شفتم المقلب الكبير !! السيراتو طلعت بس 2 راكب !!!!!

[Dr.Yasserrr]

[SIZE="5"]السيراتو 2010 اللى اشترتها بدم قلبى و دفعت كل اللى حيلتى فيها و الباقى اقساط لسة قدامها كتير , اتضح بس إنها لا تسمح الا ب 2 راكب - السواق و اللى جنبه و ممكن جدعنة منها العيال الصغيرة ورا - لأن يا جماعة ببساطة كده كل ما حد يركب معايا فى الكرسى الورانى و خاصة لو 2 - أو الكارثة لو 3- يبقى ماعرفشى أعدى اى مطب فيكى يا مصر - أى مطب - إلا ماسمع صوت التخبيط و الحك فى العربية من تحت و شوية شوية مش ها تيجى غبر لما تجيبها نصين و ربنا يستر على و على اللى بيركبوها - قصدى السيراتو - المقلب الكبير ....
و بما انى ليس لدى اى حيلة دلوقتى عايز حضراتكم من اهل الخير منكم يدلنى اعمل ايه فى المشكلة دى ؟ اركب انا بس مع واحد جبنى وممنوع حد تانى ,او ابقى اخدها و صلات اودى ده و اجيب ده ...!!!؟؟؟
دلونى ربنا يخليكم يمكن انا مش عارف لها
ها فكركم و الله تقريبا 50% من المطبات خاصة اللى فى الارياف و الاقاليم لازم تظبطنى انا و العربية لو حد راكب معايا فى الكرسى الخلفى ...[/SIZE]

[phantiza]

اول مرة اسمع بالمشكلة بتاعة حضرتك دي
بس لو فعلا كة حضرتك طبعا بتاخد المطب بعرض العربية مش بالطول وممكن تكشف علي المساعدين الخلفيين

[lol64]

انت بتظلم العربيه والله مطبات مصر وخصوصا الارياف والاقاليم هى اللى ظالمه
انت عاوز رايى خد المطب على عجله ونص وبالراحه على الاخر وربنا يستر طريقك
بالتوفيق

[Dr.Yasserrr]

المشاركة الأصلية كتبت بواسطة phantiza اول مرة اسمع بالمشكلة بتاعة حضرتك دي بس لو فعلا كة حضرتك طبعا بتاخد المطب بعرض العربية مش بالطول وممكن تكشف علي المساعدين الخلفيين

هاخد بعرض العربية ليه يعنى ؟ الطبيعى انه بطولها و لو فيه مشكلة يبقى بعرضها .....
اما المساعدين هابقى اسأل عليها كده اثناء الصيانة بتاعة ال10 الاف و اهى قربت ..

الله يكون في عونك يا دكتور ياسر انتا هتقولي علي مطبات الارياف انا لما بروح البلد عندي لازم انزل كل اللي معايا في العربية عند كل مطب لما كرهت نفسي

هو في حل انك هتركب علايات للعربية هترفع العربية معاك بس المشكله انها هتقلل ثبات العربية جامد وهتاثر علي العفشه بتاعت العربية

الارياف مينفعش فيها غير الشاهين وال 504 وال 131 غير كدا متفكرش تدخل اي ارياف بعربية جديدة ابدا