أختبار أسطوانة الدبرياج

[ahmed_eng2001]

المشاركة الأصلية كتبت بواسطة M.TONSY طبعا عيوب الاسطوانة متعددة فى منها ما هو نتيجة تآكل تيل الاسطوانة وده بيسبب عدم قدرة العربية على السحب وطلوع المطالع ومنها ما هو نتيجة تلف سوست الاسطوانة ويسبب الرعشة فى الغيار الاول او الخلفى وفى بعض الاحيان اثناء سير العربية بصورة غير منتظمة وعليك ان تحدد اذا كنت تشتكى من اى مما سبق اما اذا مكنش ليك شكوى فيبقى الدنيا عندك تمام

انا كنت بشتكى من رعشة فى الغيار الخلفى ..... و بعديها بفترة ... بدات الرعشة دى تظهر فى الغيار الاول ... كنت فاكر المشكلة فى بلية الدبرياج ..... الميكانيكى قالى ان الاسطوانة هى الى بايظة و عايزة تتغير ... و بالفعل تم تغيير الاسطوانة و الرعشة راحت .....
معلومة كانت جديدة بالنسبة لى ... و كلام حضرتك اكد لى المعلومة دى
شكرا للتوضيح

[ahmed_eng2001]

المشاركة الأصلية كتبت بواسطة مشمش1 السلام عليكم : 010104~171: بس احب اضيف عيب آخر وهوه بلية الدبرياج والفرش و ماستر الدبرياج ياريت تحدد ايه الي بتشتكي منه الأول واعضاء المنتدي يساعدوك والله المستعان

ممكن حضرتك تشرح لنا ايه هى اعراض تلف بلية الدبرياج و الفرش و ماستر الدبرياج ؟؟؟

[abasabnfernas]

افرك بالعربيه فى الطلعه لو بتجمع معاك تبقى الاسطوانه سليمه كركرت وتنتش تبقى محتاجه تتغير

معلش مش فاهم يعنى ايه افرك بالعربية

[abasabnfernas]

طبعا عيوب الاسطوانة متعددة فى منها ما هو نتيجة تآكل تيل الاسطوانة وده بيسبب عدم قدرة العربية على السحب وطلوع المطالع ومنها ما هو نتيجة تلف سوست الاسطوانة ويسبب الرعشة فى الغيار الاول او الخلفى وفى بعض الاحيان اثناء سير العربية بصورة غير منتظمة وعليك ان تحدد اذا كنت تشتكى من اى مما سبق اما اذا مكنش ليك شكوى فيبقى الدنيا عندك تمام

المشكلة عندى أنى مش عارف هل الموتور خف أم ألأسطوانة هى الى خفت فالعربية فى المطالع السرعة و ال ار بى ام بينخفض و السرعة بتقل مهما ضغط عل دواسة البنزين يعنى لو ماشى على 120 تنزل ل 80 و لو ماشى على 80 تنزل ل 60 و فى المطالع الجامدة الموضوع بيزيد و العربية تكركر حتى على السرعة الثانية مع أن العربية لا يخرج منها أى أدخنة ملونه
ملحوظة العربية سعتها السلندرية 1300

[bekeat]

تجيب الاول عادى و تسيب دبرياج مرة واحدة و طحط رجلك اليمين بالجنب بحيس انها تبقى على الفرامل و البنزين فى نفس الوقت و رجلك الشمال سيب دبرياج مرة واحدة و فى نفس الوقت تدوس بنزين جامد و فرامل و شوف لو العربية مشيت يبقى الاسطوانة تمام لو كركرت و اعضت تتنطط او بطلت يبقى الاسطوانة بايظة و بالتوفيق ان شاء الله
فكرة جميلة ومنطقية جزاك الله خييرا .