جنرال موتورز 2008

[AbOnOrA]

ده صحيح علشان كده خيار الانفصال مش وارد وهما فعلا باعو بعض الشركات الفرعية على امل تحقيق السيولة لكن يظهر ان الغرقة كبيرة جدا جدا

فى نفس الوقت احتمالات الاندماج مع مجموعة اخرى بقت اصعب فى الظروف العالمية دلوقتى واعتقد انهم بيصارعوا على التشبث بالقشاية المتمثلة فى دعم الادارة الجديدة (ادارة اوباما) للشركة

[mtema99]

المشكله انهم احتمال كبير ميقدروش يحصلوا اوباما اصلا

[sam ram]

المشاركة الأصلية كتبت بواسطة mtema99 المشكله انهم احتمال كبير ميقدروش يحصلوا اوباما اصلا

للدرجه دي .... !!!!!!!!!!
بس معنى كدا ان في عربيات حينزل سعرها الارض ... وعربيات تانيه حتغلى (العربيات المنافسه للمجموعه)

[Ahmed Anwer]

ثواني كده يا ماتيما

يعني ايه ؟؟

يعني جي ام هتختفي من الوجود مرة واحدة كده ؟؟

ان كنت متوقع علي أسوأ سيناريو ان يحصل زي نهاية التسعينات ايام الازمة الاسيوية

لما رينو شالت نيسان ، و جي ام شالت دايوو و هيونداي شالت كيا

و الدنيا مشيت و خلاص

علي كلامك كده مش هيلاقوا حد يشيل اساسا لان كله بيعاني

عموما اجابتك علي الاخ اللي بيسال علي موقف جي ام الكورية

فتحت احتمال اخر

ممكن الحكومة الالمانية تساند اوبل ( اوبل دي بلد كاملة في المانيا ) و الحكومة الكورية تساند دايوو - ،،،،، الخ

و الحكومة الامريكية تساند الفروع الامريكية

اصل مش معقول الدول دي كلها تسيب الشركات تدي تقع

زي الخبر ده اوبل تطلب اعانة عاجلة من الحكومة الالمانية

http://www.euronews.net/ar/article/1...across-europe/

و لو حصل و انهارت جي ام ،، هيصعب عليا الوزير منصور !!!!

ده الناس هاريه نق ،، ماسك سوق النص نقل و اوبل و حصة كبيرة من السيارات الكورية الشعبية و لسه يعني ملحقشي يتهني بحبيبة الشعب لانوس

[khalid]

مصر ياما يا بهيه يا ام طرحه وجلابيه
الزمن شاب وانتي شابه
هوا رايح وانتي جايه
جايه فوق الصعب ماشيه
فات عليكي ليل وميه
واحتمالك هوا هوا وابتسامتك هيا هيا
تضحكي للصبح يصبح بعد ليله ومغربيه
تطلع الشمس تلاقيكي
معجبانيه وصبيه يا بهيه