ياريت التوعية بالسيارات الامريكية

[مينا]

ياريت يا جماعة يكون فية وعى لدى الجميع بالسيارات الامريكية بمختف انوعها وبالاخص الفئة ركيبة السيارات الفارهة الكتير بيركب مرسيدس وbmw وفرار ى وجاجواروغيرها هذة السيارات قطع غيارها غالى وكثير فى استهلاك البنذين وضرائبها عالية جربو تركبو سيارات امريكية سيارات ذات طابع خاص جدا جدا السيارات الامريكية قليل وجودها فى مصر رغم انها صناعات تفوق الخيال

مهندس/مينا عصام

[bmkbmk]

سعادة الباشا
اولا صباح الفل عليك
انا معايا عربية أمريكانى أو المفروض انها امريكانى ,, شيفروليت كابريس 2004 (هى بتتصنع فى استراليا)
و كان معايا قبلها مرسيدس زلمكة موديل 92 (للعلم افضل من الكابريس 2004)
و ليا اصحاب كتير معاهم كل انواع العربيات امريكانى و يابانى و اوروبى


أولا العربيات الامريكانى مواتيرها برده كبيرة و بتستهلك بنزين كتير جدا انا عربيتى 5700 سى سى
و صاحبى معاه دودج تشارجر 3500 سى سى و صاحبى معاه شيفروليه لومينا 3800 سى سى
دا غير ان الامريكانى مافيهوش تطبيقات لتكنولوجيا توفير البنزين اللهم الا فى الموتور الهيمى اللى نازل من سنتين تلاتة غير كدة الاوروبى و اليابانى اقتصادى جدا فى استهلاك البنزين مقارنة بالامريكانى

ثانيا... مافكرتش ليه العربيات الامريكانى ضرايبها مش عالية زى الاوروبى مثلا المرسيدس و البى ام و الجاجوار؟؟؟

الاول هقولك سعر أعلى سيدان باعلى مواصفات فى الشيفرولية اللى هي كابريس رويال = 10000 دينار كويتى

و لو عاوز سعر الكاديلاك السى تى اس هو حوالى 18000 دينار كويتى
الدودج تشارجر r/T اللى هى 6000 سى سى = 10000 دينار كويتى
كرايسلر c300 r/t اللى هى برده 6000 سى سى = 14000 دينار كويتى


سعر المرسيدس ال s500 اللى هى موتور بسعة اقل و مش هقولك s600 عشان هى 12 سلندر مش 8 سلندر زى الكابريس و سعر البى الام و الاودى اللى فى نفس الفئة =40000 إلى 45000دينار كويتى و بلاش نتكلم عن ال AMG من المرسيدس و ال M منى البى ام و ال S من الاودى


يعنى 4 اضعاف السعر أو 3 اضعاف السعر أو حتى ضعفين السعر تفتكر ليه ؟؟؟؟؟ لأ مش عشان اسم مرسيدس و بى ام و اودى بس
عشان كميات التكنولوجيااللى فى كل حاجة من المسمار لأكثر الاجهزة تعقيدا و جودة الخامات و جودة التصنيع و عوامل الامان والاعتمادية و الاوبشنز و ووووووووو حاجات كتيييير جدا

... نهاية الكلام ... السيارات الامريكية صناعة جيدة و لكنها لا ترقى أبدا أبدا الى الصناعة الالمانية أو الانجليزية أو الايطالية و خصوصا بالنسبة للسيارات الفارهة و ذلك عن تجارب واقعية

للعلم فقط .....انا مابتكلمش عن العربيات الصغيره زى الفورد فوكس او الكرايسلر نيون مثلا لأنك فى مقارنتك ذكرت المرسيدس و البى ام و الفيرارى فا انا بقولك الحاجات القريبة منها.

و مش معنى كلامى ان الناس ماتجيبش امريكانى (الا لو عشان المقاطعة دى حاجة تانية ) بس قصدى العربيات الامريكانى موجودة فى السوق زى كل العربيات التانية و ماشية و زى الفل بس هى مش صناعات تفوق الخيال ولا حاجة


ارجو انى اكون افدتكم

[islam_galal]

أفدتنا أكيد
شكرا يا باشا

[PoweRPassioN]

المشاركة الأصلية كتبت بواسطة bmkbmk سعادة الباشا اولا صباح الفل عليك انا معايا عربية أمريكانى أو المفروض انها امريكانى ,, شيفروليت كابريس 2004 (هى بتتصنع فى استراليا) و كان معايا قبلها مرسيدس زلمكة موديل 92 (للعلم افضل من الكابريس 2004) و ليا اصحاب كتير معاهم كل انواع العربيات امريكانى و يابانى و اوروبى أولا العربيات الامريكانى مواتيرها برده كبيرة و بتستهلك بنزين كتير جدا انا عربيتى 5700 سى سى و صاحبى معاه دودج تشارجر 3500 سى سى و صاحبى معاه شيفروليه لومينا 3800 سى سى دا غير ان الامريكانى مافيهوش تطبيقات لتكنولوجيا توفير البنزين اللهم الا فى الموتور الهيمى اللى نازل من سنتين تلاتة غير كدة الاوروبى و اليابانى اقتصادى جدا فى استهلاك البنزين مقارنة بالامريكانى ثانيا... مافكرتش ليه العربيات الامريكانى ضرايبها مش عالية زى الاوروبى مثلا المرسيدس و البى ام و الجاجوار؟؟؟ الاول هقولك سعر أعلى سيدان باعلى مواصفات فى الشيفرولية اللى هي كابريس رويال = 10000 دينار كويتى و لو عاوز سعر الكاديلاك السى تى اس هو حوالى 18000 دينار كويتى الدودج تشارجر r/T اللى هى 6000 سى سى = 10000 دينار كويتى كرايسلر c300 r/t اللى هى برده 6000 سى سى = 14000 دينار كويتى سعر المرسيدس ال s500 اللى هى موتور بسعة اقل و مش هقولك s600 عشان هى 12 سلندر مش 8 سلندر زى الكابريس و سعر البى الام و الاودى اللى فى نفس الفئة =40000 إلى 45000دينار كويتى و بلاش نتكلم عن ال AMG من المرسيدس و ال M منى البى ام و ال S من الاودى يعنى 4 اضعاف السعر أو 3 اضعاف السعر أو حتى ضعفين السعر تفتكر ليه ؟؟؟؟؟ لأ مش عشان اسم مرسيدس و بى ام و اودى بس عشان كميات التكنولوجيااللى فى كل حاجة من المسمار لأكثر الاجهزة تعقيدا و جودة الخامات و جودة التصنيع و عوامل الامان والاعتمادية و الاوبشنز و ووووووووو حاجات كتيييير جدا ... نهاية الكلام ... السيارات الامريكية صناعة جيدة و لكنها لا ترقى أبدا أبدا الى الصناعة الالمانية أو الانجليزية أو الايطالية و خصوصا بالنسبة للسيارات الفارهة و ذلك عن تجارب واقعية للعلم فقط .....انا مابتكلمش عن العربيات الصغيره زى الفورد فوكس او الكرايسلر نيون مثلا لأنك فى مقارنتك ذكرت المرسيدس و البى ام و الفيرارى فا انا بقولك الحاجات القريبة منها. و مش معنى كلامى ان الناس ماتجيبش امريكانى (الا لو عشان المقاطعة دى حاجة تانية ) بس قصدى العربيات الامريكانى موجودة فى السوق زى كل العربيات التانية و ماشية و زى الفل بس هى مش صناعات تفوق الخيال ولا حاجة ارجو انى اكون افدتكم

شكرا على الرد الوافي

[AbOnOrA]

معلومات قيمة تسلم يا bmk