#1
|
||||
|
||||
تتصرف ازاى لو عملت حادثة ؟ لا قدر الله
لاقدر ربنا يكفينا جميعا شر الحوادث كلها بس مفيش حد فينا مش معرض للحوادث ويمكن مفيش حد يسوق اصلا الا وحصلتلوا حادثة سواء بسيطة او كبيرة لاقدر الله لاكن مين فينا بيعرف يتصرف صح ساعة ما الحادثة بتحصل واحد يقولى هو الواحد فى اى ولا فى ايه ساعتها اسمحلى ده اكبر غلط لان تصرفك لو غلط بعد الحادثة ممكن تودى نفسك فى مشكلة اكبر من الحادثة فاسمحلولى بما انى خبير حوادث قديم اكتبلكوا مجموعة نصائح اعتقد ان مهم جدا نفتكرها فى حالة لاقدر الله حد اتعرض لحادثة 1- خليك شجاع لو عملت الحدثة والحادثة دى ادت لخسائر فى ممتلكات حد او لا قدر الله فى الارواح اوعى تفكر تهرب مهما كان الموقف صعب وسواء انت غلطان او لو كنت ملكش ذنب واجه المشكلة ومتهربش لان هروبك هيكبر المشكلة اكتر وهيخليك مذنب قدام ضميرك وقدام الناس 2- اتاكد المكان امن اتاكد انك واقف فى مكان امن ومفيش اعاقة للمرور وخاصة لو على طريق سريع كمان اتاكد ان مفيش اى تسرب للبنزين من العربيات اللى تضررت وشغل مصابيح الانتظار او استخدم المثلث الفسفورى الخاص بالتنبية 3- اتصل بالنجدة بسرعة خاصة لو الحادثة ادت لاصابة حد لاقدر الله او مشكلة كبيرة فى الطريق لازم تتصل بالنجدة بسرعة حتى فى بعض الحالات اللى ممكن تكون متحبش تعمل بيها محضر يفضل برده انك تتصل بالنجدة علشان ممكن يكون الطرف التانى فى الحادثة انسان مش كويس ويعمل هو محضر ضدك باوصاف العربية ونمرها ولما تيجى تجدد تلاقى عليك غرامات بسبب الحادثة 4- خليك هادى انا قولت اولا خليك شجاع فى مواجه المواقف بس مواجة المواقف بهدوء هيا قمة الشجاعة متتسرعش فى انك تتخانق مع الطرف التانى او حتى تسمحلة يستفزك لان سواء كنت غلطان او متضرر هتضيع وقتك وتحرق دمك بدون فائدة والاهم انك كمان هتضيع حقك 5- سجل كل حاجة استخدم ورقة وقلم اكتب على الموبيل صور بكاميرا المهم تسجل كل التفاصيل واهم حاجة رقم العربية فى بعض الحالات مهم كمان تكتب كل التفاصيل التانية زى اسم الشارع تفاصيل شكل العربية التانية اتجاهك من فين لفين الاضرار بالظبط اللى نتجت عن الحادثة تفاصيل قائد السيارة التانية تفاصيل وملابسات الحادثة حالة الجو حالة الشارع ارقام العربيات التانية اللى شاهدت الحادثة ولو عرفت تصور الحادثة يكون افضل واخيرا ربنا يكفينا جميعا شر الحوادث واللى عنده اضافة ياريت يفيدنا بيها التعديل الأخير تم بواسطة AbOnOrA ; 30-06-2008 الساعة 04:43 AM |
#2
|
||||
|
||||
رد: تتصرف ازاى لو عملت حادثة ؟
في حالة حوادث الأفراد عافانا الله و إياكم
حاول ان تعالج المصاب في مستشفي خاص علي نفقتك الخاصة للآتي: 1- أن تراعي الله و خاصة إذا كان المصاب علي قد الحال 2- تجنب المستشفيات العامة يجنبك دوخة ليس لها حل ، فإذا كانت الإصابة بسيطة و تعالج بسرعة أو بتعويض - صدقني هين قرشك و متهينش نفسك و احذر إن الله يراك
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
#3
|
||||
|
||||
رد: تتصرف ازاى لو عملت حادثة ؟
فيه حاجة كمان بصراحة عايز اقولها فيه ناس بتستغل فرصة الحادثة وتقبل تعويض حتى لو هيا مامنة على عربياتها وتسئلة ليه يقولك علشان يتعلم الادب طيب ده كلام يا جماعة المفروض اللى مامن على عربيتة مياخدش عوض والمفروض كمان زى ما بيحصل فى الدنيا كلها لا ياخد ولا يدفع وشركة التامين بتاعتة هيا اللى تدفع التعويض ولا ايه رايكوا
|
#4
|
||||
|
||||
رد: تتصرف ازاى لو عملت حادثة ؟
حاجة مهمة جدا يا جماعة طفاية الحرريييييييييييييييييييي يييق ديه مهمة اوى ومهم تكون قريبة مش تكون مردومة تحت الشنطة ولا متسابة فى البيت
|
#5
|
|||
|
|||
رد: تتصرف ازاى لو عملت حادثة ؟
اللهم إحفظ الجميع .... الحادثة فى مصر .... و عن تجربة ..... بهدلة و قلة قيمة و دوخة على الفاضى ... و الغلطان زى اللى مش غلطان ... المهم تفتح مخك.... لكن لو معاك واسطة كله يسلك .... خارج مصر فى نظام ... لو حصل حادث لا قدر الله .... ما فيش خناقات ولا سباب .... فى ثوانى بتلاقى سيارة أو موتوسكل المرور وصل (دقيقتين على أقصى تقدير) و عاين و كتب تقرير بناء على ما شاهده مع أخذ البيانات ويطلب من الطرفين الذهاب الى قسم الحوادث لإستكمال الإجراءات فى الوقت المناسب لهما .... والتى غالبا ما تكون إجرائية لتحديد خسائر كل طرف و نسبة الخطاء لتقديمها للتأمين و إصدار ورقة الإصلاح (لكى تقوم بأى إصلاح فى أى ورشة مهما كان تافه .... لابد من ورقة مصدقة من المرور تخيلوا ....) يعنى فى نظام .... أما حادثة مصر .... فدى قصة طوييييييييلة و مملة ....
__________________
تحياتى م/ طارق زياد SPERANZA A620
التعديل الأخير تم بواسطة TAREK ZIAD ; 30-06-2008 الساعة 07:06 PM |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
نفحات نورانيه فى أسماء الله الحسنى | نبيل عبدالرحمن | فى رحــاب شهر رمضان | 3 | 31-07-2013 02:35 PM |
قصة نبى الله نوح عليه السلام | نبيل عبدالرحمن | فى رحــاب شهر رمضان | 1 | 15-02-2013 10:06 PM |
كلام الإئمة في النهي عن الخروج علي الحاكم الظالم(ولو كان الدين بالراي لكان اسفل الخف أولي بالمسح من أعلاه) | وائل محمد | ثورة الحرية 25 يناير | 13 | 07-05-2012 05:02 AM |
كل ما تحتاج ان تعرفه عن الصلاة على النبي صلى الله عليه وسلم | M.TONSY | استراحة مصر موتورز | 3 | 11-03-2012 10:02 PM |
من هو عمر بن الخطاب؟ | Romeeoo | فى رحــاب شهر رمضان | 5 | 02-08-2010 10:36 PM |