تابع موضوع سيارة خالد الله يرحمه

[طارق ابوذيد]

المشاركة الأصلية كتبت بواسطة corsair تصدق بالله انتا ابن حلال يا باسم انا في فكرة في دماغي انما ايه من الاخر احنا ممكن نصلح العربية ونسلمها للبنك وبكدا يبقي ال 40000 اللي دفعهم خالد العربية قعدت بيها معاه ال 3 سنين دول والموضوع كله مش هيتكلف 12000 جنيه سمكرة ودوكو وشغل ميكانيكا بس هل البنك هيقبل انه يستلم العربية ولا ايه بس اللي اعرفه ان اي حد بيتقاعص عن سداد اقساط العربية من حق البنك استرددها ولا انتوا رئيكم ايه

اذا اخذ البنك السياره سيتم عمل مذاد عليها والسعر الذى يضعه المشترى هو الذى سيخصمه البنك وسيكون بسعر بخس لا انصح بهذه الفكره انت امامك حلين الاول بيعها كما هى مع وعد للبائع بتخليص السياره من البنك بعد الشراء والثانى هو بيع السياره بعد تصليحها والاوفر سنختاره ان شاء الله

[عبدالله منصور]

آخر التطورات ياباشا

واحد سمكرى كبير اوى فى المحلة هنا قالى الرقم دا كفر ومبالغ فيه اوى

وقالى ان العربية لو هتجيب 4 ابواب ونص ورا ونص ادام فاضيين بدون ماتور يعنى مش هتوصل 15 الف جنيه

واستنى منى ادق التفاصيل بردو انا والله بحاول فى الموضوع ومش ساكت ودعواتك بس..

[hatem_eg]

ربنا يباركلك على الوضوع يا ريس ويجعله في ميزانك وميزان كل من ساعد فيه ولو بفكره،،

انا مع الرأي اللي بيقول تصليح العربيه ،، والسمكريه اللي بيقولك تغيير نصين ده ربنا يسامحهم ،، ده استغلال للظروف مافيش بعد كده بصراحه
العربيه مافيهاش المعضله العويصه يعني اللي يتغير عشانه نصين ،، افترى والله العظيم

اتوكل على الله هم السمكرية بتوع الاقاليم اللي حيجيبو فيها الشغل الصح وفي نفس الوقت مايكلفش زي مصر ،،، للاسف هنا لا في صنايعيه عدله وفي الاخر كمان اسعار عاليه مبالغ فيها

ربنا يرحمه ان شاء الله ،،، وربنا يقدم اللي فيه الخير لأهله في الموضوع ده

تحياتي لكم ،،

المشاركة الأصلية كتبت بواسطة طارق ابوذيد اذا اخذ البنك السياره سيتم عمل مذاد عليها والسعر الذى يضعه المشترى هو الذى سيخصمه البنك وسيكون بسعر بخس لا انصح بهذه الفكره انت امامك حلين الاول بيعها كما هى مع وعد للبائع بتخليص السياره من البنك بعد الشراء والثانى هو بيع السياره بعد تصليحها والاوفر سنختاره ان شاء الله

اشكرك يا شيخ طارق بس انا قصدي حاجه تانية

ان البنك ملهوش عند المتوفي اي شئ لان صاحبها توفي والبنك مش هيبقي قدامه غير سحب العربية وهو يتصرف مع نفسه

يبعها في مزاد ميبعهاش ديه حاجه تخصه

لكن انا قصدي ان العربية تتصلح وتتسلملهم ومحامي يعمل مصالحة مع البنك والموضوع ينتهي

المشاركة الأصلية كتبت بواسطة عبدالله منصور آخر التطورات ياباشا واحد سمكرى كبير اوى فى المحلة هنا قالى الرقم دا كفر ومبالغ فيه اوى وقالى ان العربية لو هتجيب 4 ابواب ونص ورا ونص ادام فاضيين بدون ماتور يعنى مش هتوصل 15 الف جنيه واستنى منى ادق التفاصيل بردو انا والله بحاول فى الموضوع ومش ساكت ودعواتك بس..

والله يا استاذ عبدالله انا مش عارف اقولك ايه بس موضوع نقل العربية لمحافظة تانية ده صعب اوي لان علي الاقل لازم السمكري ده يجي يشوفها ويقدر اللي هيتم فيها وبعدين نتفق علي سفرها

وربنا يعينك ويديك الصحة ويجعله في ميزان حسناتك يا استاذ عبدالله

المشاركة الأصلية كتبت بواسطة hatem_eg ربنا يباركلك على الوضوع يا ريس ويجعله في ميزانك وميزان كل من ساعد فيه ولو بفكره،، انا مع الرأي اللي بيقول تصليح العربيه ،، والسمكريه اللي بيقولك تغيير نصين ده ربنا يسامحهم ،، ده استغلال للظروف مافيش بعد كده بصراحه العربيه مافيهاش المعضله العويصه يعني اللي يتغير عشانه نصين ،، افترى والله العظيم اتوكل على الله هم السمكرية بتوع الاقاليم اللي حيجيبو فيها الشغل الصح وفي نفس الوقت مايكلفش زي مصر ،،، للاسف هنا لا في صنايعيه عدله وفي الاخر كمان اسعار عاليه مبالغ فيها ربنا يرحمه ان شاء الله ،،، وربنا يقدم اللي فيه الخير لأهله في الموضوع ده تحياتي لكم ،،

الله يباركلك يا استاذ حاتم ويجعله في ميزان حسناتك بس لازم حد معين من السمكرية دول يكون اهل ثقه ويجي يشوف العربية الاول ويحصر اللي هيتعمل فيها علشان العربية متروحش تسافر وفي الاخر العربية يطلعلنا في القطط الفاطسه

[عبدالله منصور]

انا مقولتش ننقلها ولاحاجة انا بكلم الناس اللى عندىبحيث يقدروا هما اللى المفروض يحصل لاكن مفيش داعى العربية تتنقل اطلاقاً وان شاء الله نلاقى ناس كويسين بردو يعملوها

هى العربية فين بالظبط ؟