أرجو المساعدة عشان حاسس إن دماغي هتفرقع

[zikos]

بسم الله الرحمن الرحيم
أولاً أنا شاب في جامعة.. وفي اليومين إلي جايين دول ناوي اشتري عربية مستعملة تكون فحدود 80 لحد 90 95 في الحدود دي
ثانياً مواصفات السيارة والأساس أنها تكون هاتشباك وفيها فرامل abs و تكون 1600 cc في الحدود دي أو أقل حاجة بسيطة.. علشان أنا كان معايا عربية 2000 cc فمش عايز أحس بفارق جامد في سحب العربية
ثالثاً ياريت تكون العربية قطع غيرها مش غالية و متوفرة علشان الحج ميقرفنيش D:

أنا بردو شفت عربيات كتير فيها نفس المواصفات إلي قلت عليها منهم البونتو ايفو.. هي عربية عالمية بس عيبها موتورها 1400 cc و-77 حصان فمقارنة بالسبيرانزا ال-2000 cc إلي كنت معاية هتبقى بطة.
شفت بردو الهيونداي i30 بس بيقولو فراملها وحشة ومفهش عوامل أمان خالص. الاوبل استرا شفتها بس دي إستحالة اركبها عشان اعدتها زبالة وأعطالها كتير. النيسان تيد جميلة بس تحس انك راكب عربية موديل 1990, أنا قصدي من جوة كا تابلوه ومفهش أي أوبشنز.. جولف 5 فيها مشاكل في الفتيس ومش حلاقي عربية منها ماشية كيلومترات صغيرة. بيجو 307 شكلها عالمي بس خايف من مشاكل الفرنساوي وقطع غياره

أنا عارف اني طولت عليكم بس أنا حاسس إن دماغي هتفرقع من كتر التفكير.. ياريت أي حد يقولي رأيه ويحط نفسه مكاني ويقولي على عربية بلموصفات إلي أنا كاتبها
وشكراً

[YahiaAshraf]

بسم الله الرحمن الرحيم
عندك بالسعر المحدد الاتى :-

اولا لو زيرو ( لان السعر يجيب زيرو )

************************* ******
اسبيرانزا m11 سيدان 1600 سى سى مانوال ب 75 الف
اسبيرانزا n12 هاتشباك 1600 سى سى مانوال ب 76 الف

اسبيرانزا تيجو فول اوبشنز مانوال 1600 سى سى ب 95 الف

عندك برليانس frv و fsv مانوال او اوتوماتيك و ال frv هاتشباك و التانيه سيدان
اعلى فئات فيهم مش بتزيد عن 90 الف

عندك الرينو سانديرو او ستيب واى مانوال او اوتوماتيك 1600 سى سى
وطبعا عندك اللوجان و البروتون ساجا
عندك جيلى ايمجراند فول اوبشنز مانوال 1600 سى سى ب 86 الف



*********************


بالنسبة للاستعمال عندك هيونداى جيتز
ماتريكس
عندك فولكس بولو 2011 الشكل الجديد
(اللى هو نفس الشكل الحالى )

فولكس بورا موديل 2005 مانوال او اوتوماتيك 1600 سى سى
وعندك الجولف برده
عندك سيات ابيزا 2010 الشكل الجديد مانوال او اوتوماتيك



اى استفسار انا تحت امرك

تحياتى

[zikos]

المشاركة الأصلية كتبت بواسطة yahiaashraf بسم الله الرحمن الرحيم عندك بالسعر المحدد الاتى :- اولا لو زيرو ( لان السعر يجيب زيرو ) ************************* ****** اسبيرانزا m11 سيدان 1600 سى سى مانوال ب 75 الف اسبيرانزا n12 هاتشباك 1600 سى سى مانوال ب 76 الف اسبيرانزا تيجو فول اوبشنز مانوال 1600 سى سى ب 95 الف عندك برليانس frv و fsv مانوال او اوتوماتيك و ال frv هاتشباك و التانيه سيدان اعلى فئات فيهم مش بتزيد عن 90 الف عندك الرينو سانديرو او ستيب واى مانوال او اوتوماتيك 1600 سى سى وطبعا عندك اللوجان و البروتون ساجا عندك جيلى ايمجراند فول اوبشنز مانوال 1600 سى سى ب 86 الف ********************* بالنسبة للاستعمال عندك هيونداى جيتز ماتريكس عندك فولكس بولو 2011 الشكل الجديد (اللى هو نفس الشكل الحالى ) فولكس بورا موديل 2005 مانوال او اوتوماتيك 1600 سى سى وعندك الجولف برده عندك سيات ابيزا 2010 الشكل الجديد مانوال او اوتوماتيك اى استفسار انا تحت امرك تحياتى

أولاً شكراً جداً لردك يا أستاذ يحيى..
بالنسبة للعربيات الصيني مش عايز أسمع اسمها تاني D؛ ( أنا بهزر طبعاً ) علشان الإسبرانزا جننتني.. وبردو نبعد عن المتركس والجيتز وكل العربيات الزيرو .. عندي سؤال.. هو توكيل السيات في مصر تبع مين وسمعته أيه أخبارها.. وهل السيت ابيزا الشكل الجديد حلوة ولا فيها مشاكل..
و البولو الجديدة ليه مش منتشرة خالص.. وبكده قطع غيرها تبقى قليلة جداً

[YahiaAshraf]

المشاركة الأصلية كتبت بواسطة zikos أولاً شكراً جداً لردك يا أستاذ يحيى.. بالنسبة للعربيات الصيني مش عايز أسمع اسمها تاني D؛ ( أنا بهزر طبعاً ) علشان الإسبرانزا جننتني.. وبردو نبعد عن المتركس والجيتز وكل العربيات الزيرو .. عندي سؤال.. هو توكيل السيات في مصر تبع مين وسمعته أيه أخبارها.. وهل السيت ابيزا الشكل الجديد حلوة ولا فيها مشاكل.. و البولو الجديدة ليه مش منتشرة خالص.. وبكده قطع غيرها تبقى قليلة جداً [/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE]

وكيل سيارات سيات هو ناشيونال موتورز
وده استطلاع راى عن الوكيل

http://www.masrmotors.com/vb/poll.php?do=showresults&p ollid=44

هو فعلا الابيزا و البولو انتشارهم ضعيف

بس هى عربيات ركوبه و متعه

الابيزا البولو محدش اشتكى منهم لغاية دلوقتى
ده شكل الابيزا





ودى البولو




تحياتى

[linatrix]

من الاخر انت عايز جين 2
بس خلاص