فيها عيوب شوية زي كاوتش السيارة مش حلو بالمرة العفشة نشفة شوية لكن مجمل السيارة حلو ب 65 % وده رايي مش اكتر اه علي فكرة عربيتي 2012
|
 |
|
|
