B M W قبل و بعد ....!!!!

[emad10]

لي سؤال بسيط ومحدد واسمحلي أتحداك ترد عليه مع كل ووافر الاحترام لشخصك الكريم

إخبرني عن مزايا موجوده في الياباني ومش موجوده في البي إم

مع العلم أني لأول مره أسمع عن معيار مفاضلة في السيارات إسمه
(أهل الخليج يفضلون)!!!!!!!!!!!!!!!!!! !!!!!!!!!!!!!!!!!!!!!!

ولو طبقنا نفس المعيار لصارت (الكبسة) أفضل من الكفيار

أكرر لك كل التقدير

[mercedes]

المشاركة الأصلية كتبت بواسطة BmW MeRo الخليج ثقافتة غلط فى غلط ......... معقول التويوتا الكامرى الى دخليتها كلها بلاستك فى بلاستك ولا عربيات الامريكانى الكتير منها شكلة معاق بذات الى قبل 2002 تباع بتمن محترم وعربية زى البى ام والمرسيدس برخص التراب اولا وللمعلومة قطع البى ام والمرسيدس متوفرين واسعارهم مش حراقة اوى زى مابتقولوا................ انا جربت اللكزس ودى قمة الصناعة اليابانية بغض النظر عن الانفتنى الى تقدمت بروح الاوروبية ليها من الرينو اللكزس عربية يابانى بيور من تويوتا عربية اة السفتى عالى ومريحة بس ملهاش روح خلاص عربية خنيقة بعديها جربت البى ام 760 لا دى حاجة تانية رغم ان اللكزس بتاعة والدى انباعت بتمن حلو والبى ام جبتها بنص تمنها بس البى ام بى ام وركبت المرسيدس برضة عربية ليها روح لكن شدنى فى البى ام انها اثبت عربية فى الكون واتحدى الى يقولى غير كدة وعربية سريعة ومتجاوبة فيها روح الاسبورت عالى اكتر من المرسيدس الى فيها روح الكلاسيك عربية تنزل بيها مصر وترجع متقلش لا حمالة اسية مدام ماحفظ عليها الاكس 5 معايا عربية قمة الجمال قارنتها بلاند كروز الاند صفر على الشمال غير انى مش هلاقى لاند كروز بتمن الاكس 5 2002 الاند معدى كتير لعشق الناس هنا لية

السلام عليكم و رحمة الله و بركاته

بالظبط كده , ميه ميه , هو ده الكلام .

أنا من زمان و أنا مش عارف ليه , العربيات اليابانى مابتنزليش من زور , حتى و أنا فى السعودية لما كنت أركب عربية كامرى و لا أكورد و لا لكزس , كنت ببقى مرتاح و كل حاجة , بس كنت بحس أن كده , فيه حاجة غلط ؟؟؟؟؟؟؟, على الرغم من أنها كانت بتبقى عربيات, القدييييييييييييييييييمة فيهم أوى , موديل 2006 , دى أعتقد كانت كامرى , حطنى بقه أودام دركسيون شبح S320 موديل 1996 , يا سلاااااااااااااااااااااام , أحس أن أنا معايا صديق يعتمد عليه و مهما جيت عليه , يستحملنى و بيبقى مزاجى عنب و أحس أنى راكب عربية بالفعل يعتمد عليها الى مالا نهاية .

أنا لما كنت بوصل بالكامرى ل 190كم/س كنت بحس أن العربية خفيفة و بتعوم و كانت مو 2006 , ال BMW740iL بأه , يا سلام , لحد 260كم/م و ثابتة و تقولك ادينى كمان و والله كانت موديل 1997 .

العلاقة بين الألمانى و اليابانى -طبعا مش هنقول لا الكورى و لا الماليزى و لا الصينى- زى العلاقة بين الحصان و العصاية اللى فى آخرها جزرة أودام الحصان, مهما اليابانى اتفوق و جرى بسرعة و سبق , هيبقى عامل زى الحصان و بكل بساطة الألمانى هو الجزرة, يعنى هيفضل دااااااااااااااااااائما , مسافة بين الألمانى و اليابانى , مهما تفوق اليابانى, يعنى من الآخر , الألمانى دايما سابق بخطوة.

اليابانى بأه ممكن يتقارن بالفرنساوى و الايطالى , يعنى يدوب كده .

الحاجة التانية أن اليابانيين و الكوريين و الآسيويين عموما , مقلدين للغير و لا توجد سمة تميز سياراتهم على الاطلاق و لو ممكن تفتكروا أشكال الLEXUS أول مانزلت , كانت نازلة تقليد للمرسيدس الS class بالمسطرة و قبلها أشكال الTOYOTA CROWN supersaloon كانت برضه نازلة تقليد المرسيدس , ده لكزس ,كانت مرة من حوالى 5 سنين نزلت عربية LS430 تقليد المرسيدس العيون .

ولا الدايو تشيرمان , تقولش شبح بس بالكورى , حاجة اسفاااااااااااااااااااااف جدا .

و الكيا برضه كانت منزله عربية تقليد الJAGUAR S type بالظبط .

أنا أتدكر واقعى لليابانيين فى التسعينات , أن فيه مجموعة اتقبض عليهم فى سويسرا لأنهم كانوا عاوزين يسرقوا سر صناعة الشيكولاتة السويسرية زى ما قبل كده سرقوا سر صناعة الساعات من سويسرا .

دول أصلا عالم مقلدين و ليسوا مبدعين, يعنى ممكن آه يبدأوا من حيث انتهى الآخرين , يعنى يجيبوا عربية مرسيدس S class و يفكوها و يطوروها تكنولوجيا و يعملوا عربية , لكن مش ينقشوا العربية بالكربون و ينزلوها بسعر أرخص , عشان اللى نفسه فى مرسيدس زيرو و مش قادر , يجيب الليكزس و خلاص , ايه الكلام الفاضى ده .

MERCEDES S320

[فادى]

السيارات الأوروبية عموما و خاصة الألمانى و الفرنساوى و الايطالى هى قمة عالم السيارات من حيث الروح و الابداع, و التكنولوجيا المتفوقة, و جودة الصنع و التصميمات الثورية, ببساطة يقود هذا الثلاثى عالم صناعة السيارات,
رغم اننى افضل السيارات الايطالية و الفرنسية عن السيارات الالمانية, لكن هذا الثلاثى هم رواد صناعة السيارات فى العالم, لأنهم الأكثر ابتكارية و الأكثر قياما بالأبحاث و الأكثر اهتماما بالتجديد و بالسيارة نفسها,
اليابانيون على العكس, و رغم ان الشركات اليابانية لديها الكثير من الأموال, الا انها لا تركز على السيارة نفسها بقدر ما تركز على زيادة المبيعات, فنقود تويوتا يتم صرفها على الدعاية و فتح اسواق جديدة و تدعيم شبكات الموزعين, بينما تقوم الشركات الاوروبية بصرف معظم النقود على الابحاث و التطوير.
تعتمد السيارات اليابانية على تقنيات فى معظمها قديمة و مجربة جيدا قبل ذلك و لا تحمل نفسها مخاطرة طرح تقنيات جديدة قد تنجح أو تفشل, لذا فان معظم السيارات اليابانية متخلفة تكنولوجيا عن مثيلاتها الأوروبية.

[dramir1]

الحقيقه الالماني وبخاصه البي ام عربيات مالهاش حل لا يمكن مقارنتها بالياباني

[didos]

يعنى اللى خلى ال128 واللادا ملكة العربيات فى مصر مايخليش التويوتا ملكة فى الخليج !!
العملية عملية ظروف يعنى ال128 كانت متوفرة وبتتصنع هنا فكله داس 128 وبالتالى المستوردين زودوا جامد فى قطع الغيار مما ادى الى التنافس ونزول اسعار قطع الغيا لادنى حد على عكس مستود بيجو بيكسب 500% فى قطع الغيار نفس القصة اليابانى زكى فى التعامل مع السوق بينزل عبيات على زوق البلد اللى نازلة فيها ونفس مواصفاتها سواء صحاء او صقيع يعنى العبيات بتاعة مصر غير بتاعة السعودية غير بتاعة امريكا