الفتيس التيبترونيك

[YahiaAshraf]

ممكن حد يشرحلى معنى الفتيس التيبترونيك

يعنى بيكون اوتوماتيك
و فى + و -

بس ازاى اعمله مانوال من غير دبرياش

يا ريت حد يفهمنى



دى صوره للفتيس التيبترونيك بتاع كيا كارينز 2011 خليجى

[borio1704]

الفتيس الستيبترونيك من وجهة نظري هو أحسن أنواع الفتيس من ناحية الاستخدام، لأنه بيجمع مميزات الفتيس الأوتوماتيك واليدوي مع بعض

وطريقة استخدامه كالآتي:

الأوضاع: P، R، N، D دي بنستخدمها زي الفتيس الأوتوماتيك ومفيش أي حاجة مختلفة فيه غير إن أوضاع القيادة التانية (زي L، 2، D3 مثلا) مش موجودة ، لأنك تقدر تتحكم في العربية بشكل يدوي لما تحول للوضع +/-

عشان تتحول للوضع اليدوي
- لازم تجيب عصاية الفتيس على الوضع D ، وبعدين تحرك العصاية ناحية المجرى بتاعة +/-
- ساعتها حتلاقي الشاشة بتاعة وضع التعشيق الموجودة في التابلوه غيرت اللي مكتوب من (D) إلى (1) أو (2) أو (3) أو (4) على حسب النقلة المتعشقة
- لوعايز تزود نقلة حرك عصاية الفتيس ناحية علامة (+)، ولو عايز تسقط نقلة حركها ناحية علامة (-)
- طبعا اليدوي بيديك تحكم كامل على العربية وتنقل وقت ما إنت شايف، بس الغيار ممكن يتأخر أجزاء من الثانية من ساعة ما تحرك عصاية الفتيس لحد ما الفتيس ينقل فعلا، ومع التعود دي مش حتبقى مشكلة
- ميزة الفتيس ده إنه لو نسيت نفسك وما نقلتش في المعاد الصح العربية بتتصرف من نفسها وتنقل، مثلا لو إنت ماشي على الرابع ولقيت زحمة مفاجئة ووقفت، لما تيجي تطلع بالعربية حتلاقيها معشقة (الأول) لوحدها، ولو انت بتحرق بالعربية على التاني مثلا ، العربية حتنقل للتالت أول ما RPM يوصل للخط الأحمر

بس مش معنى إن الفتيس الأوتوماتيك مافيهوش أوضاع تانية غير الـD إنه مش بيستجيب، سواقته عادية تماما زي أي فتيس أوتوماتيك ولما تعمل (كيك داون) بيسقط نقلات وبسرعة كمان

بالنسبة لي سواقة عربية فيها ستيبترونك حاجة ممتعة جدا



أرجو إني أكون أفدتك


...

[فادى]

الفتيس التيبرترونيك نوع مطور من الفتيس الاوتوماتيك العادى, و هو يعتمد على نفس بنيته الاساسية من محول عزم و تربينة الزيت,
الميزة الاساسية التى يتيحها عن الفتيس الاوتوماتيك التقليدى هى القدرة على التحكم فى النسب بشكل مباشر,
رغم ذلك فان كفاءة نقل الحركة ماتزال تقل عن المانيوال, كما أن اداءه يفتقد للمتعة التى توفرها اسطوانة القابض الفاصل.
على النقيض هناك نظام أكثر تطورا هو ما يسمى بال"سيكونشال" و الناس تخلط بينه و بين التيبترونيك, نظام السيكونشال موجود فى الاوبل فكترا و الفيات برافو و الفولكس جولف و غيرهم, و هو على العكس يعتمد على بنية ناقل الحركة اليدوى العادى لكن تتم ادارة القابض الفاصل (الدبرياج) بواسطة ميكانيزم الكترونى هيدروليكى و بذلك يوفر متعة و أداء موازي للمانيوال لكن بدون دبرياج.

[YahiaAshraf]

متشكر جدا للمعلومات الجميله دى
: waving:

[ebraheem elder3]

ستجد كل ما تريد فى الموضوع ده
http://www.masrmotors.com/vb/showthread.php?t=65811