ايه خطورة وضع بنزين 80 للسيارات الحديثه

[محمد فيصل]

بعد كل اراء السادة الاعضاء احب ان اوضح تجربة عملية حدثت بالفعل :
صاحب سيارة النترا 2013 !!! ويقوم بتأجيرها ويستخدم بنزين 80 ونتيجة لعدم معرفة ولان السيارة لا تزال جديدةوالعزل الصوتى للمقصورة جيد لم يسمع صوت التسقيف من شهر 10/2012حتى 18/1/2013
والنتيجة كما ذكر م.ولاء الدين هى كسرعدد 1بستم ولكن تم ذلك بالاضافة الى كسر عدد 2 ذراع بيل وايضاً بعض الاضرار فى الجيربوكس وذلك بسبب بطء السيارة فى الوصول للسرعات
المهم بطريقة ما حصل صاحب السيارة على موتور إستيراد بالكارت والضفيرة والجيربوكس وجاء لى بعد ان اخبرة احد اصاحبه اننى عدو لل80 وضحك وقال اعطنى الحل
على فكرة الحل مجرب من قبل وهو عند سؤاله عن طبيعة العمل قال تعاقد من اجل 275كم يومى وكان يقوم بوضع 36لتر 80 يومياً من اجل تلك المسافة =35ج شامل إكراميه عامل المحطة من اجل ال80=33ج هو سعر البنزين
الحل المجرب كان وضع 20لتر 90 ب35ج +اج =36ج
ووضع السيارة على نظام الاقتصادى وهو متوفر فى كل السيارات الحديثة او عدم تجاوز 3200لفه rpm وعدم تجاوز سرعة 120كم /س
عندما عاد لم يكن مصدق ان سيارته فعلت ذلك
التجربة متأكد من نجاحها والحمدلله والموضوع مطروح للنقاش
مع العلم ان الاستهلاك سوف يكون يساوى نفس القيمة المادية حتى داخل المدن ولكن بالحساب المادى وليس عدد لترات
متابع مع حضراتكم

[magdy_c_c]

المشاركة الأصلية كتبت بواسطة mr_astra والله ابدا ابدا يا جماعة لا البنزين 80 فية شوائب ولا الـ 92 نقى طب ادونى فرصة بس اشرحلكم وجهه نظرى بعد بحث طويل فى الموضوع دة اولا مصر مش بتستورد بنزين من الخارج ولا حتى دول الخليج وانما بتعتمد على الانتاج المحلى من البنزين البنزين فى صورتة اولالى واحد الـ 80 والـ 90 والـ 92 والـ 95 اللى بيفرق بنهم هو المادة اللى بتتحط وبتدى رقم اوكتان للبنزين يعنى البنزين فى صورتة الاولى واحد ولكن الاضافة اللى بتتحط ودى بنستوردها من الخارج هى اللى بتدى رتبة للبنزين وبتخلية اما 80 او 92 يبقى كدة شبهة النقاء والرواسب مش موجودة اطلاقا وبكدة الاجزاء المتعاملة مع سائل البنزين هى فى امان وهى تانك البنزين طلمبة البنزين خراطيم السحب فلتر البنزين مسطرة الرشاشات الرشاشات كدة البنزين وصل لغاية غرف الحريق ودى النقطة المحورية والهامة فى قصتنا وهنا بجد الفرق بيبان جدا بين بنزين 80 و92 عشان نتكلم والصورة تبقى واضحة لازم نعرف ان كل محرك لة نسبة انضغاط وهى بكل بساطة النسبة او الحجم المزاح من اول ما البستم بيكون فى النقطة الميتة السفلى وبين النقطة الميتة العليا ولو جينا نكتبها فى صورة معادلة هانقول ان نسبة الانضغاط = الحجم المزاح + حجم غرفة الحريق مقسوم على حجم غرفة الحريق وكل لما النسبة دى زادت يبقى بنزين الـ 92 مناسب او الامثل ليها تعالو ندى مثال العربيات القديمة مثل الفيات وموديلات التسعينات كانت نسبة الانضغاط هى 8:1 فى الحالة دى احسن بنزين هو بنزين 80 وبنزين 92 هو مضيعة للمال انما فى العربيات الحديثة اللى نسبة انضغاطها 10:1 بنزين 80 لا يصلح ليها وانما الامثل هو بنزين 92 طب اية الفرق بين الـ 80 والـ 92 هو قدرة البنزين على عدم الاحتراق المبكر تحت تاثير الضغط يعنى نفهم من كدة ان بنزين 80 بيتحرق تحت الضغط اسرع من الـ 92 الاجابة نعم وهو دة اللى بيعمل ظاهرة الصفع او ( التسقيف) كلنا عارفين ان افضل توقيت للاشعال هو لما يكون البستم فى النقطة الميتة العليا او بعدها بقليل جدااااا وفى حالة نسبة الانضغاط العالية مع استخدام بنزين 80 بنلاقى ان البنزين انفجر قبل وصولة للنقطة الميتة العليا مما يسبب قوة ضغط عكسية على سطح البستم وبالتالى يبقى البستم لسة فى مشوار الضغط ويلاقى قوة ضغط عكسية مما يسبب فى سماع صوت التسقيف انما فى حالة استخدام بنزين 90 بيحصل الاشتعال فى المعاد المقرر والمناسب الموضوع دة اتكلمنا فية كتير وعشان كدة بطلب من الادارة تثبيت الموضوع ودى اول طلب لية فى تثبيت موضوع او رد وانا جاهز لاى سؤال

هو ده الكلام المظبوط
: THUMBS~220:

[amr elsisi 1]

http://www.youtube.com/watch?v=-rPBHbYX71c

[sameh_hassan]

شكرا الاخ الاعزيز mr_astra واضم صوتى لصوتك لتثبيت الموضوع لان دة هيكون مهم جدا خاصه لانى عاوز اشترى عربيه حديثه وقلقان من موضوع النزين واسعارة لانه دلوقت بيفرق معى مش اقل من 3000 فى السنه وطبعا الرقم ده هيثضاعف بعد رفع الدعم عن بنزين 90 و92 و95 فهل المشكله هتكون مكلفه بدرجه اكبر من كدة ولا لاء وايه اول واكتر الاجزاء تضررا فى السيارة وكيف لى ان اعرف حجم البساتم 8 ولا 10 وايه اكثر انواع السيارات تضررا يعنى مثلا اللوجان والافيو والفئه دى برضوا متضررة ام لا مع جزيل الشكر

[احمد على 1999]

فعلا يا استاذ سامح انا مثبت الموضوع من زمااااااااااااااان:140109 ~347: