#1
|
شوية تعديلات على شوية دردشة بخصوص لاسيتى وكروز
السلام عليكم ورحمة الله وبركاتة عليكم يا احلى منتدى
اولا انا بعتذر جدا على عدم تكملتى للموضوع السابق بس والله لظروف خارجة عنى انا بقالى فترة من يوم ما جبت العربية تقريبا وانا بحاول اجمع اى حاجة عنها مهما كانت صغيرة كبيرة وبسال وبعرف وفى ناس كتير ضحكت عليا لما سالت على قطع غيارها ويقولى ياعم العربية لسة زيرو بتسأل لييية ...........؟ طيب هو انا ضامن اية الى ممكن يحصل ولا فى اى حد ضامن اى حاجة لما الواحد يكون عندة خلفية عن عربيتة اكتر بدرى احسن لما يتزنق فى وقتها لقدر الله لما يحصل حاجة .. بردة الى انا لاحظتة هنا فى القسم دة بالذات انة ميت اوى مفيش اى تجديد فى المواضيع مفيش معلومات كفاية .... طب اية السبب ... هل دة علشان العربية لسة جديدة بردة وبقالها سنتين بس !!!! ولا اية السبب ... كان نفسى مثلا اشوف جدول صيانتها هنا او اسعار قطع غيار لكن بردة مفيش . عموما انا جمعت شوية معلومات وصور تعديل لا بأس بها فى الوقت الحالى اتمنى انها تعجبكم وحبيت طبعا اشارك اخواتى هنا بيها . هبتدى معاكم بالمعلومات الى اقدر احصل عليها وبعدين نشوف الصور يلا بينا صيانة العربية دى بتم كل 5000 كيلو طبعا تغير الزيت والفلتر دة امر اساسى والباقى زى ما حضراتكم عارفين شيك ع العربية وتربيط ع العفشة وفحصر تيل وانوار. فلتر البنزين بيتم تغيرة كل 40000 كيلو فلتر الهوا بيتم تغيرة كل 10000 كيلو البوجيهات بيتم تغيرها كل 20000 كيلو التيل حسب الاستخدام بالنسبة لسير الكاتينة فبالنسبة للاسيتى فدة مش بيتغير لانة معدن لكن بيتم فحصة كل 10000 كيلو بالنسبة للكروز بيتغير طبعا العفشة فى العربيتين واحد ما عدا تيل الفرامل تتشابهة فى الموديلات العالية فقط الرفرف الامامى ب 880 جديد و 800 استيراد ... طبعا دة مش عدل بس هو دة السوق الفوانيس الخلفية ب 1400 تقريبا ودى ارقام تخص العربيتين سعة خزان الوقود 60 لتر سعة الحقيبة الخلفية 450 لتر نصف قطر الدوران 10.9 متر وزن السيارة 1324 كيلو جرام ارتفاع السيارة عن الارض 147.5 مم الابــــــــــعــــــــــ ـاد الطول الكلى (مم) 4597 العرض الكلى (مم) 1788 الارتفاع الكلى (مم) 1477 قاعدة العجل (مم) 2685 نيجى بقى للصور وبما ان التعديل يخص الشكل الخارجى فطبعا الصور دى للعربيتين ويارب تعجبكم 1- دة الاسبويلر وموجود الحمد الله فى مصرنا الحبيبة وثمنة حوالى 500 جنية الكورى وجاهز للرش على طول بدون معجون او فلير ولا سنفرة حتى 2- دة بقى ... زى ما حضراتكم شايفين كدة بالضبط 3- التعديل دة ما شاء الله ممتاز ودماغ عالية 4- فى منتهى الشياكة الصراحة 5- الفوانيس الخلفية المعدلة (ليدات) بصراحة متدفعش فيها جنية لانها مفرقتش كتير وموجودة فى مصرنا الحبيبة 6- دى بقى الفوانيس الصح ومستعد ادفع فيها اى فلوس (فى العربية كلها الصارحة) 7- الواجهة دى شرسة حبتين 8- الصورة دى بقى بتوضح تركيب دعامات للعربية بس انا استغليت انها موضحة العربية من تحت قولت فرصة بردة تشوفوها 9- دى صورتين للفوانيس الامامية معدلة ملقتش غيرهم ومش عاجبنى واتمنى يكون فى حاجة احسن من كدة قريب ان شاء الله 10- دى فوجات ليدات شكل جميل لكن اكيد غير عملية 11- الكمالة دى فكرتها سهلة وبسيطة وعجبتنى اوى الصراحة بتبين الجمب كلة كدة حتة واحدة اتمنى ان الموضوع يكون عجبكم وان شاء الله بكرة هيجيلى معلومات اكتر عن الصيانة واسعار قطع الغيار وهفيدكم بيها ان شاء الله |
#2
|
رد: شوية تعديلات على شوية دردشة بخصوص لاسيتى وكروز
انا اسف جدا يا جماعة ع الصور الى ظهرت صغيرة اوى كدة الصور دى عندى كبيرة اوى مش عارف اية الى صغرها كدة
اوعدكم ان شاء الله هحل المشكلة دى وارفعلكم الصور تانى بحجم كويس بس لما ارجع من برة لان عندى مشوار مهم وانا اسف مرة تانية |
#3
|
||||
|
||||
رد: شوية تعديلات على شوية دردشة بخصوص لاسيتى وكروز
ياريت يااخ حماده و على العموم مشكور على المجهود
__________________
[SPEED NEVER KILLS اللهم صلى على سيدنا محمد |
#4
|
||||
|
||||
رد: شوية تعديلات على شوية دردشة بخصوص لاسيتى وكروز
شكرا ليك يا حماده على الموضوع و انا قولت انى ما دام حماده مختفى كده اكيد راجع بموضوع جامد جدا عن لاسيتى
__________________
كريم على
|
#5
|
|||
|
|||
رد: شوية تعديلات على شوية دردشة بخصوص لاسيتى وكروز
اولا - شكرا جدا للموضوع الهايل
ثانيا - انا معايا شيفي كروز احمر غامق ناوي اظبط فوانيس الورا ( الخلف ) هعملهم نقط و من قدام فل زنون و احط سبويلر شفتوا صغير واخد شكل انحنائي جميل ( معلش مش معايا صوره ) و العربية كلها فاميه لومار حلو اوي لو عندك اي اقتراح تاني قولي و انا هعملة علطول ( مستني تظبط الصور عشان اختار كام حاجة منها كدا ) و في الاخير - شكرا لمجهودك جداا |
|
|