محتار بين : كورولا ؛ برافو ؛ ليون = 2012 .. بماذا تنصحوني ؟!

[tham1010]

الكورولا كويسة ومحدش بيشكى من اليابانى واعتقد ان محدش هيشتكى من العربيتان اللى قلت عليهم لانهم هيكونوا عربيات جديدة. إذا المقارنة تكون فى مركز الصيانة وثمن قطع الغيار.. هذا الأمر محتاج السؤال عن ثمن قطعة غيار فى الثلاث توكيلات أو يمكن المنتدى يساعدك يعنى نسأل اللى عندهم العربية دى يعطيك ثمن القطعة وتقارن بين الأسعار.....

أما عنى فدائما قلبى يروح لليابانى على الرغم أنى مش بحب شكلها ولكن كميكانيكا طبعا اليابانى معمر جدا

[Alaa@]

المشاركة الأصلية كتبت بواسطة tham1010 الكورولا كويسة ومحدش بيشكى من اليابانى واعتقد ان محدش هيشتكى من العربيتان اللى قلت عليهم لانهم هيكونوا عربيات جديدة. إذا المقارنة تكون فى مركز الصيانة وثمن قطع الغيار.. هذا الأمر محتاج السؤال عن ثمن قطعة غيار فى الثلاث توكيلات أو يمكن المنتدى يساعدك يعنى نسأل اللى عندهم العربية دى يعطيك ثمن القطعة وتقارن بين الأسعار..... أما عنى فدائما قلبى يروح لليابانى على الرغم أنى مش بحب شكلها ولكن كميكانيكا طبعا اليابانى معمر جدا

رد واقعي ومريح
وايه تقصد بالثلاث توكيلات ( يعني توكيل الثلاث عربيات )

[hhhesham]

شوف فى البلد الى انت فيها اه الى ممكن يمشى مثلا لو معندكش توكيل سيات او مركز خدمه يبقى بلاها الليون.... وممكن تبص فى اقرب بلد ليك.
مع العلم ان ال 3 عربيات دول مافيهمش عيب صيانه بس الكرولا اتسحبت كذا مره علشان مشكله فى ال airbag مره تانيه علشان الفرامل (ده كلام جرائد )

[Toyota Corolla]

رأى أنه لا تصلح هذه المقارنة لأنها بين سيارتين هاتش باك و سيارة سيدان و مع ذلك هقارن برضه .
1_المواتير:
سيات ليون :ماتور 1600 102 حصان ينطلق بالسيارة من الثبات لسرعة 100كم فى 11.7 ثانية عبر الناقل اليدوى
فيات برافو : ماتور 1400 120 حصان ينطلق باسيارة من الثبات لسرعة 100كم فى 9.6 ثانية عبر الناقل اليدوى
تويوتا كورولا:ماتور 1600 122 حصان ينطلق بالسيارة من الثبات لسرعة 100كم فى 10.2 ثانية عبر الناقل اليدوى
استهلاك الوقود:
ليون:20 لتر لكل 200 كم
برافو:20 لتر لكل 215 كم
كورولا: 20 لتر لكل 230 كم

سعة صندوق الأمتعة:
ليون:340 لتر
برافو:400 لتر
كورولا:460 لتر
ده اللى قدرت اقارنه بس عموما من الأخر الكورولا أفضلهم كاعتمادية و قطع غيار و ربنا يوفقك فى الاختيار

[Toyota Corolla]

المشاركة الأصلية كتبت بواسطة hhhesham شوف فى البلد الى انت فيها اه الى ممكن يمشى مثلا لو معندكش توكيل سيات او مركز خدمه يبقى بلاها الليون.... وممكن تبص فى اقرب بلد ليك. مع العلم ان ال 3 عربيات دول مافيهمش عيب صيانه بس الكرولا اتسحبت كذا مره علشان مشكله فى ال airbag مره تانيه علشان الفرامل (ده كلام جرائد )

موضوع الAirbag ده موضوع تحويير و مخلوق من العدم و ليس له صحة.
و الفرامل اتعالجت ابتداءا من موديل 2011