لو الموتور خفيف ممكن اشتغل بيه قد ايه

[AAAH]

المشاركة الأصلية كتبت بواسطة AboNoRa زى ماقال الدكتور خفيف ديه بتفرق من حالة للتانية بس على كلام الميكانيكى لو خفيف شوية مفيش مشكلة تمشى بيه على كده لحد ما تتمكن فى السواقة وتشوف عاوز تعمل ايه فى العربية متقلقش يعنى انا لى صاحب مشى سنتين بماتور 128 خفيف جددداً ومش مشى كمان ده كان بيجرى وصاحب تانى قعد سنتين تلاتة برضو بريجاتا موتورها عايز عمرة كاملة وبرضو كان بيتعامل مع العربية بعنف وبيعمل بيها فى اليوم اكتر من 100 كم بس الحق يتقال بتاع الريجاتا ده الموتور بتاعة منفعش تانى فباختصار مفيش مشكلة انك تمشى بيها شهور ومن غير قرص جامد طبعاً وممكن تقيس كبس الموتور علشان تبقى متابع حالتة بشكل اكثر دقة وبرضو تغيير طقم الشنبر مش عمرة بالمعنى فمتقلقش منها برضو غير طقم الشنبر والجوانات وهتحس بفرق اداء ايجابى فى الموتور ومش هتبقى فتحت على نفسك فتحه برضو

تسلم وتكرم وربنا يسترها معاك دنيا واخره يا ابو نورا
طمنتنى الله يطمنك
وده اللى انا كنت ناوى اعمله بالظبط ان شاء الله
او كان فى حل تانى انى اهلك الموتور خالص واجيب واحد استيراد وخلاص بس كنت عايز اعرف ده هايشتغل معايا قد ايه

[AAAH]

المشاركة الأصلية كتبت بواسطة ahmed1981 موتور خفيف تقدر تمشي بيه لغاية لما ميرضاش يدور المهم تزود الزيت باستمرار

يا باشمهندس احمد انا مش عارف اقولك ايه بصراحة
كأنك كنت بتقرا افكارى
شكرا يا جميل على الرد والاهتمام

[mohamed ibiza]

المشاركة الأصلية كتبت بواسطة AAAH شكرا يا دكتور على اهتمامك وعلى فكره العربيه فبريكة تماما وموديل 95 وصاحبها كان بيسافر بيها كل فتره وبيركنها سواء هنا او هناك والعربيه عامله 160000 كيلو فقط والقصة ان لما الميكانيكى كان بيبص عليها وفتح الكبوت ودور العربيه قعد يقرص جامد على البنزين فترة طويله لحد ما طلع دخنة بسيطة جدا لا تكاد ترى ويناءا عليه قال المكنه خفيفة وقاللى امشى بيها كده حوالى ست شهور واعملك نص عمره بس حاسس ان موضوع الست شهور ده عشان عايز يعمل شغل مش اكتر والله اعلى واعلم

هو ده يعتبر مبرر انه يقول المكنة خفيفه !!

الدخنه كان لونها اسود ولا ابيض ؟!

غير كده اللي هو عملو ده مينفعش يتسمي اختبار للموتور او حاجة تخليه يقول ان المكنة خفيفة !! زي ما الدكتور قالك تابع الزيت لو لقيته بينقص يبقي الموتور عايز طقم شنبر او الاسهل فك البوجيهات لو لقيتها متعرق عليها زيت يبقي عايزه شنبر انما اللي هو عملو ده مش مقياس !

[AAAH]

المشاركة الأصلية كتبت بواسطة mohamed ibiza هو ده يعتبر مبرر انه يقول المكنة خفيفه !! الدخنه كان لونها اسود ولا ابيض ؟! غير كده اللي هو عملو ده مينفعش يتسمي اختبار للموتور او حاجة تخليه يقول ان المكنة خفيفة !! زي ما الدكتور قالك تابع الزيت لو لقيته بينقص يبقي الموتور عايز طقم شنبر او الاسهل فك البوجيهات لو لقيتها متعرق عليها زيت يبقي عايزه شنبر انما اللي هو عملو ده مش مقياس !

موضوع اللون ده صعب شويه لأننا كنا بالليل والدخنة كانت قليله جدا هفوه يعنى
بس الصبح اكلمة ان شاء الله واسأله هيا كانت بيضه والا سوده وايه بالظبط اللى خلاه يقول الموتور خفيف
وان شاء الله افك البوجيهات واقولك
وشكرا يا باشا

[luckyman]

ان شاء الله مفيش حاجة اهم حاجة تابع مستوى الزيت يوميا لو بينقص بشكل ملحوظ دة معناه فعلا السيارة محتجة عمرة ولو الموضوع بسيط ممكن تمشى علية لكن بدون تحميل واجهاد علية وشكرا