الحمد لله اخترت الكروز على حساب السيراتو ------------------------------------------------------

[ahmed161075]

يا جماعه انا عملت موضوع قبل كده وكنت بفاضل بين الكروز والسيراتو وقلت خلاص

كروز لعدة اسباب منها -- الانفراديه فى الشارع --- الشياكة --- القوة والمتانه

وخلاص استلمت الكروز اول فئة اوتوماتيك والحمد لله من توكيل شيفروليه اللى

فى سور نادى الزمالك وانا ماشى سالت الاستاذ اللى سلمنى الين العربيه وللا لا

قلى لا امشى براحتك وشغل التكييف براحتك المواتير دلوقتى بتيجى متلينه جاهزه

المهم اخذت العريه وطلعت على الصحراوى وعلى المنيا عدل ومشيت مابين 100 الى 120 وشغلت التكييف

والعربيه تمام التمام --- وتانى يوم لما سوقت العربيه حسيت ان صوت الموتر اخشن من اول يوم وحستو

مشموع وانا سايق وانا بسحب بالعربيه --بصراحه قلقت وحاسس انى انا كان المفروض اخضع العربيه للتلين

وكان بلاش كمان التكييف -- المهم طلبت الاستاذ بتاع التوكيل وشرحتله اللى انا شاعر بيه -- جاوب وقاللى --

عادى هو الصوت هيدأ بعد الالف كيلو وكلام من ده -- قفلت معاه وبعدين شكيت تانى ازاى الكام ده وانا امبارح

كان صوت الموتور اهدا من النهارده الاولى ان يكون امبارح اخشن ويهدأ كل شويه لو كلامه هو اللى صح انه

عيهدا بعد الالف كيلو


الخلاصه انى مرعوب والله انا حاسس انى غلطتت انى تبعته وما اخضعتش العربيع للتليين -- ارجوكم حاولو تطمنونى وتعرفونى الصح فين

[phantiza]

يعني اية عربية بتيجي متلينة جاهزة (بتيجي من برة وماتورها اشتغل لحد ماجاب الف كيلو)
الكلام دة اول مرة اسمعة
ياريت تطبق النصايح الي حضرتك عارفة ممنوع الrbmيعدي 3
وممنوع تشغل التكييف لحد ماتخلص اول الف كيلو
وشوف صوت الماتور اخبارة اية

[hima elgmal]

طبعا لازم تلين العربيه وباذن الله كل يوم هتفوق عن اليوم الى قبله

[karem ali]

حضرتك المفروض تشوف الكتالوج الخاص بل العربيه مكتوب فيه ايه
بعنى انا مثلا اول لم جبت الماتريكس كان مكتوب ممنوع انى اشغل التكيف و ازود عن 80 سرعه خلال اول الف كيلو و الحمد لله العربيه زى الفل معايه
فا حضرتك لازم تقراء الكتالوج كويس جدا

[acasper]

بص هو حضرتك المفروض تلين العربية ,في حين ان عدم تلينها ليس المشكلة وفعلا الصوت بيهدي تماما بعد عمل الصيانة مع العلم ان الصيانة في 5000 كيلو وليس 1000كيلو