القرار الاخير اشترى لوجان ولا فيه عربية احسن فى حدود ال70000؟

[TiTo Sky]

حضرتك من الزقازيق نفسها ولا منين

ولو من الزقازيق قولي مكانك فين بالظبط وانا اوصفلك الطريق

[ahmedashraf]

المشاركة الأصلية كتبت بواسطة احمد السباعى انا خوقى كله من انها تكون مش اقتصادية فى استهلاك البنزين او اسعار قطع الغيار وكمان خايف انه ممكن ملاقيش ميكانيكية كويسة تفهم فيها ؟ على فكرة انا من شبرا يا ريت لو تدلنى على ميكانيكية قريبة منى تكون بتفهم فيها

هو إللى سايقين المانوال منها من 2010 لحد دلوقت بيشكرو جدا في إستهلاك البنزين, الأوتو إستهلاكها أعلى شوية من المانوال بس لسه ماستقرش قمينفعش أحكم عليه دلوقت وأساسا لسه مركزتش معاه وبدأت أحسبة (عامل حوالي 800 كم فقط بالعربية).

قطع الغيار الأصلية من التوكيل أسعارها في تحسن بعضها ممتاز والبعض مقبول والبعض غالى نوعا ما وعليها ضمان سنة, لاكن بره التوكيل في قطع غيار ليها بنصف الثمن أو أقل, إعمل جولة في السوق وإسأل على حاجات زي الفوانيس, الفلاتر, التيل, المرايات, الإطصدامات, وإنت تعرف. فيه مواضيع في المنتدي بتتكلم عن أسعار قطع الغيار إقرأها.

أنا أعرف إن في أصحابها بيشتغلو في الموتور بإديهم والكلام ده على المنوال, فأظن مافيش قلق من ناحية إنك تلاقي ميكانيكية بتفهم فيها, بغض النظر عن إن نصفهم مش بيفهم أصلا للأسف. بس إنت شاغل بالك ليه بالموضوع ده من دلوقت, إنت بتشتري عربية زيرو عشان تفكر في تصليحها من دلوقت؟ وبعدين إنت معاك ضمان 3 سنين أو 100 ألف كم يعني متقرفش نفسك مع الصنايعية.

للأسف مش هاقدر أدلك على حد لكوني من إسكندرية, وأصلا مش ناوي أخلى حد يمد إيده فيها غير التوكيل لمدة سنتين على الأقل, إن شاء الله.

[azzat 55]

ا/ أحمد أنا معى لوجان 2010 بصراحة عربية جيدة بالنسبة لسعرها وحتى الأن والحمد لله لم تحدث أعطال أو شئ يذكر مع العلم انى متابع الصيانة لدى التوكيل وبالنسبة لأستهلاك البنزين فهو تقريباً داخل المدينة من 7.5 : 8 لتر كل 100 كم وفى الطرق السريعة حوالى 6 لتر لكل 100 كم وده طبعاً متوسط استهلاك ممكن يقل أو ينقص حسب طبيعة قيادتك
من مميزاتها -انها واسعة من الداخل وعائلية ومرتفعة عن الأرض فكان معى فيها ستة أفراد غيرى يعنى سبعة والحمد لله كنت بعدى المطب مرتاح جداً
- توكيل جيد - وبالنسبة لقطع الغيار موجودة داخل وخارج التوكيل وسعرها مناسب - تكييف جيد
- وبالنسبة لعيوبها كما قال بعض الأخوة عشان مكررش الكلام تانى .
ولكن للامانة اضيف على العيوب ان ماتورها خشن بعض الشئ ولكن مش عارف ممكن يكون عشان انا نازل من تويوتا ومتسوبيشى لانسر وكانوا بالطبع ماتور ناعم جداً ممكن ده يكون مدينى احساس خاطئ . وان شاء الله الاصدقاء يفيدوك اكتر . وربنا يوفقك فى الأختيار السليم .

[yasinzain2012]

عربيتى عامله 25000 كم زى الفل ما شاء الله
ابو ياسين

[احمد السباعى]

المشاركة الأصلية كتبت بواسطة ahmedashraf هو إللى سايقين المانوال منها من 2010 لحد دلوقت بيشكرو جدا في إستهلاك البنزين, الأوتو إستهلاكها أعلى شوية من المانوال بس لسه ماستقرش قمينفعش أحكم عليه دلوقت وأساسا لسه مركزتش معاه وبدأت أحسبة (عامل حوالي 800 كم فقط بالعربية). قطع الغيار الأصلية من التوكيل أسعارها في تحسن بعضها ممتاز والبعض مقبول والبعض غالى نوعا ما وعليها ضمان سنة, لاكن بره التوكيل في قطع غيار ليها بنصف الثمن أو أقل, إعمل جولة في السوق وإسأل على حاجات زي الفوانيس, الفلاتر, التيل, المرايات, الإطصدامات, وإنت تعرف. فيه مواضيع في المنتدي بتتكلم عن أسعار قطع الغيار إقرأها. أنا أعرف إن في أصحابها بيشتغلو في الموتور بإديهم والكلام ده على المنوال, فأظن مافيش قلق من ناحية إنك تلاقي ميكانيكية بتفهم فيها, بغض النظر عن إن نصفهم مش بيفهم أصلا للأسف. بس إنت شاغل بالك ليه بالموضوع ده من دلوقت, إنت بتشتري عربية زيرو عشان تفكر في تصليحها من دلوقت؟ وبعدين إنت معاك ضمان 3 سنين أو 100 ألف كم يعني متقرفش نفسك مع الصنايعية. للأسف مش هاقدر أدلك على حد لكوني من إسكندرية, وأصلا مش ناوي أخلى حد يمد إيده فيها غير التوكيل لمدة سنتين على الأقل, إن شاء الله.

الف شكر ليك يا باشا ويا رب يباركلك فيها ويا رب متمدش فيها ايدك ابدا ولا تروح لاى ميكانيكى ولا حتى بعد 3 سنين . شكرا