|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
06-02-2011, 09:40 PM
|
||||
|
||||
دور الميزان فى نظام تعليق السياره
عمود الميزان جزء أساسى فى نظام التعليق بالسياره
وبالبلدى كده لو نلاحظ كلمة ( عمود الميزان ) فلو شبهنا الكلمات بالميزان العادى أبو كفتين نقدر نشبه عمود الميزان بالسياره بعمود الميزان فى الميزان أبو كفتين والكفتان هما عجلتى السياره أذا نطلع من هذا بأن دور عمود الميزان بالسياره هو الحفاظ على كفتى السياره ( العجلتين ) فى وضع أتزان متعادل ومتقارب إلى حد ما _________________________ _________________ والسؤال الآن أمتى بنحتاج أن السياره تبقى موزونه ومفيش كفه ( فرده ) طبه عن التانيه .....؟ ده بنحتاجه بشده أثناء الملفات ولذا عاوزك تفكر فى الآتى إيه اللى بيحصل لما تبقى السياره بتاخد ملف حاد بعض الشىء .......؟ فلو تلاحظ وكنت قوى الملاحظه فأن جسمك نفسك أثناء السير بالسياره فى ملف حاد فأن جسمك بيتم سحبه بقوه لخارج مركز ملف الدوران تلك هى قوة الطرد المركزى فى لغة الهندسه الميكانيكيه نفس اللى بيحصل معاك وبتحسه وقت الدوران بالسياره فى الملفات بيحصل برضه لكل أجزاء السياره ولذا فأن الجزء من السياره خارج مركز الملف بيتم دفعه بقوة الطرد المركزى خارج أتجاه مركز الدوران الوهمى للدوران بمعنى لو كنت داخل ملف شمال حاد فأن الفردتين اليمين بيدفعوا بقوه للخارج ومن هنا بيتم أحداث ضغط أو دقع للفردتين اليمين لأسفل ( كأنك بتضغط على جانب السياره الأيمن ) وفى نفس اللحظه بتحاول الفردتين الشمال من النط لأعلى وبمعنى آخر فأن جسم السياره بيحاول من التدحرج ( بسبب أختلاف القوه المسلطه على الجانب الأيمن عن الجانب الأيسر ) بدرجات زاويه من 10 إلى 30 درجه خارج مركز الدوران طيب نعمل أيه علشان نتخلص من قوة التدحرج دى لأحداث أتزان لوزن السياره على الطريق وهى فى حالة دوران فى الملفات هو ده دور ( عمود الميزان )  فوجود عمود ميزان فى جهاز التعليق بيحاول من جعل جسم السياره أكثر أتزانا أثناء القياده فى الدورانات يعنى كل العجلا يبقى موزون صح على سطح الطريق وعمود الميزان كما هو واضح من الصوره عباره عن سيخ معدنى بقطر معين وبطول معين وواصل بين تعليق الفرده اليمين والفرده الشمال لهذا الغرض وممسوك فى الشاسيه بعدد / 2 كرسى تحميل وكاوتش تحميل عند كل كرسى تحميل لهذا الغرض الموضح بالموضوع
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#2
07-02-2011, 07:41 AM
|
|||
|
|||
|
رد: دور الميزان فى نظام تعليق السياره
الموضوع مفيد والله و معلاماته جديدة و انا بحب النوعية دى من المواضيع جدا شكرا يا استاذنا
__________________
 الحلم
|
|
#3
07-02-2011, 09:40 AM
|
||||
|
||||
|
رد: دور الميزان فى نظام تعليق السياره
الله يخليك
وأشكرك على ثنائك الكريم على الموضوع
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#4
07-02-2011, 04:15 PM
|
||||
|
||||
|
رد: دور الميزان فى نظام تعليق السياره
مشكور يا باشاء ماقصرت
يعطيك العافية
__________________
افضل مايمكن شراوة من تويوتا لاند كروزر 
|
|
|
|
