مذكراتى ايام الثورة موضوع مميز جدااا وياريت كل واحد يكتب مذكراته او المواقف اللى حصلتله

[محمد السيد 78]

المشاركة الأصلية كتبت بواسطة sayed2077 ينهار فل طايب والبنزين كان ايه اخباره ساعتاه واكيد طول ما انت سايق كنت فى رعب الحمد لله ان الايام ديه عدت على خير نورت الموضوع يا باشا

ساعة ماتحركت من الاسكندرية الى دمنهور كان معايا نص تانك وده فى الطبيعى كان زيادة اوى على مشوار دمنهور رايح جاى حيث ان المسافة بين اسكندرية ودمنهور حوالى 70 كم يعنى المشوار كله 140 كم بس لما وصلت المنصورة كان المؤشر قرب اوى على E والحمد لله لقيت بنزين وانا راجع على الطريق الزراعى وبالنسبة للرعب فهى كلمة لا تعبر عما كنت احس به وقتها وكنت حاسس ان اليوم ده هو اخر يوم لى فى الدنيا . ولكن لم تحن ساعتى بعد.

[نبيل عبدالرحمن]

المشاركة الأصلية كتبت بواسطة sayed2077 من خلال قرأتى لكلام حضرتك اتاكدت ان الاحداث الرئيسيه مفيش مصرى ممرش بيها بس الاحداث الثانوية ديه بقى اللى بيبقى فيها العجب انا ان شاء الله فى التكمله هحكى عن مواقف اتعرضطلها انا و ناس اعرفهم وكدا بجد هتعجبك جدااا ارجوا ان تشاهدها

فى انتظار باقى المواقف التى تحكى عنها يا أستاذ سيد ، بجد الموضوع مشوق بالفعل

[sayed2077]

بعد ما عدا يوم 29 يناير

والى انا بعتبره اصعب يوم عيشته فى حياتى كلها الى الان

بقيت الايام كلها شبه بعض بعد كدا وبعد اللى شوفته يوم 29 ما كنش فيه حاجه تثير خوف الواحد زى اللى حصل معانا يوم 29 يناير
كما ان اعمال البلطجه والسرق والنهب قلت بشكل كبيير جدا عن اليومين السابقين بسبب نزول الجيش والشعب كله كان خايف جامد من الجيش ان الجيش ممكن يكون معا مبارك ويدور الضرب فى الشعب بس الحمد لله انه فى الاول كان واقف فى الحياد جامد واعتقد انه بعدها كان فى الحياد بس كان بيمثل شوية يعنى ممكن يكون بيعمل انه فى الحياد بس هو مش فى الحياد كل ده علشان فى الاخر بس كل المجلس العسكرى يطلع من الليله بسلام
وعدت الايام واتنحى مبارك ورجعنا المدارس وصارت الحياه مره اخرى

وحتى انا ذاكرتى بدايه من يوم 30 يناير بقت مش بتسجل الاحداث بدقه زى الايام اللى قبلها لان الاحداث بقت تعتبر متاشبهه الى حد كبير وخلاص اتعودنا ومبقاش موضوع جديد زى الاول

وبصراحه اللى فضل من الايام ديه هى المواقف فقط لا غير وبصراحه كلما اتذكرها اتذكر فترة من حياتى
كانت مشاعر الضحك والبكاء
الخوف والاطمئنان

كله مختلط مع بعض مع الخوف من المستقبل وما سيكون عليه حال البلد بعد ذلك

اول موقف
هذا الموقف تعرض له المدرس بتاعى

كان الفرح بتاعه يوم جمعة الغضب يوم 28 يناير وكانو مظبطين كل حاجه ان الفرح فى قاعه وكدا
المهم الفرح كان الساعه 8 واول ما لقا ان الدنيا ولعت فى البلد وكدا ومره واحده حظر تجول وخلاص والراجل بقى لازم يتجوز هو كل حاجه هتقف فى وشه كده هههههههههه المهم قرر يروح يجيب العروسه من بيتها ولا يعمل فرح ولا بتاع وكان بداء البلطجية ينتشروا وناس بتقفل الشوارع وبتعمل لجان شعبية و كل الطرق مقفله بس هو لازم يروح يجيب العروسه النهارده

المهم لقا قرايبه جايين فيه ايه فيه ايه قالهوم الحكاية كذا كذا بيقولى كان واقف معانا حج كده قالى هتروح وهتجيب عروستك واى ابن ....... مهيعرفش يعمل معانا ايوتها حاجه ولقيته بيقولى استنى هطلع اجيب حاجه ونازل وجهز العربيه
وبيكمل كلامه وبيقول بعد شوية لاقيته نازل ومخبى حاجه تحت العباية اللى بيلبسوها فوق الجلابيه وبيقولى يلا بينا و بيقول ركبنا العربيه و معانا كام واحد معاهم سكاكين وكدا وركبنا ورايحين ونقابل لجان شعبيه وكل لجنه تقابلنا تقولنا راييحين فين واحكيلهم القصه يقولى قلبنا معاك يابو الكباتن ويفتحو اللجنه لغاية ما عدينا على ناس شكلهم مش تمام بيقولولنا رايحين فين فبدائت اقولهم حكايتى راحوا قالولى نهايتها كده هتدفع هنعديك مش هتدفع مش هنعديك فبقوله ندفع ازاى وانت شايف الحال وكده قالوا خلاصه الكلام هو كده ولقا اللى واقف فى اللجنة بينادى على الناس وجايين بفرد خرطوش وكدا بيقولنا ساعتها عارفيين انا بقى ساعتها كنت بعمل بيبسى على نفسى ههههههههههههههههههههههه
اخر ما زهقت من الكلام معاهم ولقيت ان فيه قلة ادب هتحصل لقيت الحج الى راكب معايا بيقولى هو انت هتفضل تتحايل عليهم ولقيته مطلع رشاش بورسعيدى اللى الخزنه بتاعته على جنب ده فالناس بتوع اللجنة لما شافوا كده راحوا كشوا لوره فقولتلهم خلى الليله بقى تعدى على خير وساعتها بس راحوا فاتحين الشارع لينا و بيقولى انا بقى خارج من الموقف ده وخلاص مبقتش نافع للجواز ههههههههههههههه ورحت جبت العروسه وكان يوم فله من اوله

ههههههههههههههههههههههههه

الموقف التانى

كنت بتصل على جرانا فى بيت المعادى اطمن عليهم وعلى اللى بيحصل هناك وكدا ومره واحده سمعت صوت صريخ واطلع بسرعه اطلع بسرررررررررررعه وسابوا التليفون انا قولت فيه حاجه بتحصل هناك وبعد ين اتصلت تانى طلع ان واحد هناك كان بيضرب طلقتين صوت فى الهوا هههههههههههههههههه

مع العلم هناك فى المعادى كان حوالى عشر افراد معاهم مسدسات حية مرخصه بحكم ان فى المعادى اغلب ان مكنش كلهم معيشتهم مرتفعه و اصحاب مراكز و مهن كبيرة فاكيد نسبه وجود اسلحه مرخصه تكون بنسبه كبيرة جدا وهناك فعلا محدش كان بيقدر يهوب من المنطقه لان كله عارف ان اللى هيدخل هيطخ بالنار وباسلحه مرخصه كمان

الموقف الثالث

واحد جارنا فى المعادى ساعت يوم 28 يناير لما اعلنوا حظر التجوال وسط البلد كانت والعه ساعتها جاى ماشى بسرعه عاوز يروح فى اقصى وقت ومره واحده داخل ملف وهوووووب طاااااااااخ طلع انه خبط فى عربيه واحد كان ماشى عكس بيقوله ولا انا نزلت من عربيتى لقيت الكابوت اطبق ولا قلت للراجل حتى خود هنا كل اللى عملته باقصى سرعه جبت حبل وربط الكبوت علشان ميفتحش من على الطريق ومشيت والراجل مشى من غير ما نبص لبعض حتى

ههههههههههههه والموقف ده بالذات يعبر عن مدى الخوف اللى كان فى الشعب ساعتها من اى حاجه تحصل لدرجة انه ميفكرش بقى لا ففلوس ولا مين اللى غلطان ولا كدا كله عاوز يلحق نفسه
!!!!! ؟؟؟؟؟؟


الموقف الثالث
صاحب اللى وشها اتاكل المره اللى فاتت راح مشوار بعدها بكام يوم وركن العربيه وطلع المكان اللى رايحله ونزل لقى الكبوت من فوق مضروب طلقة رصاص هههههههههههههه اه والله مضروب طلقه فعلا وليه محدش يعرف ومازال الخرم بتاع الطلقه موجود الى الان مه انه صلح الكبوت وعارض الان سيارته للبيع مع وجود خرم الطلقه واى حد يجى يقوله ايه ديه يقوله ديه علشان تاخد العين هههههههههههه


يتبع..................... .

[mhamdy75]

والله العظيم

من أقوى المواضيع

فى المنتدى



الله ينور عليك يا سيسو

وعلى كل من شارك

وأجمل حاجة عجبتنى

موضوع التوالى

فعلا الحاجة أم الأختراع

[AbOnOrA]

والله يا سيد انا اتفاجئت انك عامل الموضوع ده وانا عارف موقفك من مواضيع الثورة

لكن عموماً فكرة الموضوع جميلة طبعاً وياريت الكل يشارك فيها بس بعد اذنكم ينقل الموضوع للقسم الطبيعى بتاعة قسم الثورة علشان بنحافظ على ان المواضيع ديه كلها تبقى محصورة فى مكان واحد خاص بيها

ولا انت ايه رايك ؟؟