اعمل ايه فى الفتيس دا ؟ هيجننى !!

[سيف الدين سعيد]

المشاركة الأصلية كتبت بواسطة حسام البورسعيدى اكيد تجيب فتيس استيراد افضل بكتير .. لانه هيكون تقفيل بلاده .. بس لازم تاخده على تجربة مش اقل من اسبوعين ...

يا استاذ حسام مافيش حاجه اسمها تقفيل بلاده . احنا كلنا عارفين نصب البياعين اللى يفك الفتيس وينظفه ويلمعه او حتى يخليه بأرفه ويقولك تقفيل بلاده . دا بحالته . وامور السرقه والنصب دى . ويبيعلك الحاجه اللى هلكانه وطلعان عين ابوها على انها استيراد الخارج وبالشيئ الفلانى .
عموما لو حب يشترى استيراد ينزل يجيبه من بورسعيد وانشالله حتى يركبه هناك .

[hossamhussein0]

هيه العربية اصلا نوعها ايه ؟؟؟ و الفتيس الحالي هل مانيوال ولا اوتوماتيك ؟؟

عموما ،،،

رأيي ان الاستيراد افضل بكثير ، بس ده طبعا لو كان فعلا استيراد

و عموما يمكنك التوجه لمحلات بيع الاستيراد في الحرفيين مثلا و ابدأ كلامك علي موتور بفتيس و طلعا بيكونوا راكبين في بعض و كمان دقق النظر في الفتيس نفسه شوف هل متركبله جوانات ولا لأ ، و ابدأ الحوار و الفصال علي انها ماكينة بالفتيس و بعدها قوله طيب انا معاييش اكمل المبلغ ده دلوقتي و اسأله عن الموتور لوحده بكام و الفتيس بكام و حاول تديله الانطباع ان الاولوية عندك للموتور لوحده و بالتالي هيرفع من ثمن الموتور و يقلل في ثمن الفتيس و بعدها اشتري منه الفتيس و بيبقي علي التجربة علي الاقل اسبوع

و ياريت بعد ما تشتري الفتيس تتأكد من منسوب الزيت فيه و تزوده لو لزم الامر و تديها كده مشوار كبير تجري فيه شوية و تجرب كل الغيارات (تصاعدي و تنازلي) و بعدها لو كان الفتيس جيد ،و هوه سخن بعد المشوار ده تروح لأقرب بنزينة و تفضي الزيت القديم كله و تملاه ثاني زيت نظيف و ياريت ما تحطش زيت 140 و الكلام ده ، لانه في الواقع بيحمل علي الفتيس و الافضل انك تحط الزيت الموصي به من الشركة المصنعة . و ياريت يكون موبيل

[waelsalah]

السلام عليكم
عربيتي اكسيل 1500 مو 95 مانيوال 5 غيار
عملتلها نص عمره للموتور والحمد لله كويس
حاليا ومن قبل العمره يوجد 3 اصوات وحركات
1- صوت والعربيه واقف ومموره زى مثلا تكتكتكتكتكت بس مش عالى اوى وبيروح لما بدوس ع الدبرياج
2- صوت والعربيه ماشيه زى مثلا ور ور ور ور وبيروح لما بدوس دبرياج او امور
3- صوت لما بسيب رجلى من ع البنزين زى مثلا هى هى هى هى هى
يوجد خشونة فى تروس النقلات بمعنى بحس بصوت التروس وحركته بين الحارات خصوصا فى الاول والثانى
حاليا حاطط زيت 140 وكان قبله 90 ومحستش بقفرق
رايي الميكانيكي ان مصدر الاصوات الفتيس ويوجب تغيره لان تصليحه مصاريف ع الفاي وهيرجع تانى
وراي 2 عفشجيه هكذا بالزام تغييره
ويوجد راى 2 آخرين ان ممكن يحطوا علبة شحم ع الزيت وهيتظبط
وآخرين بيقولوا هنغير زيت 140 ونحط زيت سايب اتخن من 140 للتجربه ولو مراحش الصوت والخشونه يبقي لازم تغييره
يارب اكون قدرت اوصفلكم حال الفتيس ومشاكله
واسف للاطاله ومستني ردودكم القيمه باذن الله
وحفظكم الله تعالى ومصر من كل سوء