شوية اسئلة عن المازدا

[alymonir]

المشاركة الأصلية كتبت بواسطة momsam الف شكر يا باشا على النصيحة انا فعلا مسجل من يوليو 2010 ومن قبلها بفترة كمان وانا بتصفح المنتدى واتعلم منه وانا سجلت فى يوليو عشان احمل كاتلوج السيارة البولونيز وانا كنت مقرر بولونيز بسبب المنتدى وكنت بتعلم منه ولما غيرت للمازدا برضه بسبب المنتدى وفعلا تصفحت معظم الموضوعات والحاجات دى نقصانى انا مكنتش بشارك عشان انا مبفهمش حاجة فى السيارات تماما وعشان كده مبحبش اتكلم حاجة معرفش فيها عشان كده بحب اقعد اتعلم يعنى اى حد هنا فى المنتدى بيعرف احسن منى فى السيارات وعشان كده انا مينفعش اشارك المهم انا اللى اعرفه عن المازدا الكورى انها يابانى تقفيل كورى وكانت جاية لظباط الجيش وكانت مغلباهم ....على فكرة ده من كلام الناس اللى ممكن يكون غلط اصلا بس لكن انا معرفش الكلام ده صحيح ولا لأ وعشان كده بسأل اهل الذكر على فكر عندة قرايبينى عندهم سيارة مازدا 3 زى بتاعتك وانا ركبتها مرة وبسم الله ماشاء الله لا قوة الا باالله جميلة جدا ربنا يباركلكوا جميعاً ويرزقنى بحاجة كويسة على قدى تقبل خالص تحياتى

أولا اسمحلي أقلك إنك غلطان إنك متشاركش علشان متعرفش
طب ما كلنا كنا كدة
مفيش حد بيتولد بيعرف كل حاجة
كان ممكن تشارك علشان تعرف
ربنا يوفقك إن شاء الله
على فكرة
أنا اسمع إن الاكسيل كويسة جدا في رنج السعر دة و أعتقد لو لقيت حاجة نظيفة تبقى ممتازة خصوصا إنها حاتبقى جديدة شوية

المشاركة الأصلية كتبت بواسطة mr_astra اسمحولى ادخل فى المناقشة دى بس لو سمحتوا عشان خطارى اهدو شوية هو حتى المنتدى فى خناقات .......... الظاهر انها بقت ظاهرة فى كل مكان بالنسبة للاخ السائل انا هاجاوبك على كل حاجة ولو عاوزنى انزل اشتريها معاك والله تحت امرك كلامى نابع من امتلاكى لهذة السيارة المازدا هى احسن سيارة فى الفئة السعرية دى من 20 الى 25 الف المازدا عموما يابانى ما فيش منها كورى لان سنة فى التمانينيات ما كانتش كوريا بتعمل عربيات اساسا الا العربية الهيونداى بونى كانت يابانى كورى مشترك وطبعا المحركات والات الجر وخلافة كولة يابانى موديلات المازدا فعلا 80 ،81 ، 82 ، 83 واكتر موديل موجود 83 معرفش لية يمكن عشان السنة دى نزلت عربيات للجيش كتير منها .....الله اعلم المزادا زى ما قلنا هى افضل سيارة فى رنج المبلغ المرصود للشراء ( وجهه نظرى ) العربية دى موتور رخيص جدا جدا جدا اى حاجة ميكانيكية فيها رخيصة قطع غيار ببلاش فعلا اما الاكسسوارات الخارجية غالية بعض الشىء العربية دى لو فعلا سليمة تحس انك راكب عربية حديثة اتزان كويس جدا جدا جدا على الطرق السريعة مريحة فى السفر الى حد كبير اسرية لان صالونها بامنة انا بعتبرة اد صالون ال504 كانت معايا فى نفس الوقت اللى معايا فية اكسل وصدقنى اما كنا بنخرج ومعايا ناس كتير كنت باخد المازدا مش الاكسل يا سلام بقى لو ربنا كرمك بعربية 1500 سي سي خمسة غيار ياااااااااااة العربية دى سافرت بيها سينا والغردقة وكل حتة عمرها ما قالتلى بتعمل اية !!!!!!1 يابانى بقى بالنسبة للتكييف انا مجربتهوش بصراحة لان عربيتى كانت من غير بس ساعات بشوف على كونتاكت ناس عارضة مكتوب فيها تكييف انما اية حالتة الله اعلم ملخص الكلام العربية كويسة جدا ومحترمى اوى وشكلها انا بعتبرة سابق لزمنها عيبها غلو اجزاء العفشة الى حد ما تصدق مش لاقى عيوب تانى بعد تفكير اكثر من دقيقة اة والله اتكل على الله ودور على حاجة كويسة وادامك سوق الجمعة لان دة ترمومتر السوق وبتشترى من هناك ارخص من اى حتة تانى لانى كنت ساعات بقابل ناس من اسوان جاية تبيع فى السوق اى اى سؤال تانى تحت امرك وربنا يكرمك

: 018A1D~146:
مفيش كلام بعد كدة
بس على فكرة
احنا هدينا خلاص :w6w200504112 2473461

المشاركة الأصلية كتبت بواسطة momsam الف مليون شكر على ردك ليه وتطمينك ليا يا mr_astra واكيد الف مليون شكر على عرض ك ليا المساعدة وربنا يباركلك مليون مرة فى سيارتك الجميلة ممكن تقولى بتحطلها بنزين كام ومعدلها ايه (مش لازم عربيتك يعنى انا بسأل عن العادى ) وعلى فكرة احنا هدينا خلاص وبيقنا اصدقاء ان شاء الله انا فعلا من ضمن الاسباب اللى عايز اجيب العربية انه تبقى عائلية ليا ولولادى بس يا ريت لو حد يعرف ايه بقى نظام المكيفة هلى بتنزل من بلادها كده ولا لأ وانا كنت سمعت ناس بيقولوا انها كتير جدا فى الوقازيق عشان كده ممكن تبقى ارخص هناك حد سمع يا جماعة عن الموديلات اللى بعد 85 وقبل التسعينات شكله الخارجى جميل جدا بس معرفش اى حاجة تانية هنا حتى انا ملقيتش ولا اعلان عناها غير اعلان واحد كاتن طالب قطع غيار وده خوفنى بس شكلها جامد

بالنسبة لمازدا التسعينات
ممكن سعرها يبقى غالي شوية
و أعتقد يعيبها أيضا عدم توافر و غلو قطع الغيار

[momsam]

الف شكر ليكم يا اخوانى على المساعدة وابداء الاراء
وتسامحكم فى المعاملة وخصوصاً بشمهندس على
وطبعاً منساش ا/ mr_astra اللى جاوبنى على اسئلتى وعرض مساعدته ليه
الف شكر يا اخوانى

[alymonir]

المشاركة الأصلية كتبت بواسطة momsam الف شكر ليكم يا اخوانى على المساعدة وابداء الاراء وتسامحكم فى المعاملة وخصوصاً بشمهندس على وطبعاً منساش ا/ mr_astra اللى جاوبنى على اسئلتى وعرض مساعدته ليه الف شكر يا اخوانى

: THUMBS~220:

[Momo_rama]

انا هرد عليك بالخلاصه لانى مازداوى من زمااااااان
اولا الموديل 83 لو عرفت توقع واحده نضيفه يبقى تمام اوى و ياريت تكون 5 سرعات و 1500
بالنسبه للموديلات الى بعد 85 منصحكش بسبب قطع الغيار لان التوكيل الى كان ماسك مازدا زمان كان اسمه ماجد عبدالله و فلس وقفل بعد 85 ف مازدا وقعت ف مصر من 85 لغاية 90
انا كان معايا مازدا 323 موديل 88 كانت عربيه تحفه بيقولو عليها في ليبيا السنفورة و شكلها تديله موديل 94 يعنى كانت سابقة زمانها و كانت 1500 سي سي و 5 سرعات و تكيف تلاجه بس طبعا بعتها لانى مكنتش بلاقيلها قطع غيار خالص غير في ليبيا و ساعات ف الحرفين و الى اشتراها منى مش لاقيلها فوانيس لغاية دلوقت

المهم الموديل ده كان منه ميعديش 10 عربيات في مصر و الموديل 86 برضه الى قبله مشفتش منها بتاع 4 او 5 عربيات كلهم منطقة حرة بورسعيد

المهم طولت عليك خليك في 83 ولو معاك لغاية 30 ممكن تجيب موديل 94 و عربيه شكلها جامد

[ابومالك فايد]

السلام عليكم
اخي الفاضل
انا اشتريت المازدا من اسبوع
العربيه ممتازة جدا وفوق ما تتخيل
اتوكل علي الله

اهم حاجة حالة العربية
موتور جيد عفشه سليمة فبريكة من الداخل
انا اشتريت عربيتي ب 22.500 بس عربيتي حالتها ممتازة جدا
ربنا يوفقك