مشروع

[Injection]

بصراحة دلوقتى فيه رأيين :-
الأول بيقول أنك تجيب عربية حديثة وفيها كماليتها وسعرها رخيص تمشى بيها لحد متزهق وتكون سريعة نسبيا زى الفيرنا.
الرأى التانى أنك تجيب عربية قديمة بسعر رخيص زى الشارك وتعدل فيها براحتك, وأنا مع الرأى ده بس لو أنت عندك وقت فراغ وبتحب العربيات بجد غير كده خليك فى الرأى الأولانى.
ولو أنت شاب ومعندكش أسره خليك فى الشارك, هتملى وقت فراغك وهتبقى عربيتك اللى بتحبها بجد وممكن تعدل فيها زى ماأنت عايز, ده غير أنك هتزهق من الفيرنا أو العربيات اللى زيها بعد فترة,والعربيات دى مفيهاش حاجة مميزة (فى منها كتييييييير)
بس بلاش من السرعة والجرى والكلام ده, رحم الله أمرء عرف قدر نفسه, والسواقة مالهاش كبير, ولو عايز تجرى وتغرز يبقى بقواعد ومتزنقش على حد أو تدايقه أبداااااا, متتسببش فى حادثة لأنسان مالوش ذنب فى حاجة غير أنه كان ماشى فى طريقك.
بعيدا عن دور الواعظ.
فى الأخر القرار قرارك دى عربيتك مش عربيتى أو عربية المنتدى, ربنا يوفقك لما فيه الخير.
.

[alsharkawi_amr]

المشاركة الأصلية كتبت بواسطة Injection بصراحة دلوقتى فيه رأيين :- الأول بيقول أنك تجيب عربية حديثة وفيها كماليتها وسعرها رخيص تمشى بيها لحد متزهق وتكون سريعة نسبيا زى الفيرنا. الرأى التانى أنك تجيب عربية قديمة بسعر رخيص زى الشارك وتعدل فيها براحتك, وأنا مع الرأى ده بس لو أنت عندك وقت فراغ وبتحب العربيات بجد غير كده خليك فى الرأى الأولانى. ولو أنت شاب ومعندكش أسره خليك فى الشارك, هتملى وقت فراغك وهتبقى عربيتك اللى بتحبها بجد وممكن تعدل فيها زى ماأنت عايز, ده غير أنك هتزهق من الفيرنا أو العربيات اللى زيها بعد فترة,والعربيات دى مفيهاش حاجة مميزة (فى منها كتييييييير) بس بلاش من السرعة والجرى والكلام ده, رحم الله أمرء عرف قدر نفسه, والسواقة مالهاش كبير, ولو عايز تجرى وتغرز يبقى بقواعد ومتزنقش على حد أو تدايقه أبداااااا, متتسببش فى حادثة لأنسان مالوش ذنب فى حاجة غير أنه كان ماشى فى طريقك. بعيدا عن دور الواعظ. فى الأخر القرار قرارك دى عربيتك مش عربيتى أو عربية المنتدى, ربنا يوفقك لما فيه الخير. .

شكرا جزيلا على النصيحة المخلصة من واحد محترم زي حضرتك
مبدئيا طبيعة السواقة بتاعتي معظمعها سفر بين القاهرة وشرم الشيخ بحكم شغلي في شرم
يعني غرز وتزنيق ماليش فيه علشان أنا بتاع مشي والباقي يتعمل في NFS الطريق مافيهوش restart يعني أي GAME OVER تبقى المشرحة ودي نفسها وحش وماليش مزاج أستريح فيها الراحة الأبدية
أنا متجوز جديد يعني مسألة وقت الفراغ تقريبا خيال علمي خصوصا مع شغل الفنادق إللي هو مالهوش مواعيد
على العموم الـ e30 ممكن تكون حل كويس وسط يعني وبلاش مواتير ALPINA وخلينا في 1.8 الـ VANOS والله كريم

شكرا مرة ثانية لاهتمامك لما نشوف هترسي على آيه

عمرو

[oshaaa]

وممكن كمان تفكر في الهوندا موديل احدث برده من e30 والهورس بور بتاعها عالي

وشكلها جميل وعلي فكره الماتور الستوك بتاعها 1600 2 كامه بيطلع حوالي

130 هورس بور