وأخيراااااااااااااااااااا ااااااااااااا اشتريت لانشيا ديدرا ( مطلوب خبرة مالكيها القدامى)

[فرفوش]

الف شكر ليكم يا جماعة على الردود
انا بدات فعلا انفز والزجاج الكهربا اتصلح بس الباب اليمين عاوز شوية شغال عشان عاوز كهربائي محترم يفهم في الكتاوت بتاعتها وفرش السقف بشده الان موقتا لحد ما اركب فرش جديد
طيب بالنسبة للسؤال 9 و 10 ؟؟؟

[ahmed-12222]

الف مبروك وربنا يديك خيرها ويكفيك شرها

[حسام البورسعيدى]

بالسبه لسؤال 9 :

الصيانه الدوريه عاديه خالص .. تغير زيت حسب نوع الزيت .. فى زيت بيتغير كل 1500 كيلو وفى كل 3000 وفى 5000 وفى كل 10 الاف كيلو ..

انا انصحك بزيت شل الاصفر بيتغير من 3000 الى 4000 تقريبا وممكن يقعد اكتر من كده عادى عن تجربه ..

بالنسبه لزيت الباور انا قلتلك ده ممكن يكون بيسرب بسبب اويل سيل او حاجه فى الاسكترا .. خلى عفشجى كويس يكشفلك على الموضوع ده او ميكانيكى .. ولو التسريب بسيط ممكن تتغاضى عنه حاليا بس تخلى معاك علبه زيت باور وتزود اول باول ..

بالنسبه للكاوتش عمرى ما هكون دقيق لو قلتلك كل كام كيلو .. ولكن دى حاجة حسب الاستهلاك .. يعنى لما تحس ان النقشه قربت تتنحل او ان الكاوتش مبقاش بيمسك كويس ساعتها غيره خصوصا لو بتسافر .. لكن لو جوه البلد ممكن تسيبه لما يجيب اخره خالص ..

لو محتاج تغير كاوتش انصحك بكومهو solus كورى انا شايف انها افضل فرده كاوتش فى السوق من حيث الجوده والسعر (سعرها فى حدود 400 جنيه) ..


اما بالنسبه لسؤال رقم 10 :

انا مفهمتش الزينون اللى راكب انتا بتقول فى الواطى .. هل قصدك فوانيس الشبوره (اللى فى الاكصدام من تحت) ولا النور الواطى ..

بص لو راكب فى الشبوره سيبه مفيش منه مشاكل .. بالنسبه للنور الواطى والعالى .. لو عندك الواطى بلمبه لوحده والعالى بلمبه تانيه انصحك تركبه على الواطى .. وتخلى العالى اصفر عادى (بس ركب لمبات عاليه لرؤيه افضل) .. اما لو عندك النور لمبه واحده 2 بول فمنصحكش بالزينون اوى (مش هيبقى عملى) .. ولكن ساعتها افضل من الزينون انك تروح لكهربائى شاطر يعمللك كتاوت تقويه وتركب لمبات المانى عاليه هتنور معاك احسن من الزينون ..

[حسن فؤاد]

السلام عليكم
رجاء من الزملاء الافاضل المساعدة
الحصول على موتور وفتيس اتوماتيك لسيارة لانشيا تيما 1993 2000cc
فى حالة عدم توفرة ما هى مواصفات الموتور والفتيس المناسب
ولكم جزيل الشكر