رد: ما هو أسوأ حدث لعام 2009 ؟
خروج مصر من تصفيات كاس العالم شئ مش جديد ,,, المشكلة كانت في الاحداث المواكبة ليه ,,, بالتالي خرج من حساباتى
تبادل الشتائم وسب الدين بين أعضاء مجلس الشعب ,,, دي اللي انا صوت ليها علشان جديدة علينا ,,, لما ممثلي الشعب يبقوا بالسفالة دي ,,, هنستنى منهم ايه ؟ دول ما حصلوش تعاملات احط طبقات المجتمع خلقاً ... تخيل لما وزير يسب دين و يتريق علي المواطنين و النواب بالشكل ده ! هستني ايه من بني ادم اقل ما يقال عنه انه قليل الادب ؟ ان لم تستحي ففعل ما شئت ,,, و العيب مش عليه العيب علي اللي سايبه يعمل ما بدا له
إنفلونزا الخنازير ,,, الحمد لله في ناس بتعالج و تخف ,, و ربنا ممشيها بالستر معانا في مصر ,,, و انا شايف ان المشكلة مش في الانفلونزا المشكلة في التعامل معاها ,,,
إرتفاع معدل الفتنة الطائفية وإدارتها من الخارج ,,, اعتقد ان الحكاية كلها زيادة في الاعلام ,,, الاحداث دي كانت ممكن تكون موجودة من قبل كده بس ما بيتسلطش الضوء عليها ,,, و الحمد لله انا شايف ان مصر مستقرة بشكل كبير من حيث التعامل بين المسلمين و المسيحيين ( مش الاقباط لان قبطي يعني مصري مش مسيحي ) و الموضوع حوادث فردية و الحمد لله ,,, و بإذن الله يفضل الموضوع بسيط و ما يكبرش ,,, والرسول قال اهل مصر في رباط الي يوم الدين ,,, انا مطمن
تدهور الخدمة الصحية والتعليم وأداء المالية ,,, لا ما ينفعش نقول انه اسوء ما في 2009 لانه من زمان ,,, المشكلة ان تراكم الاخطاء بيصعب ايجاد الحل كل سنة عن اللي قبها ,,,
كارثة العياط وتكرار حوادث القطارات ,,,كارثة طبعا بكل المقاييس ,,, بس برضو مش جديدة علينا ,,, هي زادت في الفترة الاخيرة ,,,
خسارة الاقتصاد المصرى لعشرين مليار دولار ,,, مش اول مرة تضيع مننا مليارات ,,, ولا ناسيين توظيف الاموال و لا نواب القروض و الناس اللي في لندن ؟
الحكومة المصرية ,,, قرفانا من زمان ,,, برضو قديم الكلام ده
إرتفاع معدل الجرائم والمزابح ,,,دي نتيجة بسيطة للي بيحصل ,,, بالتالي برضو خرجت لانها نتيجة اكتر من انها ظاهرة ,,, الجرائم بتزيد في المجتمع بزيادة المشكلات اللي بتواجه افراده ,,, يدخل عامل الاقتصاد مع عامل الدين يعمل خلل في التفكير و يؤدي عند بعض الناس لشطط فكري ينتج عنه ارتكاب مذابح ,,, او سرقات مبررة !
أفعال وتصريحات شيخ الأزهر !!! اللي اعرفه ان قال للبنت انها ما ينفعش تلبس نقاب في وسط مكان كله بنات .... ايه المشكلة في كده مش فاهم بصراحة ؟!
__________________
السيارة التي قيل انها قادمة ,,, لن تأتي ,,, ptmnlo123per111 [/CENTER]
|
