صوت المحرك عالي

[samirayad]

وهل حدث تحديث لهذه المواد في الفترات الأخيرة لتصبح أكثر تقدماً من الناحية الفنية .. ومن ناحية الأداء .

ده كلام مفيهوش شك منطقيا على الأقل

[ahmed1981]

المشاركة الأصلية كتبت بواسطة ziabassem لا والله بيبقى فيه فرق ملحوظ (وإن مكنش كبير بس ملحوظ) .. وده عن تجربة شخصية معايا ( عربية 128) عند التغيير من زيت موبيل XHP إلى زيت شيل .. صوت الموتور انخفض بنسبة ملحوظة إلى حد ما.

كده بنتكلم عن زيوت معدنية
لذلك لابد نقارن بين نوعين متماثلين من الزيوت بنفس الرقم التوصيفي
يعني زيت 50 من موبيل مع زيت 50 من شيل
لو حضرتك غيرت بينهم وحسيت إحساس حقيقي وليس نفسي بفرق في صوت المحرك
إذن فأحدهما كان زيت مغشوش

المشاركة الأصلية كتبت بواسطة ziabassem معتقدتش أن حيبقى فيه فرق في الخامات .. يعني لو الياباني على سبيل المثال حديد زهر مش حيبقى اللي معمول في الصين مثلاً من الأنتمونيا أو ما شابه .

خامات المحرك ليست بهذه البساطة
حديد زهر وأنتيمونيا
المحرك يصنع من سبائك معدنية بها معادن بنسب سرية تحتفظ بها كل شركة لتظل محافظة على تميزها
حتى لو باع خط إنتاج قديم لشركة
فخطوط الإنتاج لا علاقة لها بالخامات

المشاركة الأصلية كتبت بواسطة ziabassem نفس خط الإنتاج (مكن الخراطة والروبوتات ومكن تجميع الموتور) اللي في اليابان بيبقى هو بالظبط في الصين لأنه بيتنقل من اليابان إلى الصين لتصنيع الموتور (المصنع بيشتري خط الإنتاج بكامل معداته) ومبيبقاش في تدخل للعنصر البشري سوي في ربط مسامير مثلاً أو تجميع وش السلندر مع البلوك .

لو هو بالمللي
برضه التشطيب في النهاية بيختلف
فهذه آلات لا تعمل من تلقاء نفسها
والآلة لا تقيس وبالتالي النهاية تختلف

من ضمن أعمال التشطيب ضبط ما يسمى بالإتزان لكل الأجزاء الدوارة
وهذا ما يجعل محرك الرولز رويس يختلف عن زمبلك ال 128 مقارنة بال RR طبعاً

المشاركة الأصلية كتبت بواسطة ziabassem عاوز أوضح حاجة بخصوص نقطة الصوت دي .. فهو موضوع نسبي بيختلف من واحد للتاني .

الموضوع النسبى هو مدى تقبل الصوت
أما الإحساس به فيشترك فيه الجميع
وعندما يجمعون على أن هناك سيارة صوتها عالي بعد سرعة معينة
فهم بالتأكيد يقارنونها بما هو مخزن في ذاكرتها لأصوات سيارات أخرى عند تجاوز تلك السرعة

المشاركة الأصلية كتبت بواسطة ziabassem أسعدني الحوار معك يا أستاذ / أحمد

أهلا بيك يا أستاذ باسم

[ziabassem]

المشاركة الأصلية كتبت بواسطة samirayad أدينى فرصه ياباشا حشوف نفسى مع مواد صناعة المحركات بصوره عامه معاك الوقت اللي أنت عاوزه . وبرضه حشوف نفسى مع موضوع دخول قسم ال بى واى دى مره تانيه من عدمه يا باشا ما أنت قبل ما تخرج من هنا .. حتسيب البطاقة بتاعتك وحتبقى محطوط تحت المراقبة .. وتكتب تعهد على نفسك أنك لو مرجعتش في خلال 48 ساعة .. حتتحط على قوائم الممنوعين من السفر علشان متهربش المعلومات الجميلة اللي عندك بره مصر .. هههههههههههه ممكن الواحد يبقى يوارب الباب فقط ويتفرج على المواضيع المطروحه وخلاص متفرج ...........فقط

يا سمير بيه .. دخول الحمام مش زي خروجه .. وأنت مشيت خلاص في سكة اللي يروح ميرجعش .. هههههههههههههه

[lonedoctor]

المشاركة الأصلية كتبت بواسطة samirayad بس ياباشا لو بالفعل حطينا الكركديه على بنزين 60 حيديك بنزين 90 مش 92 لاحظ فرق الألوان ولا أيه رأيك ............؟

حياك الله
اعتقد انه لاداعى للاستهزاء بكلامى انا نقلت لك تجربة عملية اثبتت نجاحها وانا لست متخصص لكى اجد تفسير لذلك
وانا بنفسى مريت بنفس التجربة وبالمناسبة انا اعيش فى السعودية من فترة طويلة وكنت امتلك سيارة تويوتا كراون عام 2001 فى الوقت الذى لم يكن فيه بنزين فى المملكة سوى 95
بعد كده نزل بنزين 91 فقررت ان اجربه وخاصة السيارة موديل قديم وموش مستاهلة كانت المفاجاة ان السيارة اصبح صوتها ناعم جدا والسحب افضل من الاول
والاخ الذى قام بالتجربة موجودة مشاركته على منتدى اخر مشهور جدا لل byd يمكنك ان تقراها او استاذن ادارة المنتدى فى وضع الرابط لتعم الفائدة
وتقبل تحياتى

[ziabassem]

المشاركة الأصلية كتبت بواسطة ahmed1981 كده بنتكلم عن زيوت معدنية لذلك لابد نقارن بين نوعين متماثلين من الزيوت بنفس الرقم التوصيفي يعني زيت 50 من موبيل مع زيت 50 من شيل لو حضرتك غيرت بينهم وحسيت إحساس حقيقي وليس نفسي بفرق في صوت المحرك إذن فأحدهما كان زيت مغشوش أكيد .. وده اللي بشك فيه وعلشان كدة بقول "الشل" أحسن من "موبيل" .. حتى في الزيوت التخليقية مش المعدنية بتجربة بعض الأصدقاء . خامات المحرك ليست بهذه البساطة حديد زهر وأنتيمونيا المحرك يصنع من سبائك معدنية بها معادن بنسب سرية تحتفظ بها كل شركة لتظل محافظة على تميزها حتى لو باع خط إنتاج قديم لشركة فخطوط الإنتاج لا علاقة لها بالخامات معلومة جديد .. مشكور عليها .. بس هل تفتكر أن متسوبيشي حتغامر بسمعتها بالسهولة دي .. ومتوردش على الأقل السبائك الداخلة في صناعة المواتير . وعلى العموم أحنا في انتظار ما سيسفر عنه بحث م/ سمير في موضوع المواد المستخدمة في صناعة المحركات . لو هو بالمللي برضه التشطيب في النهاية بيختلف فهذه آلات لا تعمل من تلقاء نفسها والآلة لا تقيس وبالتالي النهاية تختلف من ضمن أعمال التشطيب ضبط ما يسمى بالإتزان لكل الأجزاء الدوارة وهذا ما يجعل محرك الرولز رويس يختلف عن زمبلك ال 128 مقارنة بال RR طبعاً أؤيدك في هذا الرأي .. ومقتنع بيه . الموضوع النسبى هو مدى تقبل الصوت أما الإحساس به فيشترك فيه الجميع وعندما يجمعون على أن هناك سيارة صوتها عالي بعد سرعة معينة فهم بالتأكيد يقارنونها بما هو مخزن في ذاكرتها لأصوات سيارات أخرى عند تجاوز تلك السرعة أهلا بيك يا أستاذ باسم ربنا يخليك .. ودائماً في حوار راقي .. والاختلاف في الرأي لا يفسد للود قضية .

أسعدتني مرة أخرى بالحوار معك يا أحمد باشا .