سال وهتلاقى المتخصص الى هيجاوبك عن سوالك فى بيجــو

[mohamed_hapop]

السلام عليكم اولا
لدي سؤلين بخصوص بيجو 406 موديل 2000
اولا تعديل الشكل القديم الي الشكل الجديد من الامام فوانيس اكصدام فوجات شبكة والسدر
ثانيا بخصوص الفيتيس وعلامتين s -* وظيفة كل منهما وافضل طريقة للتعامل مع الفيتيس للحفاظ علية
وشكرا ياهندسة

[haderkhalaf]

السلام عليكم ورحمة الله وبركاته
بعد اذن حضرتك عندي مشكله مدوخاني رجاء مساعدتي
عندي مشكله العربيه 307 2007 sw ستيبترونك وانا ماشي الصبح بعد تسخين السياره الفتيس بيدب بين الغيار الاول والغيار الثاني ونتشات علي باقي الغيارات .
مع العلم اني لسه مغير زيت الفتيس من 20 الف كيلو وبلف فتيس واحد بس قالو هو الي بايظ وحتاج تغير " في توكيل غمره " والبلف التاني مش محتاج تغير " ممكن اعرف فايده البلف التاني ده ايه .
وساعات بحث ان بتاخد لغيار مره وحده يعني " زي الي يدي الغيار وينتش رجله مره واحده من علي الدبرياج في العربيه تحس انها اتكومت لحظه وبعد كدا تبدا في التجميع مره اخري وسعات بتسقف وبترعش خفيف علي السلنسيه وهي بتسخن وبتعل رجه جامد في المتور اثاء التدوير الماتور "
والسحب مش كويس خالص هلي ممكن لو الموبينه ضعيفه تعمل دربكه في الماطور تخليه يدي امر للفتيس بدري او غير مظبوط يخليه يعمل كداااااا ؟؟؟؟؟
كشفت علي الاقواعد كله كويسه الحمدلله مش عارف هل مشكل تتحل ولا متتحلش انا مستحرم ابيع العربيه وهي فيها عيب زي كداااا لان السبب ده زهقني من العربية خاااالص
ارجو من سيادتكم الرد عليه بالرد الشافي والنهائي في الموضوع ده لوجه الله تعالي
وجزاك الله خيرااااااااااااااااااااا

[aymen]

المهندس هيثم .... تحية طيبة
لقد تابعت الاسئلة المقدمة اليكم و مستوى ردكم عليها بكل ما تحتويه من حرفية . والله يوفقكم
انا اشتريت 307 s w من فترة قريبه
1- انا فى منطقة حارة تصل درجة الحرارة الى 45 درجة صيفا هل ساؤاجه مشاكل فى الفيتيس او الموتور فى الصيف ؟
2- بعد مشوار 600 كم رحيت خلاله مرتين . كل مره حوالى نصف ساعة لاحظت بعد المشوار ان الغيار الثانى جاء بعد 40 rpm و كان بهبده ثم تاخذ الثالث على 32 rpm مع ملاحظة ان بعد الراحة تبقى طبيعى ( الغيار الثانى عند 25 rpm ) لمدة دقائق ثم ترجع تانى ...... بعد وصولى تانى يوم كانت طبيعى لم الاحظ شئ مع المشاوير القصيرة ( مسافات من 5 : 10 كم تقريبا ) مع العلم كشفت بالكمبيوتر قبل المشوار و كانت النتيجة ما فيش اعطال .... هل هذا بسبب سخونة الفيتيس ام ماذا ؟
3- كتجربه فقط حاولت اجيب سرعة اكثر من 155 على الطريق السريع و لم تستجب ؟
4- هل اعطال الدينامو بتكون فجائية .... يعنى اذا كنت فى مشوار طويل ( 500 كم مثلا ) ممكن اتعطل فى وسط المشوار و ما هى الاجرائات الوقائية ؟
5- ما هو انسب بنزين لـ 307 ؟
اسف على الاطاله و لكن انا متأكد من مستوى الرد و لكم جزيل الشكر .

[romeoalmansour]

موضوع رائع ربنا يبارك فيك ......

[عطية فيكتور]

ان شاء اللة ناوى اشتري عربية ,بافكر فى 307 مانيوال(عشان مشلكل الفتيس بتاعها) موديل 2008 او 406 مويل 2000 فيما قبل(1600 مانيوال علشان مشاكل الفتيس ) او 405 من 1995 ل 2004(قبل الايرانى يعنى)...... مع العلم انها للسفر اليومى فى حدود 100ك...... يعنى تكون موفرة فى استهلاك البنزين .... و طبعا مطبات الطريق اكتر من عدد الكيلو اللي باقطعة يوميا.... يعنى مريحة.
الرجاء الرد سريعا لانى على وشك الاختيار.