فردة الكاوتش الامامية شمال اتهربدت !!!!!الحمدلله

[Eng/salwa]

السلام عليكم ورحمة الله وبركاته

لثانى مرة خلال 3 شهور الفردة الشمال الامامية راحت بالسلامة

الحمد لله
وانا فى طريقى للجامعة وهى لا تبعد كثيرا عن منزلى
لاحظت فجاة وبعد دقائق من ركوبى السيارة
السيارة اهتزت بشدة
قمت نزلت ابص لقيت فردة الكاوتش الشمال اللى لسة كنت مغيراها
فى شهر 8 اللى فات نايمة شوية
قلت امشى بشويش لمحل الكاوتش امام الموول
بالظبط 10 متر ووقفت
العامل بالمحل قالى خلاص كدة ما تنفعش
طبعا كنت هقف ازاى فى الشارع و اغير الاستبن
وانا اساسا ما أعرفش اغيرها
وكنت لوحدى لا احد من اولادى أو زوجى
الحمد لله قدر الله وما شاء فعل
والحمد لله انها جت على قد فردة الكاوتش لثانى مرة
المرة الاولى كنت بركن بجانب الرصيف قوى وحكيت فى الرصيف
فقطعت الفردة الاولى
الحمد لله
بالمناسبة هى الفردة مقاس 14 للجيتز بكام ؟؟؟؟؟؟؟؟؟
وايه أفضل نوع؟؟؟؟؟؟؟؟؟؟


ربنا يكفيكم شر الطريق
اهم حاجة ما تحصلش حوادث
وكله بيتعوض

[mhamdy75]

الحمد لله

قدّر الله وما شاء فعل

الفردة حوالى 420 جنيه

[Eng/salwa]

المشاركة الأصلية كتبت بواسطة mhamdy75 الحمد لله قدّر الله وما شاء فعل الفردة حوالى 420 جنيه

جزاكم الله خيرا


هل يفضل نوع معين

[crime]

البريدج استون
افضلهم
تقبلى تحياتى

[ramyhekal]

قدر الله وما شاء فعل نصيحه للجميع وانا اعمل بها فى منفاخ بيشتغل على الولاعه يبدا من 50 جنيها انا جايبه من 8 سنين وبستخدمه على طول بيريحنى بدل ما ارفع العربيه واركب الاستبن بزود وامشى وبعدين ابقى اصلحها ياريت يكون فى كل عربيه مهم جدا