اخيراً تقريرى للسيارة جيلى CK-2 عن تجربة

[Mody Elmasry]

انا بفكر اجيب العربية دة بس بصراحة خايف من اختبار التصادم بتعها ف اة النظام لو لا قدر الله عملت بيها حادثة

[amada]

خدوا بالكوا حضراتكم ان ده اختبار امان ck 1 1300 cc وكان من اكتر من ست سنين . والسياره الموجوده الان فى السوق المصرى طرا عليها تعديلات مهمه فى خصوص مساله الامان . ولكن لا اعرف ما هو مستوى الامان فيها الان . وده نفس موضوع بريليانس فالسيارات المنتجه حديثا تختلف تماما عن التى اجرى عليها اختبار التصادم الفاضح من حوالى خمس سنوات . الهم ياريت لو حد عنده نتيجه اختبار تصادم جديد يعرضه لينا وله جزيل الشكر .

[amada]

المشاركة الأصلية كتبت بواسطة TheEmmH شكرا يا جماعة وعادى انقلوا التقرير براحتكم وبأمانة والله عربية 100 100 يعنى مش اى كلام وقطع الغيار رخيصة ومتوفرة فى التوكيل وبرا التوكيل فى التوفيقية

ايه الاخبار دلوقتى ؟ طمنا.

[TheEmmH]

جماعة انا دلوقتى لقيت واحد سارق الصور دى وبينصب على الناس بيها وبيبيعها على انها عربية 2006 !!
معرفش ايه الجنان ده
المهم اعمل ايه بقى ؟؟؟ انا بلغت ادارة الموقع اياه وكتبتله كومنتات علشان الناس تفهم انه نصاب
الطريف فى الموضوع انه حاطط صور العربية والصالون فيه الاكياس وبيقولك 2006 :D

[TheEmmH]

بالنسبة لكل اللى سأل عن العربية لحد دلوقتى بسم الله ما شاء الله ماشية كووويس اوووى معايا
ومتنسوووش ان اصلاً امكانياتها على اد سعرها كعربية زيرو يعنى ! ويمكن امكانيات كويسة كمان
كل اللى مضايقنى فيها ان الكلاكس فى الجنب وانا اتعودت على الفيرنا فى النص هههههههه جايز حاجة مش اوووى بس ده اللى مضايقنى فيها بصراحة وحوار انها كل فترة لازم العفشة تتربط علشان الارض عندنا مش كويسة شوووية والمطبات وكده
غير كده العربية عشرة على عشرة وماشية كوووويس اوووى
والتوكيل هناك كويسين وكل حاجة حلوة هناك
روحت عملت الصيانة الاولانية والعربية رجعت كأنها زيرو ودفعت 350 جنيه على تغيير الزيت والفلاتر وكده قالوا لى اول صيانة مش بدفع فيها المصنعية بتاعت العمال .. عموماً انا ممكن اسافر بيها صد رد اسكندرية للقاهرة
وداخل اسكندرية كمان بلفها بيها كلها
الحمدلله كويسة جدا