اية رايكوا ياشباب هعمل ستاير كبس

[rico]

اعمل فاميه بس وانت داخل على لجنه نزل الاربع ابواب للازاز اكمنى اتعلقت قبل كدة فى لجنه بس بقيت اعملها محدش بياخد باله

[خالدخليفة]

المشاركة الأصلية كتبت بواسطة iprahim_refaat الصراحه الستاير الكبس دي انا مش عارفها وبالنسبه للفاميه الامامي انا لا انصح بيه نهائيا عشان المرور عن تجربه سابقه واضريت اشيله في اللجنه وخلي شكل العربيه زباله لحد مشيلته كله

بس ده ظابط غتيت اوى انا مرة كنت راكب ميكروباس وهو نازل من كوبرى 15 مايووقفه وواضح انه كان عارفه او مستنيه وفوجئت بيه بيقول له هات الرخص وبعد م شاف الرخص فوجئت بيه بيقول له اخلع النمر دى وفهمت انها مسروقة فقال السواق دى ملحومة وفوجئت بالظابط قال له اخلع الاكسدام والسواق قعد يخلع الاكسدام بس طلع جدع راح منزلنا من العربية وقال انا اسف العربية مقبوض عليها وراح موقف ميكروباس تانى و قال للسواق هات اجرة الناس دى من هنا للتحرير وراح دافعها للسواق اللى ركبنا معاه

[mido_4up]

انا معايا اكسنت 2006 سوداء الستائر الكبس تحفه وعندى زرار بغلق الزجاج بتاع العربيه كلها علشان الستائر بتاثر على طلوع و نزول الزجاج

[karem ali]

انا عندى راى انا معايه ماتركس ومركب الستاير الكبس هى فعلن حلوه جدا وبتعطى شكل كانى العربيه متفيمه لكن فى منها انواع كتيره خد بالك وكمان لو مثلن داخل على كمين ممكن بكل سهوله تشلهم