خطوات استلام النيو أكسنت 2010

[yaser4050]

بعد القراءة المستفيضة لمزايا و عيوب النيوأكسنت وجدت أنه من الضرورى لى ولكثير من الزملاء مناقشة طريقة الإستلام بمعنى آخر إيه اللى المفروض كل واحد فينا يعمله بالظبط للتأكد من سلامة أى جزء عند استلام العربية. و ياريت أصحاب الخبرة مايبخلوش علينا بأى معلومة مهما كانت بسيطة. و ياريت شرحنا يكون مبسط لكى يستفيد المستجدين...........واحنا معاهم

[AbOnOrA]

هو الموضوع اتكلمنا فيه اكتر من مره فعلاً فياريت حضرتك تراجع المواضيع القديمة للاستزاده

لكن عامة انصح بالكشف على السيارة تماماً كانك هتشترى عربية مستعملة لان وارد تكون فيه خبطات اثناء النقل او عيوب تصنيع

فانت هتبص على الصاج كله كويس وتبص من تحت العربية على اى ثار خبطات ويفضل تبص فى نور الشمس او نور قوى

وبعدين تقعد فىالعربية تجرب الكراسى كلها وتبص على الفيبر الداخلى وتتاكد ان مفيش حاجة مكسورة وتشغل كل الكماليات حتى التكييف لثوانى لتتاكد من عمل كل الانظمة الكهربية وتدور العربية وتشوف الانوار وكل حاجة
بعدين تتاكد من الكاوتش والاستبن وشنطة العدة والمفاتيح والريموتات واى اكسسوارات او اوراق بتجيى مع العربية وتتوكل على الله وتستلم

كلام 10/10 يا استاذ وائل

[yaser4050]

لا فض فوك يا باشا. والله أفضالك مغرقانا. دى مش أول مرة نتناقش سوا. لكن بصراحة انت انسان ممتاز و كريم جدا لدرجة اهتمامك الشديد بكل الأمور و الاستفسارات. للمرة المليون أشكرك و متحرمناش من خبرتك

[بهاء العنانى]

اذن ياجماعه لازم فحص وتجربه كل حاجه قبل استلام السياره
عن نفسى عند استلام نيو اكسنت 2010 قمت بلاتى
1 - بصيت على قراءه عداد السياره وده هام جدا
2 - كنت مهتم بان تكون السياره عليها الورق الابيض الملصق على السياره من الخارج
3 - لفيت حول العربيه وتاكدت من صاج السياره بانه بدون خدوش وبالذات الفوانيس اماميه وخلفيه
4 - من الداخل جميع الاوراق واللزق الشفاف يكون ملصق على السياره من الداخل مثل الابواب من الداخل وذرا النور وذراع المساحات
5- تجربه الكاسيت والراديو وال cd (طبعا مفيش فى السياره سى دى ) مش عيب لو خدته ماك وانت رايح
6- تجربه وصله مشغل اغانى الموبايل عن طريق التاكد من وجودها اساسا مع السياره
7- طفايه السجاير الداخليه وهى علبه سوداء اسطوانيه متنقله والاريل الخاص بالراديو
8 - تجربه التكييف بشكل سريع
9- تاكد من وجود كتيب الضمان والكتالوج
10- تاكد من وجود الاستبن والكوريك وشداد العربيه لاسمح الله فى حاله عمل قاطره للعربيه بسياره نقل مثلا
11- تاكد من المفتاحين للسياره واطلب كود المفتاح لانه مهم جدا جدا فى حاله فقد المفتاح
12-جميع الكراسى بالسياره تكون مغلفه بالاكياس البلاستيك
13- افتح كبوت السياره وتكد من وجود الزيوت بها كزيت الفرامل والموتور وماء الرادياتير
14- مفيش مانع زى انا ماعملت تاخد نمر تجاريه لحين وصول الورق المبايعه والافراج ( لو مش موجود وهيوصل بعد يومين مثلا ) وهو عاده مايحدث وحدث معى.
15- اقرا الفاتحه وتوكل على الله وسوق على مهلك وياسلام لو كان استلام السياره فى وقت بعيد عن وقت خروج العاملين من العمل .
والف مبروك