|
#1
12-01-2012, 10:19 PM
|
||||
|
||||
اعمل اية مع البية البواب ؟؟
السلام عليكم يا رجالة المنتدى
انا بقالى فترة مخنووووووق من بواب عمارتنا البية البواب على رأى المثل  يعنى ميجبش لحد طلبات و مراتة بتغسل السلم مرة فى الشهروهو كل لزمتة يركن العربيات و قاعد فى الاودة بتاعتة يتفرج على تايم موفى و موفى شانيل لحد هنا وانا على اخرى منة ولكن مفيش تجاوب من سكان العمارة بعض السكان عايزينو ؟؟  المهم من فترة كدة ولاحظت علية انو مش طبيعى عينو عالطول حمراء ومشيتة مش طبيعية وظهرة محنى وشكلة بقى غريييب فحاسس انو بيتعاطى حاجة المصيبة الكبرى بقى لأننا فى ميدان رئيسى فمفيش اماكن للعربيات فبنركن صف تانى ومفاتيح عربيات 90% من سكان العمارة مع البية البواب وابنة البلطجى ابنة دة لية قصة لوحدة دلوقت المشكلة بقى اية لو فرضنا اننا كرشناة طيب مفاتيح العربيات دى مش ممكن يكون عامل نسخة منهم وينتقم بقى من السكان ويسرق العربيات دى  الفكرة دى جاتلى بس معرفش بقى حلها اية ؟ ايام لما كنت فى البكالوريوس كنت بسهر اشتغل فى مشروع التخرج بتاعى وازاكر مع اصحابى وبرجع العمارة متأخر لاحظت ان فى ستات شكلهم غريب وملابسهم اغرب !! بيترددو على العمارة فى علم البية البواب ولما بقى حطيت الموضوع فى دماغى لاقيتهم بيطلعو الدور ال13 لحد ما فى يوم لاقيت احد سكان الدور ال13 بيتعارك مع البواب وبيهزئو على قلة الادب اللى بتحصل فى الشقة اللى جانبة والموضوح اتحل لما الراجل صاحب الشقة اياها علق ورقة جواز عرفى على باب الاسانسير تخيلو منتهى قلة الادب وسلبية سكان العمارة نيجى بقى للواد ابنة ( توتو عضلات ) شاب فى سن المراهقة من فترة حصل هجوم غريب من اشكال غريبة من البلطجية وقامو بتكسير المدخل الزجاجى الخاص بالعمارة والعربيات اللى كانت واقفة ادام العمارة كانو عايزين يخدو الولا توتو ابن البواب ؟؟؟ وبرضو وسط سلبية سكان العمارة اللى فى منهم ضباط شرطة وجيش ومراكز قيادية كبييرة وبعد بعض حوارت مع شباب المنطقة عرفت بقى ان الناس البلطجيى دى تجار مخدرات اللى مسكيين المنطقة مهو طلع لكل منطقة متعهد ومعاه مجموعة من البلطجية  والولا ابن البواب كان واخد منهم كمية كبيرة ومدفعش  معلش بقى وجعت دمغكم المشكلة بقى دلوقت 1- البواب لازم يمشى بس الخوف من السرقة 2- بعض السكان عايزين البواب ؟؟ ودول بقى انا شاكك فيهم بقى انهم ورا الكلام اللى بيحصل سواء المخدرات او شقة الدور ال13 3- ابن البواب ( مستقصد عربيتى بالخرابيش والخبطات ) دة تحليل شخصى ممسكتش علية حاجة بس كل ما اتعامل مع السايس بتاع المنطقة واركن فى الاماكن بتاعتة لازم وحتما اللاقى العربية تانى يوم متخربشة او مرسوم عليها او مخبوطة ؟؟ 4- مش عارف بقى اتصرف ازاى سكان العمارة فى منتهى السلبية ومش عايزين مشاكل او خايفين واللى يقول انا عندى بنات واللى يقول وانا مالى ؟؟ طيب اية الحل مش عارف ؟ لو حد عندة فكرة او حل قانونى يقولى لو سمحتم
__________________
 البلد مش عايزة مهندسين البلد عايزة صيع  frontera09 سابقا 
|
|
#2
12-01-2012, 10:50 PM
|
||||
|
||||
|
رد: اعمل اية مع البية البواب ؟؟
ده فلم عربى دا انت ممكن تاخد اوسكار بالموضوع ده بص يا معلم حل البواب اللى عندك ده ايه
1- لو هو شرانى ذى ما انت بتقول تلبسة قضية وتخلص منه 2- تبلغ عن ابنه بردوا موش معقول تسيبة 3- تغير مفتاح عربيتك وتركنها فى جراج فى الفترة القادمة لغايه ما تخلص الموضوع ولو ليك حد من الجيران انت صديقة تقول له غير مفتاح العربية حرص ------------------------------------------------------------------------------------------ االحل التانى انك تتكلم مع العيلة وتنقل من العماره دى ------------------------------------------------------------------------------------------- الحل الثالث انك خليك فى حالك وكبر دماغك ذى ما كل الناس مكبرة دماغها وامرك لله ------------------------------------------------------------------------------------------- وعموما كلمنى خاص نفكر مع بعض يمكن نلاقى حل لموضوع البواب ده ------------------------------------------------------------------------------------------- نسيت فى حل اخير ممكن تصبر لما الاخوان يمسكوا فى مجلس الشعب وكله يبق تمام بيقولوا هيبق فى هيئه الامر بالمعروف والنهى عن المنكر هتتعمل فى مصر لما تتعمل ابق روح لهم اشتكي البواب وهما هيظبطوا البواب وعيلته وصاحب الشقة رقم 13 
|
|
#3
12-01-2012, 10:52 PM
|
||||
|
||||
|
رد: اعمل اية مع البية البواب ؟؟
ينهار بلاك
ايه ياعم ده انت مش قاعد في برج انت زي ال قاعدعندكو في اسكندريه في ابو سليمان و مساكن البترو والمستعمره وما شابه اولا انا متشكر لسرد قصتك لان بها عبر لابد ان ناخذ بها 1- عدم وجود البواب في البرج مده طويله ولتكن سنه علشان هما كده طول ما عمروا في عماره لابد ان يكون لهم صله ببلطجيه المنطقه وتشغيل الشقق الموجوده في العماره لاصحابها ال ماعندهومش ضمير في المحرمات 2- عدم اعطاء نسخه مفاتيح السياره لهم تحت اي ظرف والمصيبه الكبري بعض السكان بحسن نيه بيدوهم كمان نسخه مفتاح الشقه الموجوده مع مفاتيح العربيه وما ببعيد قصه الفتاه التي قتلها البواب بعدما اعطته مفاتيح السياره لركنها وصعد البواب لاعطائها المفاتيح وكان بها مفتاح الشقه فدخل عليها وكانت ترتدي ملابس داخليه فهجم عليها وارادها ولكنها ابت ذلك فقتلها ولكننا شعب لا نعترف او نتعلم من اخطاء الاخريين انا اسف للتطويل وهناك كلام كثير في هذا الموضوع ولاكن حتي لا تمل فاني اري وقد يكون كلامي غير متفق عليه ان حضرتك تمنع اعطائه المفاتيح وياريت تكلف نفسك 500 جنيه وتغير المفاتيح بالانذار تحاول انك تبينله عضلاتك بمعني اكيد تعرف حد من اخونا البلطجيه او حد معرفتك يعرف حد وكام واحد كده من اصحابك وتوقف كام يوم ورا بعض امام العماره لان صنف البواب يخاف مايختشيش ويعني ممكن نقول مش كلهم لاكن الاغلبيه وهناك بعض النقط الاخري لو سمح الوقت هكمل معاك ان شاء الله
__________________
 {الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً }
|
|
#4
14-01-2012, 12:41 PM
|
||||
|
||||
|
رد: اعمل اية مع البية البواب ؟؟
مش عارفه اقولك ايه عزل من العماره احسن وريح دماغك
|
|
#5
14-01-2012, 12:54 PM
|
||||
|
||||
|
رد: اعمل اية مع البية البواب ؟؟
امشى من الحتة دى لو تقدر
__________________
|
 |
|
|
