تحديد السرعة القصوى للأعضاء 110 كم يا ريت كلنا نتعاون.

[محمد فيصل]

يا رب استر طريقنا جميعا
الالتزام بالسرعات لا يحدث فى مصر بسبب ان كل واحد بيستخسر ينزل 10 دقائق بدرى وللاسف هذه عادة حاولت عدة مرات تغيرها مع الاصحاب و الاقارب لكن وجدت الجميع يتهكم و يقول دة عشان انت مبتعرفش تجرى هههههههههه

[MEMOO_1ST]

فعلاً يا رجالة لازم كلنا نساهم في الموضوع دا وفعلاً الواحد بيبقى اعصابة هادية وهو ماشي على 100 لكن بيبقى مشدود ومتنشن وهوا على السرعات العالية.

[wael_khaled]

بالمناسبة انا نسيت اقولكم على حاجه انا اصلا مش متعود اجرى لانى بحسبها مش بتفرق مى مشوار شغلى 3 او 4 دقائق بالكتير ده فى ال 200 كيلو ومن سرعه 100 ل 150 بتفرق 40 دقيق وانا مشوار شغلى كله 35 كيلو وعمرى ما ها اعرف اجيب ال 150 لان الطريق طبعا ما يستحملش المهم انا متعود امشى 60 او 70 لحد 80 جوه البلد انما اخد مخالفة رادار على طريق المطار وانا رايح شغلى الصبح وادفع اصطباحه كده 150 جنيه على الطريق علشان الرادار سجلنى ماشى 76 كيلو ده اسمه تهريج مش كده ده طريق المطار وانا ماشى عليه 76 كيلو ادفع ليه يقولى اصل الطريق ده سرعته 60 انا طبعا عمرى ما كنت اعرف كده ولا شوفت يافطه بتقول كده بس انا ناشى بسرعه الطريق وربنا يكفيكم شر الطريق وغراماته وخصوصا لما بتبقى على الصبح كده وانت رايح شغلك تسطبع ب 150 جنيه غرامه علشان 76 كيلو على طريق المطار بالذمه مش حاجه تتضحك ده طبعا كان اول ما طلع قانون المرور فى الشده بتاعته

[hazem_khidr]

عن نفسي انا بدأت اهدي في سوقتي جامد و بدأت احس ان مافيش حاجه مستاهله
و خلاص الواحد بيريح اعصابه العضمه كبرت

[احمد بدر1978]

المشاركة الأصلية كتبت بواسطة hazem_khidr عن نفسي انا بدأت اهدي في سوقتي جامد و بدأت احس ان مافيش حاجه مستاهله و خلاص الواحد بيريح اعصابه العضمه كبرت

العضمة كبرت اية اومال انا اعمل اية؟
د احنا لسة شباب ياعم حازم