#1
|
|||
|
|||
محتارة جدا جدا
انا عايزة اجيب عربية قسط خلصت الورق على اساس الفيرنا ولا الجين 2 افضل ياريت حد يقارن بينهم
|
#2
|
||||
|
||||
رد: محتارة جدا جدا
لو العربية عشان تسافرى بيها كتييير يبقى الجين 2
يعنى ثبات افضل على الطريق بعد 120 انما لو فى المدينة يبقى فيرنا بلا شك عملية قوية صلبة حمالة قسية صيانة سريعة وقطع غيار بالهبل وتمشى صحراوى برضة انما اخرها 130 لا اكثر |
#3
|
|||
|
|||
رد: محتارة جدا جدا
ياسلام انتى جيتى ف جمل
بصى ياستى صلى عالنبى ملحوظه اقرى اخر الموضوع لو مش بتحبى الرغى الكتير ولو عايزه التفاصيل اقرى الموضوع كله نبدا بالفيرنا اول حاجه السعر مع انك اكيد عاارفاه المهم سعرها دلوقتى من اول 68000 الى 78 الف اعلى واحده فيهم وهى اوتوماتيك فول ابشن مش ده اختصاصى انا بتكلم فى العربيه مش ف الفلوس المهم المقارنات بقى واحده واحده كده وركزى معايا ماتور العربيه 1600 سحب العربيه وسرعه الطلعه هايل توفير البنزين رائع ثبات العربيه ممتاز بس بعد 120 زفت قطع الغيار موجوده وببلاش فلتر 30 جنيه مثلا زجاج باب اماامى 70 جنيه حاجه كده كانك رايحه تجيبى تجيبى بيتزا من بيتزا هات يعنى زجاج امامى 700 جنيه حاجه اشطه جنوط 13 كاسيت نيو ستار زجاج كهربا حلو بس اهم حاجه ماتجيبهاش اوتوماتك لان الاوتوماتيك فيها وحش لان اللوك بتاع الفتيس بيبوظ او بيكسر بسرعه لو حد قرص عليه او حركه مره واحده ده غير انها مش ماتور دابل اوفر هيد كام ولا حقن الكترونى وبالتالى مش هاتسحب معاكى بسرعه زى سحبه المانوال والمانوال فيها عامل زى الكسينه ف الحلاوه حاجه لزيزه يعنى طبعا هو التقفيل مصرى يعنى كاوتشه الباب مثلا ممكن تلاقيها مش ماسكه نفسها او مثلا فى خرم عند فرامل اليد او فتحه فى دراع الاشاره مش مدارى الحاجات الى بتتقلب ف مصر ديه طبعاا قطع الغيار حلوه وبرضه مراكز الصيانه حلوه جدا جدا جد تروحى هناك تشربى شاى وقهوه وسجاير ويدوكى اكياس للعربيه حاجه وتدفعى 500 جنيه وانتى خارجه حاجه حلوه اوى طبعاا احنا اكلمنا على سرعه العربيه وسبنا الثبات موضوع الثبات ده ف الفيرنا زباله الحقيقه مش اكتر من الجين الجين بالنسبالها فرده جزمه يعنى الفيرنا 120 حلو وف لسه مالكه الدريكسيون وممكن تلمى نفسك او تدوسى فرامل والعربيه تلحق نفسها الجين بقى عباره عن عربيه كرتون على 4 كاوتشات هوا بالونه على مساعدين بلاستيك بكراسى قماش متنجده ف يانسن المهم قطع الغيار موجوده وفى تايلندى وصينى وكل حاجه الصيانه ف اى حته ومراكز صيانتها ف كل حته ومش غالين العربيه ارتفاعها عن الارض حلو ووطيها بتبقى اثبت شويه بس لو في عدد العربيه هاتحك ف المطبات بس مش اوى عموما هى حلوه وسعرها مناسب جداا ولزيزه ومشاكلها مش كتير ندخل ف الجين 2 اول العربيه ديه ماليزى ماتورها ماتور اسمه لوتس وهى ماركه عربيات زمان كانت بتعمل عربيات سبق ولما فكرو يعملو البروتون قالك ناخد ماتور اللوتس لانه شديد ونحطه ف البروتون بس بما انهم ماليزى بالتالى نسيو يعملو العربيه بمواصفات قياسيه العربيه ديه ياانسه بتيجى على سرعه 90 ولو ف ملف شديد شويه ممكن تتقلب لان ابعاد العربيه ومواصفات جسمها محطوط غلط العلو الى ف ضهر العربيه الى مخلى منظرها حلو بيسبب انها بتتقلب لما يكون فى ملف و فى شويه هوا العربيه بتجرى وبتسحب بس ف العزم تقريبا صفر لو شغلتى تكيف وانتى ماشيه سحب العربيه بيفرق جداا جدا وبتحسى انها بطه ماشيه وجرا عيالها وراها سعرها من اول 86 لغايه 92 تقريبا قطع الغيار معدومه ف السوق والمصدر الوحيد هو الماليز وطبعاا لما نبص ف قطع غيار هانبص على اقل حاجه ممكن تبوظ مثلا جوانات داخليه او حتى بوجيهات ممكن ماتلاقيهاش مراكز الصيانه مش موجوده ف مصر اصلا والى موجود ناس فاتحه وحاطين علامه بروتون ولا يفقهو شئ عنها العربيه شكل حلو جداا كاسيت تحفه كراسى طياره حاجه اشطه سبويلر جنوط 15 العجيب بقى ان فيها حاجات كتير جداا ومش فارقه معاها ببصله يعنى من الاخر عشان اريحك لو انتى مش بتجرى خالص ولا بتحبى الجرى وسواقتك هاديه و ليكى خبره ف العربيات وتعرفى ازاى تحافظى على عربيتك هاتى جين2 واهى تفضل معاهى اد 5 ل6 سنين وتبيعيها وملحوظه العربيه ديه ف اعاده البيع صفر يعنى هاتخسرى فيها كتير اوى كانك بتبيعى عربيه صينى او رينو مثلا او ماهيندرا العرربيه الهندى الى شبه التكتك ديه تانى حاجه لو بتحبى الجرى ومن النوع الى بيحرق غيارات وبيعد يسخن عالطريق وبتشدى مع ديه وبتشتمى ف ده واالحاجات ديه يبقى هاتيلك فيرنا اهو حتى لا قدر الله يعنى لو حصلك اى حاجه تلميها ب200 جنيه بس احسنلك خليكى ف الفيرنا لانها عربيه الشعب الكادح لانها فعلا بتاعه شقى يعنى مهما تعبت منك بتمشى ومابتقولش لا وفعلا حماره شغل وموفره للبنزين جداا واعطالها مش كتير وف كلتا الاحول هاتى ماينوال لان الاتنين دول ف الاوتوماتيك مش حلوين ولو فى اى حاجه تانى انا تحت امرك |
#4
|
|||
|
|||
رد: محتارة جدا جدا
بس اهم حاجه ماتجيبهاش اوتوماتك لان الاوتوماتيك فيها وحش لان اللوك بتاع الفتيس بيبوظ او بيكسر بسرعه لو حد قرص عليه او حركه مره واحده ده غير انها مش ماتور دابل اوفر هيد كام ولا حقن الكترونى وبالتالى مش هاتسحب معاكى بسرعه زى سحبه المانوال
مع احترامي لكلامك اي فتيس اوتوماتيك غيرالعربيات الالماني و الياباني و الامريكي لو قرصت عليه مش هيعيش كتير و اكيد طبعا سحب المانيوال افضل لانك انت اللي بتتحكم في الغيارات انما الاتوماتيك يعيش اكتر بالصيانه المحددة و كمان بيريح الموتور وبعدين ايه وجة الاستفاده لما حضرتك تفرم الاسطوانه تحت رجلك في المانيوال لو رجلك تقيله ثانيا الفيرنا الاوتوماتيك حقن الكتروني (لان معنى كلامك انها كرباراتير) و 2 كامه و سحبها هايل جدا بداية من الغيار التاني في الفتيس وعمليه في الزحام (و لا تبقى قاعد في العربيه عمال ترفص على الثلاثة دواسات ) و فتيس الفيرنا الاتوماتيك هوا بتاع الماتريكس و الجيتز الاتوماتيك و الالنترا لحد 2005 و اهم شغالين زي الفل على الاقل دايما تسمع على فتيس النوبيرا مثلا انه زباله بعدين الفتيس الاوتوماتيك بيخليك تتحكم احسن في العربيه متشغلش بالك بغيرات وده بعد تجربتي للمانيوال لان كان معايا 128 و بونتو و كيا ريو |
#5
|
رد: محتارة جدا جدا
عايزة رايي لا دى ولا دى
بما انك بنوتة هاتى i10 اوتوماتيك تقفيلها نظيف وحريمى
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
الكلمات الدليلية |
سيارة فيرنا جين 2 |
|
|