|
#21
14-03-2012, 06:18 PM
|
||||
|
||||
رد: مصروف العربية كااااام..... بيت تانى بجد؟؟؟
استاذ هشام
1- اربع فرد مساعدين بس لو جبتهم جداد أصلى ممكن يقعدوا اكتر من سنتين (الجداد اصلى فى معظم العربيات بدل مااجبهم ب 400 جنية هاجيبهم ب 600-700 جنية او اكتر ) ف هى هى 2- جوز كبالن كل سنة (لو العربية عفشتها سليمة معاك 5 سنين ونتا طالع) (5 سنين دة لو جايب الاصلى مش الصينى ولا التايوانى ابو 150-200 جنية الجوز ولازم تكون بتشيك بصفة دورية على كاوتش الكبالن والعفشة تكون سليمة وحريص جدا فى الملفات ) واظن دة صعب على واحد عادى مش محترف سواقة او على الاقل حابب للمجال فبيقرا وعارف تعليمات القيادة السليمة والصيانة 3- اربع فرد كاوتش بتاريخ الإنتاج وعدد الكيلومتر (المتوسط سنتين برضو وهيبدء يتهالك )  4- بطارية +مصاريف صيانتها لو سائلة خلال السنتين البطارية السايلة كشف عليها كل 3 شهور ومبتكلفش إلا 5 جنيه بالكتير(لا وساعات بتحتاج تزود مية)  5- دينامو وردياتير ممكن يقعدوا أكتر من كده لو حالتهم كويسة( بس لو اتكلمنا على عربية مستعملة ربناوحدة يعلم الدينامو والردياتير بقالهم اد اية ماتغيروش ...وبعدين الديمنامو امابيتضرب فية مفك سواء بقى كتاوت ولا سيلكونات ولا شربون خلاص بيبقى كل دة مسكنات ولازم يتغير ..والردياتير كدة برضو لو اتخرم ولا صدى ..اى تصليح فية بيبقى مسكن وهتضطر تغيرة  6-صيانة الكربيراتير او الانجكشن انا بعمل تنظيف للكربراتير كل 1000 كيلو بنفسى (ياباشا حضرتك محترف انابتكلم على المبتدئين امثالى )  7- شوية اكسسوارات حسب الظروف (فانوس- مراية - ازاز-كاسيت-فرش ...الخ) الإكسسوارات دى بتتجاب مرة واحدة (لا ممكن كذا مرة حسب الظروف) فانوس اتكسر ..مراية اتخلعت..فرش اتقطع ولا اتطفى فية سجاير  ...الخ)وطبعا حضرتك عارف يا استاذ هشام ان سوق قطع الغيار حاليا بقى معظمة مغشوش وصعب تلاقى حاجة نضيفة بسعر كويس ف اللى زمان كان بيقعد ب ال 4-5 سنين بقى يقعد سنتين تلاتة دة لو كملهم يعنى انا مثلا لسة مغير تيل امامى مابقالوش اسبوع وبقى يصفر بطريقة مزعجة فهضطر ارمية واجيب الاصلى دة لو موجود والفلوس اللى دفعتها فية راحت خلاص 
|
|
#22
14-03-2012, 06:47 PM
|
||||
|
||||
رد: مصروف العربية كااااام..... بيت تانى بجد؟؟؟
|
|
#23
14-03-2012, 09:50 PM
|
|||
|
|||
|
رد: مصروف العربية كااااام..... بيت تانى بجد؟؟؟
ياباشا كلامى انامبالغ فية وان حضرتك تغير جوز كبالن مرة واحدة ومساعد امامى واحد استيراد خلال 11 سنة وفى عربية 128كمان دة اللى مش مبالغ فية !!!!
 انا مش بشكك فى كلام حضرتك والله ابدا بس انامستغرب عشان دى فترة كبيرة جدا جدا جدا على كبالن ومساعدين على العموم ربنا يباركلك فيها كمان وكمان ويكفيك شرها يارب  ياباشا انا اولا اشكرك على الدعاء وربنا يبارك لنا كلنا فى العربيات اللى راكبينها ولكن العربية ال128 بعتها من حوالى سنة اما الريتمو فبعتها سنة 95 انا ذكرت العربيتين دول لانهم اكتر عربيتين استمروا معايا وكان فيه بيجو 305 SR لمدة سنتين ماغيرتش فيها حاجة غير طقم الكهرباء و فيات 131 غيرت طقم كهربا وسير كاتينة خلال سنة وشهرين حاليا مرسيدس من سنة ماغيرتش غير زيت وطقم بوجيهات لان الاسبراتير الكترونى وبرضه مش باشكك فى كلام حضرتك كل واحد ادرى بظروفه وطريقة سواقته بس انا عاوز اقول ان العربية 128ركبتها 11 سنة ومشيت 104 الف معايا ومافيش مرة عطلت ووقفتنى فى الطريق .. لازم توصلنى لحد الميكانيكى مع العلم كنت شاريها مستعملة وربنا يبارك للى اشتراها تحياتى للجميع
|
|
#24
14-03-2012, 10:05 PM
|
|||
|
|||
|
رد: مصروف العربية كااااام..... بيت تانى بجد؟؟؟
العربيه تعتبر من ضروريات الحياه والافضل تجيب الزيرو وليس المستعمل وتريحك ومش هتحتاج تغير الا زيت وبنزين فقط لمده 5 سنين لو استعمالك نضيف وع فكره انت لو حسبتها هلقيك بتصرف ف المواصلات اكتر من مصاريف العربيه ده غير البهدله ليك وللاسره لو متزوج انصحك اذ فكرت ف الشرا اشتري زيرو
|
|
#25
29-07-2013, 08:53 PM
|
|||
|
|||
|
رد: مصروف العربية كااااام..... بيت تانى بجد؟؟؟
هو الموضوع قديم
بس الرد ده بعد التجربه (بإعتبارى صاحب الموضوع) العربيه مش بيت تانى و لا حاجه دى بيت تانى و تالت و رابع كمان (الشرع محلل لحد 4 بس للأسف) و كمان أنا كلامى على اللادا إللى تعتبر قطع غيارها من أرخص الأنواع طبعاً كلما أرتقيت كلما دفعت ربنا يقدرنا على الأربع بيوت دول, ده أنا خلال سنه واحده صرفت ييجى نص ثمن شراءها !!! بس برضه على رأى أخى jojojojojo العربيه ضرورة خاصة للى عنده أسرة و أطفال
__________________
|
 |
|
|
