|
#121
16-11-2010, 12:59 AM
|
||||
|
||||
رد: بتحب انهى مدرسة فى صناعة السيارات
السلام عليكم
موضوع جامد جدا , ولا اقدر ان اضيف شيء بعد ما تفضل الاعضاء بذكرا كل شيء عن مدارس السيارات المختلفة , فقط سوف اعبر عن رايى المتواضع فالملاحظ ان كل مدرسة تعبر عن ثقافة شعبها و تفكيره و بيئته فمثلا .... الامريكان اصحاب الاراضى الشاسعة و المسافات الطويلة و عقلية و ثقافة الكاو بوى ( العضلات ) بارعين فى انتاج السيارات المناسبة للشخصية الامريكية , سيارات كبيرة الحجم و بالطبع لابد ان تكون ذات محركات كبيرة غير معقدة التصميم و بها وسائل الرفاهية المناسبة للمسافات الطويلة و كذلك الالمان و شهرته بدقة التصميم و خبرته الهندسية القديمة المشهودة المدرسة اليابانية لها خبرة و شهرة فى انتاج الماكينات و المعدات الحربية منذ ايام الحرب العالمية الثانية و معروف عن الشعب اليابانى دقته كما هو معروف فقر اليابان فى المواد الخام و خاصة الوقود , فنرى السيارات اليابانية صغيرة الحجم و موفرة فى الوقود بقية المدارس تقلد و تحاول ان تجيد فى التقليد برغم احترامى الكبير للمدرسة الالمانية , الا ان سياراتها غالية الثمن بالمقارنة بمثيلاتها الامريكية بصفة عامة و كذلك السيارات اليابانية بالمقارنة بالسيارات الامريكية , فانا معجب بالسيارات الامريكية و خاصة سيارات الدفع الرباعى بالرغم من استهلاكها العالى جدا للوقود و دى وجهات نظر 
|
|
#122
19-11-2010, 04:48 PM
|
||||
|
||||
|
رد: بتحب انهى مدرسة فى صناعة السيارات
السلام عليكم ورحمة الله وبركاته
موضوع متميز جدا واكتر من رائع بس لو قارنت بين هؤلاء العمالقه في صناعة السيارات من خلال السوق المصري اكيد هيكون فيه ظلم لبعض المدارس المتميزه لان المفهوم المصري للسيارت بيحكمه الوضع الاجتماعي للفرد والحاله الماديه يعني لو واحد راكب مرسيدس او بي ام هيقولك الالماني يكسب ولو واحد راكب فيات هيقولك الايطالي يكسب وطبعا الامريكي في مصر حظه قليل لانه بيعتمد علي المحركات الكبيره و البنيه الضخمه الغير متناسبه مع مصر لا من ناحيه التكاليف او البيع والشراء اما السيارات الانجليزي طبعا محدش يختلف عليه من ناحيه القوة و الفخامه بس السعر هو المشكله الكبري لان الاستون مارتن و الرولزرويس والجاجور اسعارها الله اعلم بيها علي الرغم من تواجد الجاجور علي الطرقات المصريه بس كام سياره بالمقارنه بالمرسيدس او البي ام وطبعا الصيني مبني علي سياسه cope and paste وطبعا سمعة المنتج الصينى في مصر غير مستقره تماما لكن الصناعه الايرانيه تقريبا زي مصر معتمده اعتماد كلي علي التجميع واشهر السيارات الايرانيه هي ساب وهي نفس قالب الكيا سيدان وطبعا البيجو 405 هي اكتر نو سيارات مجمعه ومصنعه في ايران وانا شفتهم في سوريا وبالاخص سابا وشغاله تاكسي اما السياره اليابانيه والكوريه هي اكثر سيارات منتشره في مصر لان اسعارها الي حدا ما في متناول الاغلبيه العظمي للشعب المصري وده ادى لانتشارها بس الياباني احسن بكتير من الكوري لان الكوري بعتمد علي كمية الموديلات المنتجه يعنى اى موديل بينزل بيقعد سنتين وتلاقي موديل جديد نزل من نفس الفئه وده من وجهة نظري ممكن يؤدى لانهيار تلك الصناعه في اي وقت لان سمعة الموديلات القديمه وبالاخص فئة السيراتو (شوما سابقا)الموديل القديم غير منتشر انتشار السيراتو الجديده علي الرغم من انه لسه جديد ولسه عيوبه مظهرتش لكن الياباني التويوتا بانوعها والمتسوبيشي بانوعها والهوندا بانوعها غنيه عن التعريف وسمعتها زي الجنيه الدهب لقوتها ونعومتها وقلة استهلاكها للبنزين وتوافر قطع غيارها والاهم تداولها في البيع لكن انا مش عارف ليه السوبارو ملهاش حظ في مصر علي الرغم من انها سياره محترمه واخيرا من رايي ان المدرسه اليابانيه والالمانيه هم افضل المدارس علي الاطلاق
__________________
محمد مجد 
|
|
#123
26-11-2010, 10:06 AM
|
|||
|
|||
|
رد: بتحب انهى مدرسة فى صناعة السيارات
شكرا لدعوتك لى ابو نورا و لكن انا افضل جميل المدارس لمركات معينا
الامريكى :كديلاك و كريسلر و جى ام سى و فورد و شيفوليت الاوروبى :بى ام دبليو و مرسيديس و اوبل اودى فيات يابانى ماذا و انفينتى بس لو معايا فلوس و هختار عربية اعتقد المفضل لدى سيكون الاوروبى 
__________________
 الحلم
|
|
#124
26-11-2010, 12:03 PM
|
||||
|
||||
|
رد: بتحب انهى مدرسة فى صناعة السيارات
انا بحب الاوربي بس لحد التمنينات او لمنتصف التسعينات بعد كدة اي حد بيشتري اوربي لازم يكون عامل ميزانية لو لا قدر الله العربية فتحت بقها ؟ شوفوا اسعار الاوبل المستعمل و الرينو المستعمل عاملة ازاي ............
الامريكي حلو و كويس بس مع الاحترام للكل حد يقدر قولي اية الامريكي المنتشر في مصر و بنسبة كام في المية من العربيات الموجودة ما فيش غير الشيروكي و موش منتشرة للدرجة علشان حجم الماتور و استهلاك البنزين يعني من الاخر الامريكي فاشل في مصر ............ نيجي للياباني انا شايف انه انجح عربية معمرة و اقتصادية حتي في عربيات السبق الهوندا من العربيات اللي بعها كبير . العربية اليابانية نجت في جو الخليج في حين العربيات الاوربية كانت الحرارة بتبهدلها . العربية اليابانية نجحت في امريكا لتوفيرها في البنزبن حتي العربيات ذات السعة اللترية العالية موفرة في البنزين و طبعا نجحت في مصر. افتكر ايام الجامعة كنت لما اشوف عربية ميكروباص تويوتا كنا بنجري عليه و نطنش اي عربية تانية. الكوري هيونداي و كيا بجد عملوا طفرة و نمو سريع جدا في السنوات اللي فاتت باقي العربيات لسة قدامها مشوار طويل اوي لحد ما تتشهر عالميا.
|
|
#125
26-11-2010, 03:35 PM
|
|||
|
|||
|
رد: بتحب انهى مدرسة فى صناعة السيارات
مفيش مدرسة في صناعة السيارات مقدسة عندي
الصناعة لم تعد حكر على حد الألماني - باقي الأوروبي - الياباني - الكوري.... كل دول بينتجوا عربيات بتاخد 5 نجوم في الآمان انا شايف ان الكلام عن التاريخ .. شئ غير منطقي لأني بشتري عربية موديل السنة دي .. مش بشتري عربية اشوف تاريخ بلدها عمل اية في صناعة السيارات ؟؟!! انا ممكن بس احب ماركة عن ماركة (و ده واضح في توقيعي) ممكن احب اشوف علامة فولكس فاجن عن تويوتا على الدركسيون ممكن احب اشوف هوندا و محبش اشوف اوبل او سكودا (عارف انها احد شركات فولكس .. لكن العامل النفسي مهم جداً!) عقبالكم كدا يا مصريين اما تعملوا عربية ... ان شاء الله تسموها مبارك اوتو !!
__________________
اللي ميعرفش يقول هجص ! 
|
 |
|
|
