ازاى اعدل عربيتى قانونى

[شيخ عرب]

المشاركة الأصلية كتبت بواسطة ggaamm عادى ياباشا ممكن تعملها لغاية 4 ألوان كمان بس مش استيكر لازم دوكو عشان الفحص وكده .. وتبقى الرخصة مكتوب فيها الاربع الوان عادى أما التفييم فده حوار .. أولاً تطلع على اى مستوصف او طبيب يكون معرفة وتطلع شهادة طبية ان عندك لا قدر الله يعنى مرض جلدى زى البعاق مثلاُ .. أو مرض فى العيت يستوجب عدم تعرضك للشمس كده يعنى .. المهم التقرير يكون قوى ثانياً تطلع عالمرور قبل الفحص طبعاً عشان تفحص بالتفييم ويتثبت عالرخصة وتقول للمختص انا معايا شهادة طبية وعاوز تصريح تفييم .. يفضل بقى تزقلك حد واسطة وبعد ماتاخد التصريح تطلع تفيم عربيتك وترجع عالفكص وتحط التصريح والشهادة مع ورق عربيتك وتستنى دورك بقى لغاية مايجى الفحص بتاعك هيجى المهندس يبص على حالة العربية والكلام العادى ده ويمضيلك عالأورنيك تاخده وتطلع على شباك التجديد والترخيص وتعيش بقى لغاية ماتطلع الرخصة ومكتوب عليها مصرح بالتعتيم أو التفييم على حسب ومبروك عليك ) أما الديفل فممنوع عند الفحص ده اكيد لكن عادى ممكن يمشى فى الطبيعى بدون مشاكل إلا لو حد قصد يغلس عليك ويدخلك فحص بسبب الديفل وده من باب الغلاسة لأنه ممنوع بارضو وماينفعش يتثبت عالرخصة بأى حال إلا لو العربية فيها تربو ونازلة كده بنظام التربو الكامل بس فى الحالة دى أبقا قابلى لو رخصتها أصلاً هههههههههههههههههه

طيب بالنسبة للسقف اعمل فيه ايه عاوز اركبله فينيل اسود عشان لو حبيت ابيعها اشيله

[محمد حسن عبد الرحمن]

على فكرة يا باشا الزينون الأصلى ثمنه يصل فى حدود من 15.000 فما فوق ومبيعميش اللى قدمك الا الصينى اما الأصلى لا وفيه انك انت تظبة على ان الأضاءة تفرش قدمك مسافات طويلة وده افضل بالنسبة عند قيادتك السيارة بسرعات عالية ووضعية اخرى عندما تكون تسير فى طريق به مفترقات طرق كثيرة حيث يتحول للوضع يفرش بالعرض علشان يبين العربيات اللى جاية من الشوارع الجانبية وفى ميزة جميلة جدا وهى انه بيحود مع الدركسيون او الطارة يعنى مثلا بتاخد ملف يمين يروح النور جهة اليمين فيستجيب للطارة او الدركسيون ويرمى النور الجهة اللى ريحلها العربية مش زى العربيات العادية تبقى بتاخد ملف مثلا يمين والنور رامى امام السيارة أما فى الزينون الفبريكة فالوضع يختلف يرمى ناحية ما العربية هتروح وأرجو انى مكنش اطلت عليكم ولكن ديه معلومة لكى يستفيد الجميع وشكر لجميع أعضاء مصر موتورز الكرام والسلام عليكم ورحمة الله وبركاته.

[محمد حسن عبد الرحمن]

بخصوص الديفل لو سيارتك قديمة بلاش لية صوته مش هيخليك تسمع صوت المحرك والعفشة... الخ مثلا لقدر الله وحدثت مشكلة فى السيارة وده عادى بالنسبة للسيارات القديمة فـــ الصوت هينبهك ان فى مشكلة اما لو مركب الديفيل صوته مش هيخليك تسمع حاجه.

[شيخ عرب]

المشاركة الأصلية كتبت بواسطة محمد حسن عبد الرحمن على فكرة يا باشا الزينون الأصلى ثمنه يصل فى حدود من 15.000 فما فوق ومبيعميش اللى قدمك الا الصينى اما الأصلى لا وفيه انك انت تظبة على ان الأضاءة تفرش قدمك مسافات طويلة وده افضل بالنسبة عند قيادتك السيارة بسرعات عالية ووضعية اخرى عندما تكون تسير فى طريق به مفترقات طرق كثيرة حيث يتحول للوضع يفرش بالعرض علشان يبين العربيات اللى جاية من الشوارع الجانبية وفى ميزة جميلة جدا وهى انه بيحود مع الدركسيون او الطارة يعنى مثلا بتاخد ملف يمين يروح النور جهة اليمين فيستجيب للطارة او الدركسيون ويرمى النور الجهة اللى ريحلها العربية مش زى العربيات العادية تبقى بتاخد ملف مثلا يمين والنور رامى امام السيارة أما فى الزينون الفبريكة فالوضع يختلف يرمى ناحية ما العربية هتروح وأرجو انى مكنش اطلت عليكم ولكن ديه معلومة لكى يستفيد الجميع وشكر لجميع أعضاء مصر موتورز الكرام والسلام عليكم ورحمة الله وبركاته.

تسلم يا حبيبى على ردك بس انا هدفع 15000 فى زينون ههههه لمبة ب 15 جنيه بتنور ابيض الحمد لله

[شيخ عرب]

المشاركة الأصلية كتبت بواسطة محمد حسن عبد الرحمن بخصوص الديفل لو سيارتك قديمة بلاش لية صوته مش هيخليك تسمع صوت المحرك والعفشة... الخ مثلا لقدر الله وحدثت مشكلة فى السيارة وده عادى بالنسبة للسيارات القديمة فـــ الصوت هينبهك ان فى مشكلة اما لو مركب الديفيل صوته مش هيخليك تسمع حاجه.

انا كل الحكاية عاوز اعمل الحوار بتاع النار ده مش اكتر