اكبر شكمان فى اصغر عربية

[hazem_khidr]

شكرا علي الموضوع يا احمد
و شكرا علي المعلومات يا انجكشن
لازم تحضروا الفطار انتوا الاتنين نتعرف عليكم
مافيش اعذار

[Injection]

العفو يارجالة, أصل الفكرة كانت فى دماغى قريب, بس موضوع شبه مستحيل أنك تستفيد بيه فى مصر, الصورة بتاعت النار اللى خارجة من المحرك دى واحد على عشرين من قدرة الموتور الكاملة, وقوة الموتور ده 1350 حصان غير موتور العربية الأصلى.

وكل فكرته أنه بيسحب هواء من الناحية الأولانية اللى عند السواق جوه ويرش وقود وبعدين يولعه, فبيدى دفع للعربية من الناحية الخارجية " لكل فعل رد فعل مساوى له فى المقدار ومضاد له فى الأتجاه".

دى الفكرة الأساسية, وفيه تصميمات كتير للمحرك وطرق ومعدلات لحساب كل حتة فيه وتصميمات أى ميكانيكى يقدر يعملها وتصميمات متنفعش تتعمل غير من ناسا, بس زى ما قلت حتى لو عملت واحد (التصميمات والناس العادية اللى عملت المشروع مالية النت), أنا مش متصور لو عديت بيه جنب واحد فى الشارع هيحصله أيه, ولا المرور هيخدنى مخالفة بروزات وأضافات خارجية ولا أيه.

حازم باشا, أنا للأسف مش هقدر أجى, أعذرنى, بس مستنى منكوا صور لكل صغيرة وكبيرة فى الفطار, معلش سامحنى.

[ahmed_menaiem]

المشاركة الأصلية كتبت بواسطة corsair تسلملنا يا ابو حميد وفعلا الاختراع ده احنا محتاجينه هنا عندنا اي كمين يقابلك تفك منه قبل ما يفكر حتي يا خد او رقم من نمر العربية

انت تأمر يا كروسير و ادخل على اى حملة و حط الشكمان فى اللى يكلمك بس المشكلة بجد انك هتسبتو ازاى فى الرخصة

[ahmed_menaiem]

المشاركة الأصلية كتبت بواسطة hazem_khidr شكرا علي الموضوع يا احمد و شكرا علي المعلومات يا انجكشن لازم تحضروا الفطار انتوا الاتنين نتعرف عليكم مافيش اعذار

انا بالامانة نفسى احضر الافطار ده علشان اتعرف على الناس المحترمة اللى فى المنتدى
بس انا هحاول لانى من دمياط و صراحة مشوار كبير فى الحر ده و معرفش الظروف هتبقى ايه بس ربنا يسهل

[ابو جودة]

شكرا على المعلومه