جولف 4

[mohamed ibiza]

افضلهم جولف 4 طبعا بلا منافس بس مش هتيجي ب 50 الف نهائي ممكن تجيب جولف 3 موديل 1995 في حدود 40 45 الف 1400 او 1600 و ممكن تلاقي منها حالات نضيفه و فيها مكن 2000

و لو ملقتش جولف 4 خليك في ابيزا ايا كان 99 او 2001 ال 99 في منها نسخ فيها كل كماليات ال 2001 من ازاز كهربا و مرايات كهربا و تكييف و هكذا بس هاتهم 1400 الا لو انت حابب توفير البنزين و اداء ال 1000 سي سي هيرضيك

[ferk]

شكرا يا اخي
بس عندي بعض الأسئلة للإبيزا ,, الجديد منها ال 2000 و 2001 موتوره 1000 سي سي بس .. و ال 1400 منها خليجي و ملهوش قطع غيار .. م انا متهيقلي ان 1000 سي سي دة مش كافي و خصوصا ان فيه تكييف ..

و اعرف ان موديل 99 و 98 برده 1000 سي سي .. انما من 94 الي 97 المحرك 1300 سي سي و الموتور جولف 2 .. يبقي مين افضل ال 97 ولا ال 2001 ولا ال 99 !؟

انا بحب السرعة بس برده الرفاهية مطلوبة .. و ايضا لا احب التعديل في السيارة او اسقط موتور ..

و احب لو فيه حد عنده خبرة بالبيجو 206 يعرفني لو فيها مشكلة او ما شابه ..

منتظركم و جزاكم الله خير

[sayf11]

انا عندي وحدة 1800 gti لونها اسود جنط 17 فوانيس رنجات و خلفي لدات و شكلها بسم الله ما شاء الله موديل 2001 عاوز ابيعها على 65000

[iso_loma]

بص انا هقلك على حاجه انا كنت محتار زيك كده من شهرين بالظبط فى نفس العربيات دى اسمع نصحتى
1- جولف 4 دى احسن وحده ودى اللى انا جبتها بس خلى بالك من قطع غيارها غاليه بس دى هتبدأ من 55 وانت طالع
2- ابيزا 2001 عربيه رائعه جميله من جوه قطع غيارها ارخص شويه وسعرها من 38 ل 42 بالكتير اوى لو حالتها نظيفه
3-206 بالش عشان اسعار قطع غيارها وهميه ناااااااااااااااااااااااا اااااااااااار ومش اى حد بيشتغل فيها وعلى ما اعتقد قطع غيارها مش منتشره
4- البولو عربيه حلوه بس فاضيه من جوه مفهاش غير سنتر وتكيف وحتى الزجاج يدوى وفيه منها مفهاش تكيف اصلا منصحكش بيها برضو
5- الفورد فوكس معرفش عنها حاجه بصراحه
6- ابيزا 99 بلاش قديما شويه وهتلقيها مع شب هالكها ال2001 اشيك واحسن
7- جولف 3 دى كان واحد قالى انها مش حلوه
خليك فى الجولف4 او ابيزا 2001 ده راى وانت حر ولو احتجت حاجه انا تحت امرك

[mohamed ibiza]

بص يا استاذ ferk

الابيزا من اول موديل 94 لحد 2001 كل قطع غيارها موجوده ايا كان المحرك اللي فيها يعني لو جبت ابيزا 94 gti اللي بتنزل بالموتور ال 2e هتلاقي قطع غياره و كتير كمان و سواء جبت 99 GTIاللي بتنزل بالمحرك abf برضه هتلاقي قطع غياره هنا و ال 2001 كذلك

اما موضوع الافضل فا الابيزا 94 و 99 المفاضلة في الشكل بينهم محدوده اوي لان شكلهم واحد ما عدا بس الاكصدامات و الشبكه اكبر شوية و العلامه اكبر

اما المفاضلة بين محركات الموديلين فا المحرك ال 1000 بتاع ال 99 ده محرك اقتصادي بحت مش بتاع جري و فحت و ردم و اداءه مع التكييف بيكون متواضع جدا

ال 1400 بتاع ال 99 اداءه مش وحش نظرا لحجم العربية الصغير و ديناميكية الابيزا اللي هي معروفه بيها

ال 1300 بتاع ال 94 محرك قوي جدا من ناحية الاعتمادية .. اداءه قوي لو المحرك حالته كويسه و مع التكييف اداءه بيكون كويس لو الموتور حالته حلوه لو الموتور هلكان انسي انك تاخد منه اي حاجة سواء بتكييف او بدون لان ال 94 تقيلة في الوزن عن ال 99 كمان

اما ال 2001 فا دي جميلة جميلات الابيزا اجمل موديل من حيث الشكل في الابيزا هو ال 2001

لو عايزها هاتها 1400 او اكتر انما 1000 برضه نفس نظام ال 99 نفس المحرك بنفس القدرة بنفس الاداء

ال 1400 سواء 99 او 2001 استهلاك البنزين 250 كيلو في الصفيحة

و اداء ال 1400 انا بنفسي جربتها .. اداء ممتاز و تجميع سريع و مع التكييف الاداء بيكون كويس

و قطع غياره موجوده عادي و عفشته تعتبر نفس عفشة ال 1000 سي سي