العودة   مصر موتورز مجتمع السيارات > سوق السيارات فى مصر موتورز > عالم تأمين السيارات

عالم تأمين السيارات خاص بكل شركات التأمين المصرية وتجارب الأعضاء مع شركات التأمين


إضافة رد
 
أدوات الموضوع
  #21  
قديم 24-09-2012, 10:10 AM
alashkar alashkar غير متواجد حالياً
 
تاريخ التسجيل: Sep 2012
المشاركات: 8
alashkar is on a distinguished road
افتراضي رد: النصب العلني لبيت التأمين المصري السعودي


المشاركة الأصلية كتبت بواسطة elkordy2000 مشاهدة المشاركة

فعلا شركة نصابة بكل ما تحوية الكلمة من معاني لما أدفع 50% من تكاليف الاصلاح للسيارة فهذا هو النصب بعينة , الموضوع بأختصار شديد اني قمت بتأمين لدي شركة بيت النصب قصدي بيت التأمين المصري السعودي من سنتين ولم اقوم بعمل اي اصلاحات خلال تلك الفترة الحمد لله , لكن طبعا الشوارع المصرية لا تخلوا من ترك بصماتها علي السيارة من حين لأخر شوية خرابيش علي تجاريح وبعض الاحتكاكات البسيطة مع شرخ في أحد الفوانيس ( علي فكرة العربية لانوس 2 2009 ) , طبعا ذهبت لشركة التامين لعمل مقايسة اصلاح وخصوصا اني مقبل علي تجديد وفحص فقلت اعملها واخلص بدل غلاسة المرور اثناء الفحص
وفعلا ذهبت الي الشركة وكتبت في اخطار الحادث تلفيات اثناء السير والوقوف حسب ما قالي البية الموظف , وقال لي حضرتك ابعت السيارة الي مركز الاصلاح وعندنا بعض الورش في منطقة الحرفيين , قولت كويس اهي جنب مني وسهلة المهم سلمتها للمركز والشركة ارسلت المهندس المبجل للفحص والمعاينة وطبعا انا مش موجود اثناء المعاينة وواضح انهم بيتعمدوا كدة لانهم عارفين العميل هيعترض علي التقييم وطريقتة , البية عمل المقايسة علي أن كل حتة في العربية حادثة شكل يعني الجنب اليمين حادثة لوحدها والشمال حادث اخر وخرابيش الاكصدام حادث ثالث وشرخ الفانوس حادث منفصل لوحدة رابع , وطبعا كل دة علشان يلبسك مبلغ التحمل اللي هو 250 جنية عن كل حادث , لأ واية المفأجأة الكبري أن بيحاسبك بالحتة يعني هيرش العربية للأجزاء التالفة فقط مش كل العربية أو نصف سفلي مثلا , يعني من الاخر تمشي بعربية مشكلة حتة فاتحة وحته غامقة وحته فيها معجون ولو مش عاجبك كمل باقي الاصلاح والرش من جيبك طبعا اضطريت ادفع للورشة 500 جنية زيادة عن تقرير البية بتاع المعاينة علشان اكمل باقي الاصلاحات والرش
طبعا تقرير البية كان تكلفتة 2000جنية في حين ان المفروض سدادة 2500 جنية وطبعا اضطريت ادفع الفرق يعني هامشي بالعربية ملطشة بوية , المفاجأة الثانية بقة لما جيت استلم الشيك وجدت قيمتة كام 1200 جنية اول عن أخر والباقي ضربوا علية تحت بند حادث أول وثاني وثالث من الاخر أذا كان عاجبك يعني دفعت 1300 جنية من جيبي والاسم العربية متأمن عليها فعلا شركات التأمين في مصر أكذوبة كبيرة ...., شركات التامين بتظهر علي حقيقتها ساعة المصايب
انا بقول اسم الشركة علشان الناس تاخد بالها ( بيت التامين المصري السعودي ) شركة نصصصصصصصصصصصصصصصصصابة
واللي مش مصدق ممكن ارفع لة صورة الشيك ومعاينة الاصلاح والاستقطاعات
اللهم بلغت اللهم اشهد
هنا يجى دور الوسيط يعنى لو حضرتك عندك وسيط تأمينى كان هيعمل كل ده لانه عنده خبرة طبعا وعارف الاعيب شركات التأمين ويبقى عارف يتكلم ازاى مع المعاين ومع الشركة هاديلك رقم وسيط تأمين انا باتعامل معاه هو بصراحة بيخلصلى كل حاجة وانا فى مكانى ومن غير اى حاجة خالص لانه بياخد عمولته من الشركة مش منك ده رقمه 01111753175 اسمه محمد
رد مع اقتباس
  #22  
قديم 23-04-2015, 02:49 PM
mohamedsalah ici mohamedsalah ici غير متواجد حالياً
 
تاريخ التسجيل: Apr 2015
المشاركات: 1
mohamedsalah ici is on a distinguished road
افتراضي رد: النصب العلني لبيت التأمين المصري السعودي

احب اوضح بس لحضرتك حاجة اي شركة تأمين بتعمل كدا المشكلة ان الناس مبتقراش الوثيقة التحمل الاجباري250 جنيه عن كل حادث وحضرتك قبلت بيه اي خبير بيتعين من شركة التأمين لاجراء المعاينة لازم يقوم بفحص العربية ويحدد الحوادث سواء كانت حادثة او 10حوادث علشان دا بيتحاسب عليه قدام حاجة اسمها الهيئة العامة للرقابة علي التأمين اللي هيا منزلة الشروط مشكلة التأمين في مصر بصفة عامة ان الوسيط بينك وبين شركة التامين بيكون عاوز يبيع وثائق وخلاص وطظ في العميل حضرتك ممكن تخفض التحمل ولو في خبطة صغيرة في الباب وتصليحها اعلي من مبلغ التحمل حضرتك صلحها في ساعتها وشركة التأمين هتحسبهالك حادثة واحدة
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:19 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017