مشكله فى الفتيس الاتوماتيك

[tamer.koko]

المشاركة الأصلية كتبت بواسطة Ebrahim Botros اشكركم جميعا على الردود وعلى الاهتمام ،، جازاكم الله عنى خير الجزاء انا تركت السيارة لدى ورشة الصيانه لتغيير الزيت ولم اعرف لون الزيت اللى نازل ولا نوع الزيت الجديد (( لثقتى فى ورشة الصيانه )) ولى استفسار يا أستاذ Mhamdy 75 سيادتك بتقول أغير الزيت بزيت باور ؟؟ أحمر موبيل من الغالى وامشى بيه اسبوع وارجع اغيره تانى لما اغيره تانى احط زيت باور برضو ولا زيت فتيس ؟؟؟ وهل فيه نوع معين من زيت الفتيس تنصحنى بيه ؟ ولكم الشكر والعرفان

من افضل زيوت الباور او الاوتوماتيك للكوري والياباني
موبيل ATF 320

[tamer.koko]

المشاركة الأصلية كتبت بواسطة Ebrahim Botros ا الف شكر للإهتمام والرد عربيتك عامله كام الف كم العربية عاملة حوالى 200.000 كيلو العربية انا شاريها مستعمله ولما اخدتها غيرت زيت الفتيس والمشكله دى ظهرت بعد تغيير زيت الفتيس فعلاً وللعلم المشكله دي لو ظهرت بعد تغيير زيت الفتيس مش هتظهرلك علي الجهاز وليس لها علاقه بالموتور هستني ردك مع الشكر مسبقاً

كده المشكله في الفتيس وريح دماغك ومتلفش وتتعب نفسك ومهما حططتها علي الجهاز هيظهر NO FOLT
كده ياباشا لازم الفتيس يتحل ويروح لحد بتاع فتيس اوتوماتيك علشان شويه ايام وهتلاقيه بينتش في كل غيار وهتحس بيه والحل الامثل انك تشتري فتيس اوتوماتيك وقبل ماتركبه تفك الوش وتغيرله زيت وفلتر وتجرب تمام يبقي زي الفل مشتغلش يبقي تغيره من اللي هتشتريه منه وفتيس الماتريكي ب 2500 جنيه
ولو الدنيا مخبطه هيتصلح عادي بس انا بقولك الافضل ولو حبيت تصلح اقولك علي واحد كويس جدا متخصص فتيس اوتوماتيك كوري وياباني

[Ebrahim Botros]

المشاركة الأصلية كتبت بواسطة tamer.koko كده المشكله في الفتيس وريح دماغك ومتلفش وتتعب نفسك ومهما حططتها علي الجهاز هيظهر NO FOLT كده ياباشا لازم الفتيس يتحل ويروح لحد بتاع فتيس اوتوماتيك علشان شويه ايام وهتلاقيه بينتش في كل غيار وهتحس بيه والحل الامثل انك تشتري فتيس اوتوماتيك وقبل ماتركبه تفك الوش وتغيرله زيت وفلتر وتجرب تمام يبقي زي الفل مشتغلش يبقي تغيره من اللي هتشتريه منه وفتيس الماتريكي ب 2500 جنيه ولو الدنيا مخبطه هيتصلح عادي بس انا بقولك الافضل ولو حبيت تصلح اقولك علي واحد كويس جدا متخصص فتيس اوتوماتيك كوري وياباني

كده يبقى باين عليا انى هحتاج منك اسم وعنوان اللى يصلح الفتيس الاتوماتيك علشان التغيير دلوقتى يتكلف 2500 ثمن الفتيس ده غير التركيب وخلافه وغيار الزيت والفلتر يبقى دخلنا فى رقم انا مش مستعد ليه اليومين دول - يبقى لو تتكرم عليا وتقولى مين يصلحه ومكانه فين اكون ليك من الشاكرين
وبالمناسبة يعنى ايه NO FOLT دى اللى انتى بتقولها ؟؟؟؟؟؟؟

[حسام البورسعيدى]

غالبا المشكله فى حساسات الفتيس .. هتلاقى فى حساسين راكبين على الفتيس وواصلين بفيشه واحده غالبا المشكله منهم .. فك الفيشه بتاعتهم ونضفها باسبراى wd - 40 وجرب .. لز مكانش يبقى ممكن تحتاج تغيرهم ..

هم غالبا المشكله منهم .....

[equation]

المشاركة الأصلية كتبت بواسطة حسام البورسعيدى غالبا المشكله فى حساسات الفتيس .. هتلاقى فى حساسين راكبين على الفتيس وواصلين بفيشه واحده غالبا المشكله منهم .. فك الفيشه بتاعتهم ونضفها باسبراى wd - 40 وجرب .. لز مكانش يبقى ممكن تحتاج تغيرهم .. هم غالبا المشكله منهم .....

أنا أؤيد الاستاذ حسام .............. و لو حضرتك قريب من شبرا في ميكانيكي كويس حل لي المشكلة دي قبل كدا و برده في واحد في المعادي بس انا افضل بتاع شبرا .... و في واحد مشهور في شارع احمد سعيد اسمه مجدي فتيس ........... و ان شاء الله يكون موضوع بسيط