تقريري الشخصي عن لانسر 1300cc 2009

[MIDO-SPICY]

سيبك انت .. مش جبتها خلاص
ربنا يباركلك فيها

[lancer.style]

الف الف الف مبروك على العربية

و ربنا يديك خيرها و يكفيك شرها و عثقبال الشارك يا رب

و تقرير جميل و حضرتك اتكلمت و كلام معقول و رديت على لعض الناس الى كانت بتقول نفس الى بتقولة فى الاول

و فعلا التجربة خير دليل

[mogacar]

ألف مبروك علي العربية وربنا يديك خيرها ويكفيك شرها وشكرا علي التقرير وانا كمان هاضع رآي الشخصي وتقيمي للسيارة بس هاتفق معاك في نقاط وهاختلف في نقاط
اولا انا معايا لانسر بومة اتوماتك ضمان مصرية 1300 cc موديل 2008 المحرك 1300cc يولد قوه 88 حصان
اوجة الأتفاق
السياره طلعتها ممتازة وناعمة من السلنسية نيجي للثبات يفترض بأن البومه من اكثر السيارات ثباتا و هي سياره رائعه جدا في المناورات و سريعه الاستجابه السياره ثابته جدا علي السرعات وعمر ما العربيه ماموجت مني واناماشي علي 120 بكل ثقه و ثبات و مش حاسس بالسرعه خالص لأني بصراحة مجربتش أعلي من كدة
فرامل السياره رائعه مع ان ال1300 ليست موزده ب نظام abs ولكنها مسعفه و قويه جدا بس التيل مستحملش وغيرتة عند 13000 الف كيلو وعفشه السياره ليست ناعمه جدا ولكنها جميله و مريحه وقوية وبتستحمل اعتي المطبات وبتفق معاك في التكييف والمقصورة الداخلية والتابلوة والزجاج بيمنع 85% من الضوضاء الخارجية
أوجة الأختلاف
1-الماتور مش قوي ودة بيبان جدا لو العربية فيها خمس اشخاص اوزان عادية ومشغل التكييف العربية بيجلها هبوط مفاجئ في الماتور وسحبها بيبقي وحش جدا اما لو معاك شخص ومش مشغل التكييف بتبقي طيارة والموضوع دة حسيتة في موضوع حصل معايا بالفعل وكنت في زفة وفي عز الصيف والتكييف شغال علي اقصي درجة والعربية حاسس انها ماشية بالعافية واذا بواحد من الأصحاب اللي بتزف معاة عربية هيونداي النترا جاي وراية بسرعة رهيبة وطبعا انتم عارفين العربية الهونداي لما يجي صاحبها يوقفها علي سرعة كبيرة لأي سبب ممكن يحصل اية فطبعا انا خوفت جدا علي الناس اللي معايا وعلي نفسي وعلي عربيتي وقلت اقرص شوية علشان اوسع المسافة اللي بيني وبينة لحد مايبعد عني وخصوصا اتضح لية بعد كدة ان الأخ متهور ومجنون كبير في السواقة والشد وطبعا لاحياة لمن تنادي ولا كيك دون نافع ولا غيرة بس ربنا ستر واخدت يميني وبعدت عنة ومحبتش احتك بية لا من بعيد ولا من قريب بس حسيت بأحباط شديد من ناحية العربية وفي الفلوس اللي دفعتها فيها
2-عزم الماتور مبحسش بية الا في آخر الثالث وبداية الرابع
3- الصاج بتاعها ضعيف مش قوي ودة بان جدا لما وقفت وسندت علية كان بيخش معايا جوة وواحد ركن جانبي وبعدين فتح بابة فخبط في الباب بتاعي فعمل زي نقرة صغيرة في الباب بتاعي
4-مفهاش ايموبلايزر ولا ايرباج بس فيها سماعات خلفية وفي الباب بس جت من غير كاسيت والأكر نيكل والكنبة الخلفية قابلة للأنطواء وبها مخدع في الوسط لو تحب تنزلة من الكنبة وفية حامل اكواب
5-سحب البنزين عادي جدا زي 1600 بيفرق 2 لترفي الصفيحة لمابحط 20 لتر بيعمل معايا 200 كيلو داخل البلد بالتكييف و210 بدون و220 برة البلد بالتكييف و230 بدون تكييف وبحط بنزين 92 ولما حبيت اجرب واحط 95 لقيت العربية تقلت جدا بس حسيت بشوية عزم في الماتور علي التاني
6- بصراحة مجربتش ثبات العربية عند سرعة 120 في الملفات الشديدة بس هو حلو جدا في الملفات علي سرعات عادية
7-صوت الماتور بيبقي عالي جدا لما تيجي تعمل كيك دون
8-العربية بتحك في المطبات وخصوصا لوفيها اكتر من ثلاث اشخاص بس طبعا مش المطبات الموضوعة بهندسة ولكن في المطبات العشوائية
العربية بقالها سنة ونص وعاملة 16000 الف كيلو بمعدل 1000 كيلو في الشهر
مش عارف فية فرق بين موديلات 2008 و2009 في اللانسر 1300 الأتوماتك ولا لأ بس انا سئلت في التوكيل وقالولي مفيش فرق حتي في موديلات 2010 والتكنولوجيا واحدة بس ممكن يكون في فرق في الكامليات بين المصري والخليجي واحسنهم الكويتي في المواصفات والكامليات فاممكن تكون اللي مع حضرتك خليجي كويتي
انا حبيت اشارك حضرتك في التقرير بكل صدق وحيادية ومن التجربة الفعلية للسيارة ووضعها تحت الملاحظة طوال هذة الفترة وشكرا جزيلا لحضرتك علي هذا التقرير وربنا يباركلك في العربية

[medo akef]

المشاركة الأصلية كتبت بواسطة lancer.style الف الف الف مبروك على العربية و ربنا يديك خيرها و يكفيك شرها و عثقبال الشارك يا رب و تقرير جميل و حضرتك اتكلمت و كلام معقول و رديت على لعض الناس الى كانت بتقول نفس الى بتقولة فى الاول و فعلا التجربة خير دليل

شرف لي ان ترد علي موضوعي و الف شكر علي الكلام الجميل

المشاركة الأصلية كتبت بواسطة mogacar ألف مبروك علي العربية وربنا يديك خيرها ويكفيك شرها وشكرا علي التقرير وانا كمان هاضع رآي الشخصي وتقيمي للسيارة بس هاتفق معاك في نقاط وهاختلف في نقاط اولا انا معايا لانسر بومة اتوماتك ضمان مصرية 1300 cc موديل 2008 المحرك 1300cc يولد قوه 88 حصان اوجة الأتفاق السياره طلعتها ممتازة وناعمة من السلنسية نيجي للثبات يفترض بأن البومه من اكثر السيارات ثباتا و هي سياره رائعه جدا في المناورات و سريعه الاستجابه السياره ثابته جدا علي السرعات وعمر ما العربيه ماموجت مني واناماشي علي 120 بكل ثقه و ثبات و مش حاسس بالسرعه خالص لأني بصراحة مجربتش أعلي من كدة فرامل السياره رائعه مع ان ال1300 ليست موزده ب نظام abs ولكنها مسعفه و قويه جدا بس التيل مستحملش وغيرتة عند 13000 الف كيلو وعفشه السياره ليست ناعمه جدا ولكنها جميله و مريحه وقوية وبتستحمل اعتي المطبات وبتفق معاك في التكييف والمقصورة الداخلية والتابلوة والزجاج بيمنع 85% من الضوضاء الخارجية أوجة الأختلاف 1-الماتور مش قوي ودة بيبان جدا لو العربية فيها خمس اشخاص اوزان عادية ومشغل التكييف العربية بيجلها هبوط مفاجئ في الماتور وسحبها بيبقي وحش جدا اما لو معاك شخص ومش مشغل التكييف بتبقي طيارة والموضوع دة حسيتة في موضوع حصل معايا بالفعل وكنت في زفة وفي عز الصيف والتكييف شغال علي اقصي درجة والعربية حاسس انها ماشية بالعافية واذا بواحد من الأصحاب اللي بتزف معاة عربية هيونداي النترا جاي وراية بسرعة رهيبة وطبعا انتم عارفين العربية الهونداي لما يجي صاحبها يوقفها علي سرعة كبيرة لأي سبب ممكن يحصل اية فطبعا انا خوفت جدا علي الناس اللي معايا وعلي نفسي وعلي عربيتي وقلت اقرص شوية علشان اوسع المسافة اللي بيني وبينة لحد مايبعد عني وخصوصا اتضح لية بعد كدة ان الأخ متهور ومجنون كبير في السواقة والشد وطبعا لاحياة لمن تنادي ولا كيك دون نافع ولا غيرة بس ربنا ستر واخدت يميني وبعدت عنة ومحبتش احتك بية لا من بعيد ولا من قريب بس حسيت بأحباط شديد من ناحية العربية وفي الفلوس اللي دفعتها فيها 2-عزم الماتور مبحسش بية الا في آخر الثالث وبداية الرابع 3- الصاج بتاعها ضعيف مش قوي ودة بان جدا لما وقفت وسندت علية كان بيخش معايا جوة وواحد ركن جانبي وبعدين فتح بابة فخبط في الباب بتاعي فعمل زي نقرة صغيرة في الباب بتاعي 4-مفهاش ايموبلايزر ولا ايرباج بس فيها سماعات خلفية وفي الباب بس جت من غير كاسيت والأكر نيكل والكنبة الخلفية قابلة للأنطواء وبها مخدع في الوسط لو تحب تنزلة من الكنبة وفية حامل اكواب 5-سحب البنزين عادي جدا زي 1600 بيفرق 2 لترفي الصفيحة لمابحط 20 لتر بيعمل معايا 200 كيلو داخل البلد بالتكييف و210 بدون و220 برة البلد بالتكييف و230 بدون تكييف وبحط بنزين 92 ولما حبيت اجرب واحط 95 لقيت العربية تقلت جدا بس حسيت بشوية عزم في الماتور علي التاني 6- بصراحة مجربتش ثبات العربية عند سرعة 120 في الملفات الشديدة بس هو حلو جدا في الملفات علي سرعات عادية 7-صوت الماتور بيبقي عالي جدا لما تيجي تعمل كيك دون 8-العربية بتحك في المطبات وخصوصا لوفيها اكتر من ثلاث اشخاص بس طبعا مش المطبات الموضوعة بهندسة ولكن في المطبات العشوائية العربية بقالها سنة ونص وعاملة 16000 الف كيلو بمعدل 1000 كيلو في الشهر مش عارف فية فرق بين موديلات 2008 و2009 في اللانسر 1300 الأتوماتك ولا لأ بس انا سئلت في التوكيل وقالولي مفيش فرق حتي في موديلات 2010 والتكنولوجيا واحدة بس ممكن يكون في فرق في الكامليات بين المصري والخليجي واحسنهم الكويتي في المواصفات والكامليات فاممكن تكون اللي مع حضرتك خليجي كويتي انا حبيت اشارك حضرتك في التقرير بكل صدق وحيادية ومن التجربة الفعلية للسيارة ووضعها تحت الملاحظة طوال هذة الفترة وشكرا جزيلا لحضرتك علي هذا التقرير وربنا يباركلك في العربية

كلام جميل و هو في بعض الملحوظات
الخليجي تفرق في الهورسس اعلي شويه و 3 مخارج بنزين و المصري مخرج واحد دا الي اسمعه و طبعا محركها يتحمل درجه الحراره العاليه جدا و تكييفها ممتاز و بعض الكماليات زي الاكصدامات العريضه و الاير باج
عن العجز انا محستشي بيه الا و انا بشد مع صحبي بتاع البطه بس مش كنت بحس بيه اوي او كنت ببرره لنفسي لانه تغلب علي بي ام 318 و مكنتش لعرف ان عربيتي هتقف ادامه في الاول كنت حسبه هيكتسحني من البدايه و كنت بشد ادام مرسيدس e240 2008 كنت حاسب اني حتي هقرب منه لا هو صوت ولا الشكمان الديفل و هوا من جمبي ولا حياه لمن تنادي دي اديقت منها اوي قلت حتي ابقا قريب منه مش مشفهمش خالص!
بس الكيك دون مفتري يا مان بتلاقي العربيه هبتط فجئه و تسقط النقله و تطير في ثواني بتسمع صفاره ال120 و لو مجمعتشي معاك في اول مره شيل و حط النص و بعدها الاخر هتلقيها طارت و لو مجبتشي ارمي الl بس حاول تكون علي ال2 او ال3 لانه بيجيب اخر النقله لانك لو كنت علي ال1 هيوصل ل 65 و تهدي العربيه خالص اوتوماتك بس و انا علي ال3 رميت الl وصلت ل140 و انا الي هديت
عن الحك في المطب هي عمرها ما حكت و قريبي معاه 2007 سوبر اكشن من سنتها عمرها ما حكت معاه في مطب الحقيقه انت اول واحد يقول لي لانسر بتحك او ممكن العربيه كانت محمله اووي
العربيه انا مش بحس فيها بالعجز خالص داخل المدينه لاني بلقيها بطير من بعد المطاب من غير بنزين كتير و من كام يوم كان بتاع تكسي فرنا عاوز يعمل اسد خليته فار معرفشي هو خاف ولا ايه كنا علي المشايه و انا كنت مستعجل و مقدينه غرز و اول ما وصلت لل120 و بسحب لسه لقيته رجع ورا اوي و فضل ماشي ورايا بمسافه مش عارف نقلته مجمعتشي ولا هو الي خاف
الصاج اه فعلا ضعيف بس بالنسبه لعربيات تنيا كتير هو افضل و هي ميزه بردو لانه كدا تقدر نرده بسهوله و اهم حاجه الدعامات و الاكصدامات و الشاسيه و بردو شفت لها حوادس ضيعا فيها يعني من الاخر لاما عشان سريعه بتدمر بسرعه لاما عشان ضعيفه مش بتستحمل
سحب البنزين جميل يعني انا مثلا بحط ب20 90 يعني في حديود 11 لتر بيكفوني لف 5 ساعات و مشاوير بيت للغميس الي بعده
و اساسي طبعا لازم الكيك دون صوته يبقا فظيع بس بالنسبه لعربات تنيا كتير ولا ليها صوت و لما بشيل الفلتر و اجري صحابي في العربيات التنيا يقولو لي يبني شيل الفلتر!يعني بالنسبه لعربيات تنيا كتير ملهاش صوت
الجميع اجتمع علي ضعف ال1300 او علي قوه ال1600 ولكنها كسياره كامله هي افضل واحده في فئتها
مستني ردك
وشكرا

[mogacar]

المشاركة الأصلية كتبت بواسطة medo akef عن العجز انا محستشي بيه الا و انا بشد مع صحبي بتاع البطه بس مش كنت بحس بيه اوي او كنت ببرره لنفسي لانه تغلب علي بي ام 318 و مكنتش لعرف ان عربيتي هتقف ادامه في الاول كنت حسبه هيكتسحني من البدايه و كنت بشد ادام مرسيدس e240 2008 كنت حاسب اني حتي هقرب منه لا هو صوت ولا الشكمان الديفل و هوا من جمبي ولا حياه لمن تنادي دي اديقت منها اوي قلت حتي ابقا قريب منه مش مشفهمش خالص! بس الكيك دون مفتري يا مان بتلاقي العربيه هبتط فجئه و تسقط النقله و تطير في ثواني بتسمع صفاره ال120 و لو مجمعتشي معاك في اول مره شيل و حط النص و بعدها الاخر هتلقيها طارت و لو مجبتشي ارمي الl بس حاول تكون علي ال2 او ال3 لانه بيجيب اخر النقله لانك لو كنت علي ال1 هيوصل ل 65 و تهدي العربيه خالص اوتوماتك بس و انا علي ال3 رميت الl وصلت ل140 و انا الي هديت عن الحك في المطب هي عمرها ما حكت و قريبي معاه 2007 سوبر اكشن من سنتها عمرها ما حكت معاه في مطب الحقيقه انت اول واحد يقول لي لانسر بتحك او ممكن العربيه كانت محمله اووي العربيه انا مش بحس فيها بالعجز خالص داخل المدينه لاني بلقيها بطير من بعد المطاب من غير بنزين كتير و من كام يوم كان بتاع تكسي فرنا عاوز يعمل اسد خليته فار معرفشي هو خاف ولا ايه كنا علي المشايه و انا كنت مستعجل و مقدينه غرز و اول ما وصلت لل120 و بسحب لسه لقيته رجع ورا اوي و فضل ماشي ورايا بمسافه مش عارف نقلته مجمعتشي ولا هو الي خاف و اساسي طبعا لازم الكيك دون صوته يبقا فظيع بس بالنسبه لعربات تنيا كتير ولا ليها صوت و لما بشيل الفلتر و اجري صحابي في العربيات التنيا يقولو لي يبني شيل الفلتر!يعني بالنسبه لعربيات تنيا كتير ملهاش صوت الجميع اجتمع علي ضعف ال1300 او علي قوه ال1600 ولكنها كسياره كامله هي افضل واحده في فئتها مستني ردك وشكرا

طبعا انا معاك ان الخليجي احسن من المصري بس طبعا انت عارف الناس هنا موسوسة وعايزة تحافظ علي فلوسها اللي دفعتها في العربية وزي ماقلتلك ان الخليجي الكويتي احسن في المواصفات والكامليات بس العفشة بتاعتة مبتستحملش الطرق المصرية في مناطق معينة يعني جرب حضرتك وانزل منطقة شبرا الخيمة تاني او الشوارع الجانبية من فيصل ومعاك 3 اشخاص وزن 85 كيلو مثلا وقولي هاتحس بأية
اما ياباشا من حتة الشد بصراحة انا مابحولش اشد كتير لأني كنت قرآت اول ماجبت العربية موضوع حادثة حصلت بسبب الشد تسببت في مصرع طفلين فقررت معملش الموضوع دة بس ياباشا نصيحة اخوية قلهالي واحد غاوي شد لما تحب تشد شد مع عربية تساويك في السي سي يعني مينفعش تشد مع مرسيدس 2008 e250 او بي ام موديلات حديثة او باسات العربيات دية مواتيرها قوية جدا وهتحسسك باضعف عربيتك يعني ممكن تشد مع فيرنا او هونداي او نيسان صني او لوجان او متسوبيشي لأن الشد في الأول والأخر محتاج ماتور قوي و حرفنة وحفظ طريق وقلب جامد وربنا يسترها معاك في الأول والآخر
موضوع الكيك دون معلش انا مش فاهمة اوي ازاي الأول بتجيبة وانت علي 65 هيا العربية مش اتوماتك يعني بتنقل حسب معطيات الكومبيوتر للفتيس و65 تقريبا في نص التاني يعني لو تحب تسقط نقلة لازم تدوس للآخر وبعدين تسيب رجلك وتدوس تاني سنة سنة ولوعايز تعمل كيك دون تاني اعمل بنفس النظام ولا انت قصدك انك بتمشي علي النقلات اللي بعد d اللي في الفتيس بصراحة مجربتش المشي علي النقلات دية وبصراحة بخاف استخدمها لأني معرفش طريقة استخدامها علي طول ولا لازم ادوس فرامل وانقل لأن اي نقلة غلط ممكن تبوظ الفتيس فعلشان كدة مكبر دماغي وبمشي علي d علي طول وياريت مشكورا لوقصدك كدة تشرحلي ازاي
وبعدين متسمعش كلام اللي بيقولك شيل فلتر الهوا علشان يزودلك السرعة لأن لو مفهوش فايدة مكنش اتعمل وبعدين لو عملت كدة هاتدخل تراب علي الماتور وحساس rpm هايتلخبط وأسئل باردوا في الموضوع دة لأن مرة كنت بنفض الفلتر والعلبة متفلتش حلومن تحت وسمعت صوت في العربية ولا عربيات السباق وسحب العربية بقي ضعيف فاوقفت وقفلت العلبة حلو ومشيت ومسمعتش الصوت دة تاني والسحب رجع احسن فامتسمعش كلمهم وزي ماقولتلك اسئل اهل الخبرة
بالنسبة للحك ففعلا العربية مابتحكش مني في وسط البلد وفي الدقي والحتت اللي فيها مطبات هندسية واما المناطق العشوائية زي شبرا الخيمة تاني وشوارع فيصل الجانبية ففعلا العربية بتحك جامد فيها لو محملة اما لو وحدي فامش بتحك
وفعلا 1300 احسن عربية كاملة في الخليجي انما في المصري لأ لأنها ناقصة 3حاجات يعتبروا اهم 3 حاجات لأمان السيارة علي الطريق الأيرباج والaps , ebd والأيموبلايزر علشان السرقة
وشكرا علي اهتمامك بمشاركتي لموضوعك