لماذا اشتريتك يا لوجان ؟

[iks]

المشاركة الأصلية كتبت بواسطة dr.wael7yran لو لسه متعلم السواقة حالا .. يبقى اللوجان بلا عيوب اعتقد بالنسبة ليك قطع الغيار الغالية في التوكيل هي المشكلة الاكبر .. بس صدقني اي شغل في اي توكيل مشكلة مادية كبييرة و ربنا يوفقك و تقبل سلامي

جزاك الله خيرا

[dr.wael7yran]

المشاركة الأصلية كتبت بواسطة asalacenter متشكر على تعاونك وتفاعلك فى الرد بس كنت عايز اعرف ايه الاجراءات اللى مشيت بيها فى التقسيط تبع بنك القاهرة وطالما هدفع اكتر من 50% ايه هيا الضمانات المطلوبة حيث أن لدى مركز صغير لصيانة وتدريب الحاسب لكن ملوش اى اوراق حكومية تثبت مقدار مكسبه

العفو يا باشا ..
و الناس هنا لبعضها على فكرة ..
بص طالما هتدفع 50 % موش عايزين غير صورة بطاقتك و وصل نور
و ده في جميع البنوك ..
بس القاهرة فايدته كانت اقل ..
7.5 % لو سنتين
7.8 % لو 3 سنين
8.2 % لو 4 سنين
8.5 % لو 5 سنين..
و الاستعلام مجانا .. و بيخلصوه في 24 ساعة..
و بالنسبة لمركزك او شركتك اهم حاجة انهم ييجوا يلاقوه شغال و بس
و ربنا يوفقك .. بس حاول في الاسلامي على اد ما تقدر

[asom_6]

المشاركة الأصلية كتبت بواسطة dr.wael7yran العفو يا باشا .. و الناس هنا لبعضها على فكرة .. بص طالما هتدفع 50 % موش عايزين غير صورة بطاقتك و وصل نور و ده في جميع البنوك .. بس القاهرة فايدته كانت اقل .. 7.5 % لو سنتين 7.8 % لو 3 سنين 8.2 % لو 4 سنين 8.5 % لو 5 سنين.. و الاستعلام مجانا .. و بيخلصوه في 24 ساعة.. و بالنسبة لمركزك او شركتك اهم حاجة انهم ييجوا يلاقوه شغال و بس و ربنا يوفقك .. بس حاول في الاسلامي على اد ما تقدر

بص حضرتك موضوع التعامل مع البنوك ده فى شبهه والله اعلم .. ولأن اختلاف العلماء رحمة فالبعض اباح التعامل مع البنوك والبعض رفض وانا وانت وعامة الناس من حقنا نتبع اى من الجانبين وكل منهم مسئول عن فتواه وملزم بتبريرها امام رب العالمين.
ولأن انا زيك شخص عادى ومش متبحر قوى فى علوم الفقه ومن واقع تجربتى الشخصية فى شراء سيارة جديدة بالتقسيط وجدت امامى نوعين من اساليب البيع بالتقسيط من البنوك :-
1- النوع الاول هو ان البنك بيديك قرض لشراء سيارة وهو فى النهاية قرض نقدى من بنك تحتسب عليه فائدة على حسب قيمة القرض ومدة السداد وليس للبنك علاقة بالمعرض او التوكيل وانما يعطيك البنك شيك بقيمة القرض موجه للمعرض او الوكيل لضمان استخدام القرض فى شراء السيارة وليس شىء اخر وطبعا ضمان القرض تحدده انت والبنك سواء تحويل مرتب او وديعة او او او ... هذا النوع من اسلوب التقسيط انا شخصيا لم اشعر معه بالراحة وللاسف هو السائد فى معظم البنوك
2- النوع الثانى هو انك تحدد للبنك نوع وماركة السيارة المطلوبة ويقوم البنك بشراء السيارة كاش باسمه هو اولا ومن ثم يبيعها لك بالتقسيط من البنك لك وهنا لا تعامل لك مع المعرض او الوكيل وانما انت تشترى من البنك سلعة بالتقسيط وطبعا سعر السلعة بالتقسيط يختلف عن سعر السلعة كاش لان البائع انتظر على فلوسه لمدة اطول (مدة السداد) ... هذا النظام ارتحت له اكثر واشتريت به فعلاً واستلمت من البنك فاتورة شراء واذن استلام من مخازن البنك وجميع اوراق الملكية كانت باسم البنك ومبايعة البنك لى وهذا النظام وجدته فى بنك ناصر الاجتماعى وضمان السلعة التى استلمتها ولم تسدد ثمنها بالكامل بعد هو ايضا تحويل مرتب او وديعة او او او كما تتفق انت والبنك

وده طبعاً بعد ما لفيت شوية عالبنوك المختلفة واستقريت فى النهاية على بنك ناصر الاجتماعى لعدة اسباب :-
1- الفايدة فى بنك ناصر 6% بس ولكن باقى البنوك من 7.5 الى 10 %
2- التأمين على السيارة موش اجبارى ومن حقك تأمن او متأمنش براحتك البنك لا يلزمك فى هذه النقطة
3- كل المبلغ اللى كان متوفر معايا كان حوالى 40000 بس ودا كان هيبقى مقدم فى اى بنك اخر لكن فى بنك ناصر حطيت مبلغ 30000 وديعة لمدة خمس سنوات (مدة الاقساط) ودفعت مقدم 10500 والباقى على خمس سنوات والقسط الشهرى 1300 جنية بعد حساب 6% فائدة سنوية لكل سنة (مدة التقسيط حتى 7.5 سنوات بحد اقصى) بس خد بالك ان الوديعة كمان بتحقق فايدة سنوية 10% تقريبا ,يعنى فى النهاية فايدة القرض مع فايدة الوديعة بيلاشو بعض وبتكتتشف انك بعد مدة السداد دفعت فقط تمن العربية الاصلى بدون فوايد --- يعنى اشتريت عربية زيرو بنفس تمنها وبالتقسيط --- وبنفس المبلغ اللى كنت هتدفعه مقدم لبنك تانى
4- لا يوجد شيكات او ضمانات من اى نوع وانما هى الوديعة وبس ضمان العربية بجانب الحظر طبعاً المكتوب فى الرخصة ويجدد سنويا بخطاب من الفرع اللى مقسط منه بدون انتظار وانت واقف المهم تنتظم فى السداد.
5- سداد الاقساط شهريا فى الشباك لغاية يوم 15 فى الشهر بدون فوائد وبعد يوم 15 تطبق غرامة 1.5% يعنى بتاع 15-20 جنية باقى البنوك من يوم 2-3 فى الشهر تبدأ الاتصالات والرخامة وفين القسط يا استاذ

دى يا باشا باختصار تجربتى مع بنك ناصر والحمد لله استلمت العربية فى خلال 10 ايام والورق المطلوب كان صورة بطاقة ووصل مرافق ولا تحويل مرتب ولا مفردات ولا حتى استعلام بالبيت .... وعلى فكرة فيه ميزة مهمة كمان زى ما قلت ان البنك هو اللى بيشترى العربية باسمه ويبعهالك بالتقسيط يعنى الموضوع مش قرض وفايدة لأ سلعة بالتقسيط

[lonedoctor]

بص يا دكتور انا معجب اوى باسلوبك الجميل المشوق ويبدوا انك راجل ركيب وصاحب مزاج
اخوك دكتور برضه وغاوى يؤسفنى اقول لك انك غلطان لانك ماجربتش كل العربيان فى شريحة ال 70000
اخوك معاه كورولا 2010 فول اوبشن و بى واى دى 2011 وباقولك كلمة واتحداك وانت راجل ركيب وهتعرف كلامى
لو ركبت البى واى دى وسوقتها بنفسك موش هتستنضف تركب عربية تانية فى نفس الشريحة وهتفتكر الانسر حبيبة قلبك على طول وهتقول دى النسر طلع لها عفريت من الصين يا جماعة
تقبل تحياتى

[dr.wael7yran]

المشاركة الأصلية كتبت بواسطة lonedoctor بص يا دكتور انا معجب اوى باسلوبك الجميل المشوق ويبدوا انك راجل ركيب وصاحب مزاج اخوك دكتور برضه وغاوى يؤسفنى اقول لك انك غلطان لانك ماجربتش كل العربيان فى شريحة ال 70000 اخوك معاه كورولا 2010 فول اوبشن و بى واى دى 2011 وباقولك كلمة واتحداك وانت راجل ركيب وهتعرف كلامى لو ركبت البى واى دى وسوقتها بنفسك موش هتستنضف تركب عربية تانية فى نفس الشريحة وهتفتكر الانسر حبيبة قلبك على طول وهتقول دى النسر طلع لها عفريت من الصين يا جماعة تقبل تحياتى

على فكرة العربية البي واي دي من جوه تقفيلها روعة
و صوتها وااااطي..
بس الاوروبي اغراني برده يا دكترة ...
و ربنا يباركلك فيها ..
و تسلم على ذوقك ..