موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[king82]

اهلا بيكم يا جماعه
انا عضو جديد لانج معاكم هنا ولسا مستجد فى موضوع العربيات دا
انا اشتريت عربيه فيات 128 موديل 1982 العربيه لما اشتريتها كانت زي الفل كانت بس عاوزه تغير كوبلن شمال وغيرته الحمد لله بس جربتها فى السفر بتسافر كويس بس عملت معايا مشكله واحده انها لما مؤشر الحرحره وصل للنص حسيت انها مبقاش فيها اى عزم بدوس بنزين بس مش قادره تمشي .. دا اول حاجه . تانى حاجه روحت غسلت الماكنه بالجاز بعد ما غسلتها حسيت انها اتغيرت .. ما بقتش بتدور على طول من اول مره واخر مره جيت ادورها دارت بالزق ولاحظت ان اوقات لما باجى ادورها سعات الفلتر بتاع البنزين بيكون فاضي ... افيدونى افادكم الله .. وشكرا ليكم

[elsaiedaly]

السلام عليكم شباب ....... ممكن تعرفوني طريقة تغيير زيت الفتيس بتكون ازاي وفين المكان اللي بنغير منه الزيت لاني معرفش غير مكان تغيير زيت المتور .......مشكورين شباب

[ali mosa]

انا معايا ريتمو 83 1300cc فى صوت غريب فى الموتور كركبه الميكانيكى قال فى حاحه متركبه غلط ولازم نفك الموتور افيدونا ممكن يكون ايه السبب ووير فرامل اليد سعره كام انا من اسوان ومش لاقى قطع غيار زى واير الدبرياج

[hossamshibl]

السلام عليكم
لو سمحتم انا كان عندى عداد السرعه شغال كويس وميه ميه ... وفجأه كده ومن غير مقدمات ... بقى مش بيزود عن 40 مهما مشيت وساعات ميطلعش عن 20 ... مش عارف ايه السبب ... ارجو المساعده ... ولكم جزيل الشكر ...

[hishamelshazly]

لو سمحتوا أنا معايا 128 موديل 1999 وهى 1300سي سي أنا كنت بسأل عن المرايات بتاعتها مش بتاعة الشاهين أنا ممكن ألاقيها فين و بكام علما بإنه أنا من محافظة قنا و الحاجات دى مش متوفرة المتوفر عندنا مرايات الشاهين فقط فأنا مش عاوز أغير حاجة فى العربية غير الأصلى كمان الإكصدامات ألاقيها فين و بكام